صباحك ..صباح جميل ..
بترتيل قرآن ..
مع صوت عبد الباسط و رفعت ..
ولاد ارض الأزهر والنيل ..
وقدام دكانه ..
يرش كل مصري ..
في الصبحية ..
شوية ميه جايه ..
من قلب نهر النيل ..
يروي بيها عطش حبه ..
لبنت سمرة مصرية ..
سمارها جاي ..
من شمس مصر الأصيل ..
يحلم معاها بعيشة هنية ..
على تراب أرض مصر البهية ..
يغني لها..
الحلوة قامت تعجن في الفجرية ..
يناجيها ..
بحبك يا مصرية ..
وعشقي ليكي يعيش ويطول ..
مع صوت ثومة من ساعة المغربية ..
وكلمة جميلة كتبها نجيب ..
بين القصرين وفي قصر الشوق والسكرية ..
---------------------------------------
د.شهيرة عبد الهادي
ليست هناك تعليقات:
إرسال تعليق