---------------------
الراقصة برديس .. قالت بالحرف الواحد .. " أنا عملت تابلوه استعراضي فرعوني عمل فني محترم ومتكلّف .. محدش شافه.. ومكنش له سوق ..ومش رايج ..ومجبش حاجة خالص .. قلت اعمل كليب فيه حركتين تلاتة .. فـ هو ده اللي كان له سوق وبقى رايج واتشاف .. وكله ماشي على كده دلوقتي مُنتجين ومُخرجين وغيرهم ".. تعرفي بقى يا برديس مع أني ضدك شكلاً وموضوعاً .. لكن بـ اقولك .. إنت صادقة مع نفسك .. لخصتي مناخ 50 سنة في كلمتين .. لأن المناخ العام في مصر كده .. من بداية السبعينيات مع الانفتاح السداح مداح ..وما اشتمل عليه من عمليات غسيل الأموال القذرة .. اللي عمله الانفتاح ده في مصر لغاية دلوقتي.. واللي عن طريقه تم إفساد كل شيء في مصر .. وانتشر الرقص مش بس بالجسد .. لأ دا انتشر كمان الرقص والتراقص بالكلمات والفِكر .. حتى في أدق المجالات الثقافية والعلمية .. التي تشكل وجدان المصريين منذ ذلك التاريخ .. و منذ سنوات خمسون .. الغث هو السائد في كل المجالات .. أما السمين فلا سوق له .. وابشرك كمان يا برديس بعد الحلقة دي نسبة المشاهدة ليكي حتزيد ولا يهمك يا بيبو .. برافو برديس ..
--------------------------------------------------
المصدر : العاشرة مساءً:الأربعاء 27 / 5 / 2015م
د.شهيرة عبد الهادي
#Drshahera_Abd_Elhady_Ibrahem
ليست هناك تعليقات:
إرسال تعليق