محمد طلبة يكتب || ما تخليش حد ينكد عليك و يحملك مسؤوليةالأحداث المؤسفة التى حدثت بعد 30 يونيو
- نشر بتاريخ الأحد, 28 يوليو 2013 21:26
- كتب بواسطة O.M
على فكرة عادي إنك تكون سعيد
باللي حصل يوم ٣٠ يونيو عندما نزل ملايين البشر سلميا تطالب النظام
بالرحيل.. و كمان تعطيه فرصة الخروج بشكل ديموقراطي لائق (إستفتاء شعبي أو
إنتخابات مبكرة) ... ما تخليش حد ينكد عليك او يزور التاريخ ده و بحملك
مسؤولية الأحداث المؤسفة اللي حصلت بعد كدة.
تخوفك من عودة الدولة البوليسية و القمع السياسي أمر متفهم خصوصا اذا كنت قررت تنضم لعالم السياسة و العمل العام بعد ثورة يناير ...بس ده برده مش عشان انت قررت تشيل نظام ضعيف فشل في فهم و فك اكواد الدولة المصرية..لا .. ده نتيجة إقتتال واضح بين نظام حكم سنة و نظام كان بيحكم ٣٠ سنة على كرسي السلطة.. طرف فيهم عارف انه لو خسر حيخش السجن و الطرف ابو ٣٠ سنة ما لقاش حد يلمه بعد مهرجان البراءة للجميع اللي كان شغال... فطمع و قال لك طب ما الحق لي جزء من الكعكة..... دورك بقى و حربك الجاية تكون ضمان ان اللي فات ما يرجعش و بطل تقعد تندب و تلعن في الاخوان أنهم السبب... الموضوع كان اكبر منهم بكتير و ده كان واضح...اهم مشيو... شيل بقى يا زعيم
عادي أنك تبقى حزين و مكتئب على ضحايا الإخوان اللي كانوا عرضة لعنف مفرط من الشرطة او البلطجية او الأهالي.... حتلاقي واحد منهم يحملك السبب عشان نزولك يوم ٣٠ ...!!!! و كأن ضرب المتظاهرين و قتلهم و سحلهم أمر ما كانش بيحصل أيام حكم جماعة الإخوان و المجلس العسكري!!!!!! حيحاول بكل قوة أنه ينزع منك مبادئك الإنسانية.. زي ما كان زمان بينزع منك قيمك الإيمانية... حيقولك انت تشمت في الموت يا فاجر!!! ...بص كدة كويس.... هل انت فعلا شمتان في الموت؟!! .... لو الإجابة لا... يبقى ابتسم و عديها... راعي انه مرتبط عاطفيا بالناس اللي ماتت و قضيتهم..... و انت مرتبط إنسانيا و أخلاقيا بس بالناس اللي ماتت و مش مقتنع بقضيتهم......
حترتاح اوي لو قدرت تنفصل عاطفيا عن الأحداث و تضع الامور في نصابها و تسميها بمسمياتها .... الإخوان في حالة ثورة مش في حالة مظاهرة سلمية ... و ده أمر متفهم لناس شايفة أنهم ما خادوش فرصتهم و إن الشعب و مؤسسات الدولة إنقلبت عليهم... المظاهرة السلمية معلومة المكان و الزمان و الأهداف و سيناريوهات النهاية (و ده غالبا عمره ما حصل في مصر) ... حتلاقي نفسك تايه بين مشاهد الحرب على الإسلام بفيديوهات مدنيين بتحاول تقتحم مسجد... و فيديوهات تشوه الإسلام تعرض مجموعة من الإخوان بتعذب محتجزين ..... لو كانت دي حرب أهليه كما يزعمون يبقى اللي كان بيحصل عند الإتحاديه حرب أهليه برده... فالأهل في كلمة أهلية مش المقصود بيها الأهل و العشيرة بس
لو شايف أن خطاب السيسي بتاع التفويض تحريضي و هو السبب... يبقى خطاب مرسي بتاع الحارة المزنوقة و "سوف افعلها" و اتقو شر الحليم و اضرب يا ريس بيد من حديد خطابات تحريضية.... الحقيقة أن خطاب السيسي كان رسالة إلى الغرب اللي الإخوان بتطلب تدخله لتوضيح رأي الأغلبية (إستعراض عددي أنا مش موافق عليه... لاني مؤمن انها مش بالعدد) و خطابات مرسي كانت مناورات سياسية تهديدية صعب أنك تحمله الدماء اللي سالت بعدها...
للتاريخ ....كل الحذرين و المتخوفين و المتشائمين إنتظروا إقتحام الجيش لإعتصام رابعة بعد التفويض... و لما ده ما حصلش لقينا الناس بتموت في مكان تاني خالص على بعد ٣ كيلو من الإعتصام.... غالبا حركهم الخوف من موقعة جمل جديدة ... فقاموا بإجراءات إحترازية ...و ده مجرد ظن.. و لكن يظل السبب الحقيقي في التحرك من رابعة في إتجاه كوبري أكتوبر في يوم حاشد زي ده مجهول و يفتقد كثير من الحكمة مش بس السياسية لا كمان الثورية!! ...و بغض النظر عن الاسباب يظل الحادث مؤلم ... و العدد مرعب... و يتفرق دمهم بين القبائل!! جيش و شرطة و بلطجية و أهالي...
حتلاقي نفسك تايه بين فيديوهات جديدة للشرطة بتضرب في الملتحين و فيديوهات قديمة لملتحين محميين من الشرطة و بيضربوا في المعارضين ... افصل نفسك عن المشاهد دي كلها... عشان سلامة قلبك و عقلك... و قيم المشهد لوحده.... أحنا أمام جهاز شرطة غير محترف يستعين بمدنيين لضرب مدنيين تانيين
انا رافض نظرية المؤامرة لاني شايف أننا شعب مش مبدع... عشوائي...ورافض الإنفصال عن القضية الفلسطينية و السورية و كأن الرابط بينا و بينهم جماعة الإخوان..... دعم فلسطين بالغاز و السولار واجب وطني لو لسة مؤمنين بفنوكش أم الدنيا و ما شربتش من نيلها و كدة
ممكن تبقى كل اللي فوق ده و لسه مؤمن مصلي و صيامك مقبول و كدة و نصيحة أكتب و حرر الأفكار اللي جواك... تزوير التاريخ أمر عادي و بيحصل فالتاريخ يكتبه المنتصر..... و لكن الخطورة في تزوير الوعي و الإدراك و تتحول إلى المغني اللي انا مش عارف اسمه "انا مش عارفني انا تهت مني" ...اللي حيؤدي لإنهزامية تتوارثها الأجيال عن طريق قصص قبل النوم
تخوفك من عودة الدولة البوليسية و القمع السياسي أمر متفهم خصوصا اذا كنت قررت تنضم لعالم السياسة و العمل العام بعد ثورة يناير ...بس ده برده مش عشان انت قررت تشيل نظام ضعيف فشل في فهم و فك اكواد الدولة المصرية..لا .. ده نتيجة إقتتال واضح بين نظام حكم سنة و نظام كان بيحكم ٣٠ سنة على كرسي السلطة.. طرف فيهم عارف انه لو خسر حيخش السجن و الطرف ابو ٣٠ سنة ما لقاش حد يلمه بعد مهرجان البراءة للجميع اللي كان شغال... فطمع و قال لك طب ما الحق لي جزء من الكعكة..... دورك بقى و حربك الجاية تكون ضمان ان اللي فات ما يرجعش و بطل تقعد تندب و تلعن في الاخوان أنهم السبب... الموضوع كان اكبر منهم بكتير و ده كان واضح...اهم مشيو... شيل بقى يا زعيم
عادي أنك تبقى حزين و مكتئب على ضحايا الإخوان اللي كانوا عرضة لعنف مفرط من الشرطة او البلطجية او الأهالي.... حتلاقي واحد منهم يحملك السبب عشان نزولك يوم ٣٠ ...!!!! و كأن ضرب المتظاهرين و قتلهم و سحلهم أمر ما كانش بيحصل أيام حكم جماعة الإخوان و المجلس العسكري!!!!!! حيحاول بكل قوة أنه ينزع منك مبادئك الإنسانية.. زي ما كان زمان بينزع منك قيمك الإيمانية... حيقولك انت تشمت في الموت يا فاجر!!! ...بص كدة كويس.... هل انت فعلا شمتان في الموت؟!! .... لو الإجابة لا... يبقى ابتسم و عديها... راعي انه مرتبط عاطفيا بالناس اللي ماتت و قضيتهم..... و انت مرتبط إنسانيا و أخلاقيا بس بالناس اللي ماتت و مش مقتنع بقضيتهم......
حترتاح اوي لو قدرت تنفصل عاطفيا عن الأحداث و تضع الامور في نصابها و تسميها بمسمياتها .... الإخوان في حالة ثورة مش في حالة مظاهرة سلمية ... و ده أمر متفهم لناس شايفة أنهم ما خادوش فرصتهم و إن الشعب و مؤسسات الدولة إنقلبت عليهم... المظاهرة السلمية معلومة المكان و الزمان و الأهداف و سيناريوهات النهاية (و ده غالبا عمره ما حصل في مصر) ... حتلاقي نفسك تايه بين مشاهد الحرب على الإسلام بفيديوهات مدنيين بتحاول تقتحم مسجد... و فيديوهات تشوه الإسلام تعرض مجموعة من الإخوان بتعذب محتجزين ..... لو كانت دي حرب أهليه كما يزعمون يبقى اللي كان بيحصل عند الإتحاديه حرب أهليه برده... فالأهل في كلمة أهلية مش المقصود بيها الأهل و العشيرة بس
لو شايف أن خطاب السيسي بتاع التفويض تحريضي و هو السبب... يبقى خطاب مرسي بتاع الحارة المزنوقة و "سوف افعلها" و اتقو شر الحليم و اضرب يا ريس بيد من حديد خطابات تحريضية.... الحقيقة أن خطاب السيسي كان رسالة إلى الغرب اللي الإخوان بتطلب تدخله لتوضيح رأي الأغلبية (إستعراض عددي أنا مش موافق عليه... لاني مؤمن انها مش بالعدد) و خطابات مرسي كانت مناورات سياسية تهديدية صعب أنك تحمله الدماء اللي سالت بعدها...
للتاريخ ....كل الحذرين و المتخوفين و المتشائمين إنتظروا إقتحام الجيش لإعتصام رابعة بعد التفويض... و لما ده ما حصلش لقينا الناس بتموت في مكان تاني خالص على بعد ٣ كيلو من الإعتصام.... غالبا حركهم الخوف من موقعة جمل جديدة ... فقاموا بإجراءات إحترازية ...و ده مجرد ظن.. و لكن يظل السبب الحقيقي في التحرك من رابعة في إتجاه كوبري أكتوبر في يوم حاشد زي ده مجهول و يفتقد كثير من الحكمة مش بس السياسية لا كمان الثورية!! ...و بغض النظر عن الاسباب يظل الحادث مؤلم ... و العدد مرعب... و يتفرق دمهم بين القبائل!! جيش و شرطة و بلطجية و أهالي...
حتلاقي نفسك تايه بين فيديوهات جديدة للشرطة بتضرب في الملتحين و فيديوهات قديمة لملتحين محميين من الشرطة و بيضربوا في المعارضين ... افصل نفسك عن المشاهد دي كلها... عشان سلامة قلبك و عقلك... و قيم المشهد لوحده.... أحنا أمام جهاز شرطة غير محترف يستعين بمدنيين لضرب مدنيين تانيين
انا رافض نظرية المؤامرة لاني شايف أننا شعب مش مبدع... عشوائي...ورافض الإنفصال عن القضية الفلسطينية و السورية و كأن الرابط بينا و بينهم جماعة الإخوان..... دعم فلسطين بالغاز و السولار واجب وطني لو لسة مؤمنين بفنوكش أم الدنيا و ما شربتش من نيلها و كدة
ممكن تبقى كل اللي فوق ده و لسه مؤمن مصلي و صيامك مقبول و كدة و نصيحة أكتب و حرر الأفكار اللي جواك... تزوير التاريخ أمر عادي و بيحصل فالتاريخ يكتبه المنتصر..... و لكن الخطورة في تزوير الوعي و الإدراك و تتحول إلى المغني اللي انا مش عارف اسمه "انا مش عارفني انا تهت مني" ...اللي حيؤدي لإنهزامية تتوارثها الأجيال عن طريق قصص قبل النوم
ليست هناك تعليقات:
إرسال تعليق