أمي يا منبع الحب والحنان .. بقلم ..مهدي أحمد السيد للو

أمى يا منبع الحب والحنان
خدينى فى حضنك ضمينى كمان
يا مصدر حياتى يا بر الامان
محتاج لحنانك محتاج الامان
فى رضاكى يا امى رضا الرحمن
وده مش كلامى كلام القرآن
بحبك يا امى يا اغلى انسان
وصوتك ونيسى يا اعذب لسان
يا ورده جميله يا زهرة ريحان
نتنفس شذاها يا عطر المكان
يا نسمة ربيع على طول الزمان
تهفهف علينا ونحس بحنان
مهما اقول عنك واكتب كمان
مش هوفيكى حقك يا بسمة زمان
يا رب يا قادر يا رب يا رحمن
اجعلها رفيقة النبيين والشهدا كمان
يا رب يا قادر يا رب يا رحمن
اجعلها رفيقة النبيين والشهدا كمان