قلة نوم ..كتبها الأستاذ علي عبد العال المحامي .. وكأنه كان يشعر بيوم وفاته ..

قلة نوم
أحاسيس شخصية قد تصدقها ساعاتي القادمة
بقلمي المتمرد
علي عبدالعال
-----------------------------------------------------

يا أحزااااااااااااااااااااني
عليكي القلب بينادي
بلاش تسافري في وادي
وقلبي ينجرح عادي
انا مسافر ومش عارف
انا راجع على بلادي
ولا القبر ناداني
وحاسس اني مش راجع
أكون تاني
وده احساس بيملاني
وصوت القبر صحاني
وعلمني
مقولش الآه لعدواني
وهيه الآه ما بعد الموت تفيد تاني ؟
وده احساس مبكتبهوش
وقبل اليوم ما حسيتهوش
ودي لحظة بتكتبني ما بين اموات
وقالت كان في يوم موجود
ولكن .......
.................................. مات
وسألوا عن ميراث دينا
لقوه كلمات
كلام ف الحب مره كتبت
وعن مصر كتبت آيات
وبعد الموت هتنعيني
وهتقول دا كان انسان
وممكن مره تهجيني
تقول ما كان
وهوه الحب مش كنزي
وانا انسان ؟
تفيد بأيه كنوز الأرض
لو عايش
بقلب جبان
أنا عايش عشان انسان
بيحلم كل أحلامه
بكل أمان
أنا عايش عشان مبدأ
عشان كلمه
بلاش تنداس كرامتنا
في عصر جبان
أموت بكره
لو العيشه
ما بعد الموت
بلا انسان
وتورث دينا كل الحب
من بعدي
وهتعيش على نهجي
وهتقول
دا كان انسان ...
-------------------------------------------------------------
علي عبد العال المحامي قبل وفاته  وكما أنه كان يشعر باقتراب يومه