عيد أضحى مبارك على أهلي وناسي ..بقلم د.شهيرة عبد الهادي

عيد أضحى مبارك على أهلي وناسي وكل من يحبني في الله ..كل عام وحضراتكم طيبين يا أهلي وناسي يا أصدقائي وصديقاتي يا أساتذتي وأستاذاتي يا زملائي وزميلاتي يا طلابي وطالباتي  يا إخواني وأخواتي الموظفين والموظفات يا إخواني وأخواتي العاملين والعاملات يا رجالات الأمن الإداري والصناعي ويا شعب مصر يا رب تكونوا كلكم بألف خير يا رب ..وربنا يعود الأيام على مصرنا الحبيبة وهي آمنة مستقرة محفوطة محروسة بعين الله التي لاتنام ..من قلبي كل عام وحضراتكم جميعاً بألف خير يا رب ..

مواقف حياتية ..هي إيه حكاية الكلاب اللي ملت البلد دي .. بقلم د.شهيرة عبد الهادي

هي إيه حكاية الكلاب اللي ملت البلد دي الوولف ومش عارفة إيه ومش عارفة إيه ولها أنواع غالية جداً ..كل شاب أو بنت ماسك في إيده كلب وملبسه سلسلة منها الفضي ومنها الذهبي وعمال يطبطب عليه ويلاعبه ويبوس فيه.. لأ والكلاب ضخمة وأشكال والوان وأحجام .. وده فين ..في العجمي .. مع أن العجمي ده .. دلوقتي ..هو ..مصيف الفقراء.. لأنه أصبح شعبياً جداً ..أمال اللي في الساحل الشمالي ماسكين في إيديهم إيه بقى ..
----------------------------------------------
د.شهيرة عبد الهادي
الجمعة 25 / 8 / 2017 م

اللهم بك دوماً وإلى أن تستردني إليك .. يا رب ..

اللهم بك دوماً وإلى أن تستردني إليك .. يا رب ..
السبت 26 / 8 / 2017 م

قيل للسعادة : أين تسكنين ؟.. قالت : في قلوب الراضين بقضاء الله ..

قيل للسعادة : أين تسكنين ؟..
 قالت : في قلوب الراضين بقضاء الله ..

الخالقية والقيومية والربوبية .. بقلم د.شهيرة عبد الهادي محمد..

الخالقية والقيومية والربوبية هي عطاء ربنا سبحانه تعالى لكل إنسان في العالم يعمل من أحل الإنسانية .. وليس لفئة معينة تدعي أنها فقط من في يدها مفاتيح الجنة ..
---------------------
د.شهيرة عبد الهادي محمد
السبت26 / 8 20177 م

لا تقلب الصفحة .. ولعل في الصفحة القديمة ..العبرة .. قنأخذ بها بعيداً عن الغبرة .. بقلم د.شهيرة عبد الهادي محمد

لا تقلب الصفحة .. ولعل في الصفحة القديمة ..العبرة .. قنأخذ بها بعيداً عن الغبرة ..
---------------------------------
د.شهيرة عبد الهادي محمد 
الأحد 27 / 8 / 2017 م

مواقف حياتية ( قصتي مع البواب )..بقلم د. شهيرة عبد الهادي

سألت عن شغالة تيجي تنظف لي الشقة..
أعطوني تليفون بواب ..
أنا:السلام علبكم..
هو:سلام..
أنا:فلان قال أن حضرتك ممكن تجيب لي شغالة تنظف لي الشقة بكره:
هو: أيون: "المدام " بتاعتي هي اللي حتبجي ليكي يا"حاجة"..
هو:اممم طب .. " إنت " ساكنة فين؟..
أنا:في شارع كذا..
هو: امم بامتعاضة بعني الشارع مش عاجبة..
هو:
" إنت" ساكنة في الدور الكام؟..
أنا: في الدور كذا..
هو: مساحة الشقة كام؟:
أنا: مساحتها كذا..
هو:
فبها ستاير وسجاد وكده؟..
أنا: أيون.. بس مش ح اغسل حاجة.. يا دوب كنس ومسح وتنفيض..
هو: " المدام" بتاعتي بتقعد يوم واحد بس في الشقة واليوم ب400جنبه..
( طبعاً ده غير الفطار والغدا والمشروبات وغيرها يعني حط كمان 100)
أنا: مش كتير كده..
هو: كتير إيه "يا حاااااجااااااا" دا " المدام" بتاعتي هي اللي جايالك:
أنا: مرارتي اتفقعت ..
قلت له: شكراً..
 وآدي أحد نواتج التغييرات الاجتماعية الاقتصادية الثقافية السياسية الجغرافية المهلبية اللي حصلت في مصر مع بداية الانفتاح السداح مداح السبهللي في أوائل السبعينيات..

ما يقوله من نوى الأضحية وهو يشاهد ذبح الأضحية ..

إن صلاتي ونسكي ومحياي ومماتي لله رب العالمين لا شريك له وبدلك أمرت وأنا أول  المسلمين..
الأنعام:162-163
---------------------------
اللي ح يضحي يقول : وأنا من المسلمين ..والله أعلم 🌺🕋

إنه كان ظلوماً جهولا .. بقلم د. شهيرة عبد الهادي

كانت حياة ..
ظلموها.. 
لونوها.. 
بأحلك الألوان ..
اتشحت بالسواد ..
حولوها ..
حجراً أسوداً..
وأبوا أن يستقبلوها..
بتحية. .
أو بقبلة..
 في طوافٍ ..
يعيدها لهم بيضاء..
يمحوا..
خطاياهم..
ذنوبهم ..
كِبر..
ظلم..
غرور..
تجبر..
الكبير يأكل الصغير..
(إنه كان طلوماً جهولا)..
----------------------------------
د.شهيرة عبد الهادي
الخميس 24 / 8 / 20177 م

وتبني آمال وقصور .. بقلم د. شهيرة عبد الهادي

وتبني.. 
آمال وقصور..
على...... 
جدع شوفته..
عصفور ..
حبيته .....
ومنه ...
كنت ممنون ..
أتاري الجدع...
موتور......
بيتنطط ..
بين الألوان ......
في الغصون ..
-------------------------
د.شهيرة عبد الهادي محمد
الإثنين 21 / 8 / 2017 م

عمر القسوة ما تبني .. بقلم د. شهيرة عبد الهادي

سبح بحمد ربك..
واستغفر المنان..
ما تقلش ...
ليه ده عمل كده..
ولا ده قال زمان ..
دا ربك وحده ..
بيرزق ....
الطير في السما..
وبيرزق..
الإنسان ..
عمر القسوة ..
ما تبني..
ولا......تعلي ..
أي كيان....
-------------------
د.شهيرة عبد الهادي محمد
الثلاثاء 22 / 8 / 20177 م

بعضاً من خواطري بعنوان .. ( وفيه ناس ) .. بقلم د. شهيرة عبد الهادي

وفيه ناس تحايلك..
تقولك يا طاهر..
والطهر باين على وشك ..
وهي في كل لحظة..
 بتخونك و تغشك..
-------------------------------- 

وفيه ناس عاوزة ..
تعيش..
وتموت فيك انت...
وفيه ناس عاوزة..
تعلى وتعلى..
وتوطي فيك انت..
ولو سبتلها الساحة..
بردوو..
بتغير منك انت..
مساكين ..
في قلوبهم الحقد..
ب...........
بغلي ويغلي..
ياريت.....
تسيبك منهم..
وتعيش..
 حياتك انت..
------------------------- 
وفيه ناس لذيذة أوي..
ورايقة..
تدخلك من باب الحكمة..
وهي بتمزمز ميرندا..
عاوزة تعرف عنك ..
أي حاجة في أي حاجة..
ولو ما عرفتش..
يا ويلك..
لا حتشرب ميرندا..
ولا حتشوف ده من ده..
وهم فاكرينك عبيط..
يا طيب انت ..
و مش عاوزين يعرفوا ..
إنك ما بتحبش أي ميرندا..
(مع الاعتذار لكل المشروبات  أصحاب ميرندا)
------------------------------------------------- 
وفيه ناس تانية تجيلك..
عشان بتحبك..
وتحب مصلحتك..
وهي في الحقيقة.. 
ب تكسر في عضمك..
تقرقشه..
بنيابها المبتسمة..
تديك نصايح ..
(والديك بيدن كوكو كوكو)..
تطفي من على وشك ..
 كل بسمة.. 
------------------------------- 
وفيه ناس تظهر لك..
كده فجأة..
تقول لك وتقول لك..
تكتب فيك قصايد..
تدلق عليها انت..
بطيبتك..
تخلص لها..
تحبها..
تعطيها وتعطيها..
تضحك عليك هي..
تقول لك ..
يا اهبل..
هو انت ما تعرفش..
شعار المرحلة..
الدنيا مصالح..
والمصالح تتصالح..
مالقيناش عندك مصلحة..
يا صالح..
روح شوف لك ..
حد مع الدنيا متصالح..
احنا كده وما لناش دعوة..
باللي قالوا..
سيدنا الصالح..
( إن أربدإلا  الإصلاح ما استطعت) ..
----------------------------------------------
د. شهيرة عبد الهادي
كلها كتبت بتاريخ ..
الأحد 20 / 8 / 2017 م

بعضاً من زهرات أفكاري .. بعنوان ( في كل وادٍ يهيمون ) .. بقلم د. شهيرة عبد الهادي

كل جنس يأنس لجنسه دون غيره من الأجناس.. 
----------------------------- 
أصبح" الظلم " صنماً من أصنام الجاهلية الحديثة يعبده كل من لم يتوصل لمعاني حروف كلمة " العدل"  ..
------------------------------------------------------  
حتى " الحب" جعلوه مهنة في زمن امتهان كل شيء ولا شيء..

بعضاً من زهرات أفكاري .. بعنوان ( الحب والوهم ) .. بقلم د. شهيرة عبد الهادي

نتغنى بالحب ولا نستطيع أن نحياه.. يا ترى.. هل هو من برفضنا.. أو أن أفعال كل كلمة تبدأ بحرفي "ح" "ب" هي من خذلتنا..
----------------------------------------------

أحياناً اللا شعور يجعلنا نعيش في " الوهم المضيء" حتى لا نرى "بقع الظلام" التي تملأه إذا ما ابتعدنا عنه مسافة زمنية كافية..
----------------------------------------------

ومع فجر كل يوم .. بقلم د.شهيرة عبد الهادي

ومع فجر كل يوم ..
نطلب منك يا رب ..
المغفرة ..
ونرجع للمعاصي تاني ..
وتاني فجر نطلب منك ..
العفو والمغفرة ..
وانت يا رب ..
كريم ..
ما ترد عبادك ..
من على بابك ..
وقلوبهم مستنفرة ..
-------------------------
د.شهيرة عبد الهادي
الأحد 20 / 8 / 2017 م

بعض الكلمات التي كتبها أصدقائي إشادة بي .. هنا ..كلمات الشاعر نور .. وتلك كانت الصورة المرفقة ..

شهيرة ..
شهيرة ..
شهيرة ..
وقعت قلبي وياكي في حيرة ..
كل الحروف متحيرة ..
إزاي ترسملك قصيدة ..
وإنت الجمال والذوق المعجزة..
بدون ماكتب حروفك..
النجوم ويا القمر قالوا شهيرة ..
💛💜💞💙💚
دمتم بخير وسعادة ودامت محبتنا لله ورسوله ثم الوطن ودمتم لنا سالمين. ..
محبكم ..
الشاعر نور..

دائماً أبداً الجوقة حول الحاكم هم معاول الهدم الرئيسية له ولكن في الوقت المناسب .. بقلم د.شهيرة عبد الهادي

دائماً أبداً الجوقة حول الحاكم هم معاول الهدم الرئيسية له ولكن في الوقت المناسب ..

و شقشق فجر النهارده .. بقلم د.شهيرة عبد الهادي

وشقشق ..
فجر النهارزه ..
على صوت ..
يمام .. 
مع اخواته ..
بـ يزقزق ..
يناجي الكون ..
يقول له ..
دي بلدي ..
ودي ولدي..
وحتة مني ..
ومن كبدي ..
وحبها ..
في قلبي
ساكن ..
وبـ يرقرق ..
---------------------------
د.شهيرة عبد الهادي محمد
الأربعاء 16 / 8 / 2017 م

وانا أحمل كل حروف العطاء .. بقلم د.شهيرة عبد الهادي

وأنا أحمل كل حروف العطاء ..
أناشدها  ..تأتيك على استحياء..
تناجيك .. بكل حب دون رياء ..
تتمناكرفيق حرفٍ ..بلا انتشاء..
---------------------------------
د.شهيرة عبد الهادي
الجمعة 18 / 8 / 2017 م 

سؤال أبحث له عن إجابة .. بقلم د. شهيرة عبد الهادي

ستي زمان كانت لما تلاقيني باعمل حاجة وأنا متسرعة .. كانت تقول لي : يا بت خلَّي عندك " طوهباج " ..

بقالي فترة بادور على أصل الكلمة دي وجت منين وكده..مش لاقياها ..
حاكم ..مفرداتنا يا مصريين خليط مننا ومن كل اللي وفدوا علينا  عرب وأجانب..