الحلوة دي قامت تعجن في البدريه
و الديك بيدن كو كو كو كو بالفجريه
يلا بنا على باب الله
يا صنايعيه
يجعل صباحك
صباح الخير
يا اسطى عطيه
صبح الصباح
فتاح يا عليم و الجيب ما فيهش و لا مليم
بس المزاج رايق و سليم
باب الأمل بابك يا رحيم
دا الصبر طيب عال
ويغير الأحوال
يا اللي معاك المال
برضه الفقير له رب كريم
الحلوة دي قامت تعجن في الفجرية
و الديك بيدن كو كو كو كو في الفجرية
يلا بنا على باب الله
يا صنايعيه
يجعل صباحك
صباح الخير
يا اسطى عطيه
إيدي في ايدك يا بو صلاح
مادام مع الله تعيش مرتاح
خللي اتكالك ع الفتاح
يلا بنا يلا الوقت أهو راح
الشمس طلعت والملك لله
إجري لرزقك خليها على الله
ما تشيل قدومك والعدة ويلا
والديك بينده كو كوكو كو في الفجرية
يلا بنا على باب الله
يا صنايعيه
آه يجعل صباحك
صباح الخير
يا اسطى عطيه
آه يا اسطى عطية
ليست هناك تعليقات:
إرسال تعليق