من النماذج التي عنده عفة نفس .....

النهاردة شفت حاجتين حلوين أوي .. الأولانية .. وانا باشتري بعض الحاجات من مول معين .. الولد اللي بيعبي الأكياس أبكم مبيتكلمش .. جيت أديله حاجة . أبى بشدة وقعد يقول يا حبة عيني بطريقة اللي مبيتكلمش .. شكراً شكراً شكراً .. وانا أُلح عليه وهو يقول شكراً .. لكني صممت .. التانية .. فيه ولد بيجيب لي طلبات معينة من المحلات اللي قدام البيت .. يجيب الحاجة ويقول السعر يآخد الفلوس من غير حتى ما يبص فيها وينزل جري وميستناش يأخد أي حاجة ..ولما آجي أديله حاجة يآخدها على استحياء ويقول شكراً بابتسامة خجولة .. أهي .. هي ..دي بقى النماذج اللي تشرح القلب اللي عندها عفة نفس .. وعفة النفس دي تساعد على نشر الخير في المجتمع .. وكمان دول شباب صغيرين في السن فضلزا أنهم يشتغلوا بدل ما يشحتوا .. و مش زي اللي واخدين الشحاتة مهنة .. على سبيل المثال فيه شخصية معينة قعدت تعيط لكل المحيطين بيها وتتبكبك وتتنهنه وتشتكي .. وتشحت وتشحت وتشحت .. وفجأة جابت عربية لجوزها وعربية لإبنها وغوايش ذهب في إيديها وغيرت عفش بيتها كله ولسة بردو بتشحت .. وزيها كتير قدام المولات وفي العمارات وفي الشوارع وفي كل مكان ..