ما تقلش كنا وكان ............. نازك

ما تقولش كنـّا وكان ..

يا ريت ده كله ما كان..

يا ريت ما شفتك ولا عرفتك..

ولا كان جمعنا مكان..

بنيت عليك أحلام عمري..

وانت ما فكرتش بيّ..

ولا حتى مرة عشان خاطري..

صعب عليك دمع عيني..

خاصمتني وصالحتك..

حيرتني وسامحتك..

أديني أهو.. ريـّحتك..

ما تقولش كنا وكان..

يا ريت ده كله ما كان..

يا ريت ما شفتك ولا عرفتك..

ولا كان جمعنا مكان..

ياما غرامك ورّاني..

ليالي تجري ورا ليالي..

فاكرني أعيدها معاك تاني..

وحياة عينيك سيبني في حالي..

خليني أنسى هواك..

وأنسى اللي شفته معاك..

وكفاية نار ذكراك..

ما تقولش كنا وكان..

يا ريت ده كله ما كان..

يا ريت ما شفتك ولا عرفتك..

ولا كان جمعنا مكان...

---------------------------

كلمات : إسماعيل الحبروك

ألحان : فريد الأطرش

غماء : نازك (هيبت محمد الحسيني )