المايةه الشرعي والمايوه البكيني في العاشرة مساءًا.. بقلم د.شهيرة عبد الهادي
برنامج العاشرة مساءً في حلقة اليوم السبت 1 / 8 / 2015م .. كان بيناقش
قضية مهمة جداً يا بشر .. وهي أن قرى " لافستا " بالساحل .. بتمنع
البنات والسيدات اللي بيلبسوا مايوه " شرعي " من السباحة في حمامات
السباحة الخاصة بها ..وأنها عاوزة اللي يستحمى في الحمامات دي يكون لابس
بكيني .. تسمع بقى السيدات المحجبات ضيوف الحلقة وهم بيتكلموا عن
المايوه الشرعي و اختلافه عن المايوه البكيني والمايوه التكيني والمايوه
التتيني .. دا إذا كنت بانطقهم صح يعني .. وفيه شوية أسماء
كده بجد مش عارفاهم للمايوهات ..إيشي من أيسلنده وإيشي من أيرلنده
وإيشي مش عارفة منين ماركات عالمية يا با .. ما انا فلاحة بقى .. حاعرف
الماركات دي ازاي .. وكمان تسمع مميزات وعيوب المايوه الشرعي وفي المقابل
مميزات وعيوب البكيني .. تحس إنك عايش في العصر الحجري .. معلش أصل
الحر والبكيني بيبكيني .. ويا بخت اللي لابس شرعي و بكيني .. وانا كفاية
عليَّ " لاقيني ولا تغديني" .. وآه يا ليلي يا عيني ..
-----------------------------------
د.شهيرة عبد الهادي
ليست هناك تعليقات:
إرسال تعليق