مكتوب بتاريخ 13 أغسطس 2014م
الكهرباء النهاردة في انقطاع مستمر من الساعة 12 إلا ربع الظهر : ومجتش إلا
دلوقتي : يعني 11 ساعة متواصلة انقطاع : تتخللها يادوب فترات تتراوح من 10
دقائق لربع ساعة : بجد مبقاش فيه كلام الواحد يقولوا : يلا ربنا يستر على
مصر : المهم أن كان في الشارع فرح اتعمل كله في الضلمة والفرقة بتزمر وتطبل
في الضلمة والزغاريط في الضلمة والعروسة دخلت شقتها في الضلمة : وفي نفس
الشارع وعلى بعد 10 متر من الفرح : كانت فيه خناقة في الضلمة وكل واحد ماسك
نبوت عشان يضرب أخوه في الضلمة : فجأة النور جه حوالي الساعة 10 و45دقيقة
تقريباً : اللي كانوا في الفرح قالوا هيه هيه وزودوا الزغاريط والفرقة زودت
الطبل والكهارب اشتغلت : واللي كانوا في الخناقة : قاموا وقفوا لبعض
بالنبابيت تاني : وهو ده الشعب المصري :
ليست هناك تعليقات:
إرسال تعليق