- ليلى ونهارى
- كلمات : عبد الفتاح مصطفى
لحن : رياض السنباطي
غناء : أم كلثوم
ليلي ونهاري فكري بيك مشغول وحياتي لك وحدك على طول
ولسه بتصدق حسود وعزول
قالوا لك الغيرة تزود حبي وبالدموع والحيرة تملك قلبى
لا يا حبيبي
بالحب وحده انت غالي علي بالحب وحده انت ضي عنى
بالحب وحده وهو وحده شوية
لا يا حبيبي
أنا لما حبيتك خطر على بالي اللي جرالي واللي راح يجرى لي
صورت افراحي ونعيمي في قربك وسهدي ف بعدك ونار عزالي
عمري ما قلت ازاي وليه حبيتك
ولا عمري قلت يا ريتني يوم ويا ريتك
وبكل قلبي وبكل عقلي هويتك
الحب هو الود والحنية
عمره ما كان غيره وظنون وأسيه
الحب هو اللي بأمره هويتك
وأمره لا بايدك ولا بايديه
مين اللي قال عزك بذل خضوعي
والا غلاوتك فى الهوى بدموعي
لو كنت أرضى بالهوان فين قلبي
وازاي تطوله وتحكمه في ضلوعي
بالحب انا سلمت قلبي إليك
بالحب وحده مش بغيرتي عليك
فين الحنان فين الامان يا حبيبي
لو حيرت فكري الطنون حواليك
الهجر أهون من عذابي في قربك
ولا اشوفشي يوم أندم عليه وأنا جنبك
وكفاية اعيش بالذكريات في بعادك .. دا انا عشت اكثر من حياتي في حبك
بالحب وحده انت غالي علي
بالحب وحده انت ضي عني
بالحب وحده وهو وحده شوية
لا يا حبيبي
الخميس، 6 يونيو 2013
ليلي ونهاري ..كلمات..عبد الفتاح مصطفى .. تلحين رياض السنباطي ..غناء .. أم كلثوم ..1963 مـ
الاشتراك في:
تعليقات الرسالة (Atom)
ليست هناك تعليقات:
إرسال تعليق