========
في العجمي شارع البيطاش وشهر العسل بالإسكندرية : كل يوم يتم افتتاح محل تجاري كبير: أو نشاط تجاري كبير : ده بيفتتح محل لحوم وصالات و مطاعم ورستوران مكيفة : وده بيفتتح محلات أسماك ويبيع الجمبري بـ 400 جنيه والبوري بـ 40 إلى 60 جنيه ... إلخ والناس بتشتري والكمية بتخلص مع أول ساعات من الافتتاح !!! : وده : بيفتتح محلات ملابس : وده بيفتتح مخبز : وده بيفتتح محلات فراخ : وده بيفتتح صالات أفراح مكيفة الليلة بالشئ الفلاني : وده بيشتري توناية لغاية ما بقى في البيطاش لوحدها مئات التونيات إن لم يكن آلاف : دا بقى غير اللي بيطلع كل يوم بعمارة مكونة من 12 دور ولغاية 20 دور ويخلصها في شهر ولا اتنين وعلى حارة لا يتعدى عرضها مترين أو تلاتة بالكتير : وكل واحد فيهم وهو بيعمل الافتتاح بتاع مشروعه يولع مليون لمبة : ويآخد ثلاث أرباع الشارع عشان يعمل فيه الحفلة بتاعته ويرص الكراسي عشان اللي عاوزين يهنوا ومش مهم حركة المرور ولا سهولتها في الشارع : وأغاني أوكا وأورتيجا تشتغل ليل نهار بأعلى صوت من الصباح وحتى صباح تاني يوم : وبعد ده كله : كلهم بيشتكوا من أن مفيش فلوس : وكل واحد بيقول على التاني : شوفوا عامل إيه وموقف المرور إزاي : والبلد خلاص بقت فوضى ومعدش يتعاش فيها خلاص والحالة الاقتصادية زي الزفت : واحنا شعب لا حيقدر علينا لا الإخوان ولا السيسي ولا أي حد حيجي رئيس في الدنيا : بالذمة مش دي معادلة صعبة بردووو : نتعاطف مع الشعب ده وبعدين نشوف تصرفاته نستعجب .. والا دا بردووو تبع المتناقضات الموجودة في مصر أو الاستعباطات الموجودة في مصر .. بجد احترت واحتار دليلي ..
------------------------
د.شهيرة عبد الهادي
ليست هناك تعليقات:
إرسال تعليق