شكر وتقدير لكل من هنأني بيوم ميلادي .. بقلم د.شهيرة عبد الهادي ..

مش عارفة .. أنا حاتكلم كده بالبلدي واللي يطلع من قلبي ح أقوله علطول ..بجد ربنا وحده يعلم المشاعر والأحاسيس اللي مريت بيها وحضراتكم بتهنوني بيوم ميلادي ..ما بين دموع فرح في عينيا و ما بين بكاء لتذكري مواقف معينة أوقدر معين أراده وقدَّره الله لي .. ربنا عالم أن لحظات الفرح في حياتي قليلة جداً .. لكنني مثابرة وبـ اعافر مع الحياة وباتحمل تلطيشها الكتير فيا أوي .. ودي نعمة من الله أشكره عليها والحمد لله .. ومن اللحظات اللي بتفرحني جداًً وبتنسيني تلطيش الدنيا فيا .. هي لما ربنا بيإذن أن يوم ميلادي يجي تاني ..وحضراتكم تهنوني بيه تاني .. لا تتخيلوا مدى التأثير الإيجابي لذلك على نفسيتي ..وازاي روحي بترد لي تاني .. ألف شكر أصدقائي وصديقاتي النبلاء على محبتكم ومودتكم .. كل الشكر والتقدير لأصدقائي وصديقاتي اللي هنوني في الرسائل واللي بلغت مئات الرسائل .. كل الشكر والتقدير لأصدقائي وصديقاتي اللي هنوني على صفحتي الشخصية أو في ملتقي محبي الله والوطن او في مجلة كلمتين بالبلدي أو في مجلة مواقف حياتية أو في جروب الإحباط أو على التليفون الأرضي أو على الموبايل واللي بلغت مئات التهاني أيضاً .. كل الشكر والتقدير لأولادي في الله ثم بالقلب والعلم في الكلية اللي كانوا بيقابلوني في الكلية بمنتهى البشاشة وكلهم بيهنوني بفرحة صادقة من قلوبهم .. كل الشكر والتقدير لأساتذتي وأستاذاتي وزملائي وزميلاتي اللي هنوني وهم يتمنون لي الخير .. كل الشكر والتقدير لأفراد اسرتي اللي هنوني في الأسرة أو على صفحتي الشخصية واللي كلموني هاتفياً .. والحمد لله على هذه النعمة .. فأنا وسط حضراتكم سأظل تلك المرأة التي تحمل قلب طفلة صغيرة .. فانا إمرأة تبلغ من العمر الزمني آلف عام .. لكنها تحمل داخلها طفلة صعيرة لن تكبر ولن تشيخ مهما شاخ العمر الزمني وشاخ الزمان واشتعل الرأس شيبا .. وذلك بفضل الله سبحانه وتعالى ثم بفضل محبتكم لي .. شكراً يا أصدقائي وصديقاتي المحترميين الراقيين .. مودتي واحترامي وتقديري لحضراتكم جميعاً .. ألف شكر ..
----------------------------
د.شهيرة عبد الهادي 
22 / 1 / 2017 مـ 

صنعته الحب والكلام ..بقلم د. شهيرة عبد الهادي

يا اللي صنعتك الحب والكلام ..
حرام تعيش الناس في أوهام ..
ما بين إقبالٍ وإحجام ..
وتبني سعادتك  ..
على إغراقهم في الآلام  ..
--------------------------------
د.شهيرة عبد الهادي 
25 / 1 / 2017 مـ

آمين آمين يا رب العالمين ..

‏يارب ياالله ..
اللهم ثقّلني لمن يتكئ عليّ .. و خففني على من أتكئ عليه .. وعظّمني لمن يحتاجني .. و هونّي على من أحتاجه ..

وعجبي ..

صكوك " إسلامية " .. حوادث قطارات السكك " الحديدية " .. انهيار عمارات في " اسكندرية " وغيرها في أماكن متفرقة من " الجمهورية " .. حرائق في حديقة الحيوان وفي مخازن كتب " الكلية " .. قتلى في التحرير وفي " الاتحادية " .. هو ده فقه معاملات ولا نظريات "اقتصادية " .. وعجبي ..
----------------
د.شهيرة عبد الهادي

22 / 1 / 2013 مـ

كلمتين بالبلدي ..

تصريحات السادة الوزراء المصريين الأجلاء الآن :
1-إحنا عندنا أحسن تعليم وأحسن معلمين في العالم ..
2-إحنا مستشفياتنا أحسن من مستشفيات بريطانيا ..
طب لما احنا عندنا كل ده :إيه هو بأى سر عدم حصول جامعاتنا على أي ترتيب عالمي ؟ وإيه سر تخلفنا ؟ وإيه سر انهيار التعليم والصحة عندنا؟ وإيه سر عدم اعتراف بعض الدول بالماجستير المصرية بل وأيضاً ببعض الدكتوراة والأساتذة كمان في العلم وفي الطب ؟ #يكنش_إنفلونزا_الطيور
-------------------------
د. شهيرة عبد الهادي 
22 / 1 / 2015 مـ

أنا لسة باحلم بالأمل .. بقلم د.شهيرة عبد الهادي

وبرغم الألم ..
وبرغم بعد المسافات ..
وبرغم الوجع ..
وبرغم مر الآهات ..
انا لسة باحلم باللقا ..
أنا لسة باحلم بالأمل ..
-----------------------
د.شهيرة عبد الهادي
17 / 1 / 2017 م
Drshahera Abd Elhady Ibrahem

من بين القيم الإنسانية ..

لما حد يأمنك على قلبه .. إوعى توجعه ..
لما حد يأمنك على سره .. إوعى تفضحه ..
لما حد يأمنك على نقط ضعفه .. إوعى تستغله ..

لما حد يثق فيك ويتعشم .. إوعى تخذله ..
لما حد يتعلق بيك ويحبك .. إوعى تسيبه وتظلمه ..
لما تهتم بحد .. قوله نيتك من الأول في اهتمامك بيه ..
لما تقرب من حد .. خليك قد القرب ومتتخلاش عنه ..
لما توعد حد بوعد .. لازم ولو على رقبتك تنفذه ..
---------------------------------------------------
من القيم الإنسانية ..منقول ..
22 / 1 / 2017 مـ 

من القيم الإنسانية ..

لما حد يأمنك على قلبه .. إوعى توجعه ..
لما حد يأمنك على سره .. إوعى تفضحه ..
لما حد يأمنك  على نقط ضعفه .. إوعى  تستغله ..
لما حد يثق فيك ويتعشم .. إوعى تخذله ..
لما حد يتعلق بيك ويحبك .. إوعى تسيبه وتظلمه ..
لما تهتم بحد ..قوله نيتك من الأول في اهتمامك بيه ..
لما تقرب من حد .. خليك قد القرب ومتتخلاش عنه ..
لما توعد حد بوعد .. لازم ولو  على رقبتك تنفذه .. 
-----------------------------
22 / 1 / 2017 مـ

كلمتين بالبلدي .. ثقافى الترضي .. بقلم د. شخيرة عبد الهادي

أتمنى أن لا نستمر في اتباع ثقافة الترضي المنتشرة في مصر ..
حتى لا نصل إلى مستوى أكبر من هذا المستوى الذي وصلنا إليه من التردي ..
--------------------------------------------
د.شهيرة عبد الهادي Drshahera Abd Elhady Ibrahem

من وحي اللحظة ..بقلم .منى حواس ..

حتي إن عدّيت
من باب الروح
و رويت أشواقك
ونسيت
تسقي الزرع الساكن قلبي
برضه الزرعة مش بتموت
جوايا بيوت للضوء
و وضوء بينقّط شوق
وهدوء مسروق م الزحمة
الحب سكينة ورحمة
فالرحمة علينا وحاسب
وقت أما تفوت من روحنا
و إبقي إرمي سلامك ريحنا
أو سيب الباب متوارب !!!
::
منى حواس
" من وحي اللحظة "

فيها اللي فيها ومهما كان فيها .. بقلم د. شهيرة عبد الهادي

فيها اللي فيها ..
ومهما كان فيها ..
أنا مش ح اقول ..
فيها لا اخفيها ..
لأ .. ح أقول..
ربي يبارك فيها ويخليها ..
ويحافظ لي عليها..
حبيبتي الغالية مصر ..
وكل صالح ..
عايش فيها بيخاف عليها ..
---------------------------------------
د. شهيرة عبد الهادي
Drshahera Abd Elhady Ibrahem

الناس موتى وأهل العلم أحياء ..علي بن أبي طالب ..

قال عليٌ بن أبي طالب رضي الله عنه لكميل بن زياد : 

يا كميل :
العلم خيرٌ من المال ، العلمُيحرسك وأنت حرسُ المال ، 

والعلمُ حاكمٌ ،والمالُ محكومٌ عليهٍ ، والمالُ تنقصهُ النفقهُ ،والمالُ يزكوا بالإنفاقٍ ، 

وقال ناظما ً :
ما الفخــــرُ إلا لأهل العلمِ إنهمُ *** على الهدى لمن استهدى أدلاءُ..
وقدرُ كلُ امرئٍ ما كان يُحسنهُ *** والجَاهـلونَ لأهل العـلمِ أعداءُُ..
فـفـز بعلمٍ تعِش حيـا ً به أبــدا *** الناسُ موتى وأهلُ العلمٍ أحياءُ..

يا خسارة يا مصر .. أولادك بيدمروكِ .. بقلم د. شهيرة عبد الهادي

الآن حريق في مخازن كلية الآداب جامعة القاهرة .. والأمس حرائق وحوادث في كل مكان ..من يُريد تدمير مصر .. من يُُريد حرق مصر .... هل هم هؤلاء وهؤلاء ممن ينتمون للاتجاهات المختلفة .. أم انها تصفية حسابات .. أم إنها أحقاد .. أم هي عدم انتماء .. أم أنها صراعات بين الطبفات والانتماءات .. أم هي سياسات خطأ .. أم هي من أجل طموحات أفراد وليست طموحات وطن .. يا خسارة يا مصر .. أولادك بيدمروكِ ..
-----------
د. شهيرة عبد الهادي
21 / 1 / 2013 مـ

( مواقف حياتية ) مشاكل النت .. من واقع الحياة .. بقلم د. شهيرة عبد الهادي

من الصباح والنت مقطوع.. واتصل بـ TA DATA..و الراجل اللي متسجل على التليفون ده.. فرحان أوي.. بـ دبيليو دبليو دبليو دوت نت.. ويعيد ويزيد فيها .. ويشغلولك .. إعلانات عن الشركة وعروضها .. والواحد .. يقعد يسمع في الكلام ده.. تلت ساعة . وبعدين يرد عليك مسؤول ولا مسؤولة.. ويقعد ولا تقعد.. تسألك كمان تلت ساعة عن بيانات قلتها 100 مرة قبل كده في المرات اللي فاتت.. وفي الآخر.. تقلك.. أصل السستم واقع .. ومش عارفين نجيب بياناتك .. حاجة.. تزهق .. مفيش في مصر حد عاوز يشتغل .. وكله بيسرق بطريقته الخاصة.. فيه .. حد.. على.. نفس الشركة دي وحصل معاه الكلام ده النهارده.. أنا عاوزة أغير الشركة دي .. ما آراء حضراتكم ..
------------------
د.شهيرة عبد الهادي
21 / 1 / 2014 مـ

يا خسارة .. بقلم د. شهيرة عبد الهادي

الفيس فلس خلاص .. يا خسارة يا أيام كانت جميلة .. كلها مناقشات وحوارات وعلم وأمل وحلم وعمل.. كل اللي على الفيس دلوقتي .. وانا منهم .. عمَّالين يلعبوا .. لعب الفيس دي.. زي.. شوف معدن شخصيتك من الاختبار الفلاني .. شوف انت شبة مين من الزعماء العرب من الاختبار الآتي .. شوف شخصيتك من طريقة نومك .. شوف مزاجك من طريقتك في شرب الشاي .. أكتب إسمك بالانجليزي وبعده .com .. واللي معاه قرش محيره يجيب حمام ويطيره .. وآدي حال المجتمع دلوقتي .. ما هو ده فن بردوو !!!!.. ودي رسالة بردوو ؟؟ !! .. بس فيه سؤال بيطرح نفسه ..على رأي الست مريومة الجميلة .. الفيس هو اللي فلس يا عمتوا .. والا الناس هي اللي فلست ؟ ..
------------------------------------------------
د.شهيرة عبد الهادي
21 / 1 / 2015 مـ

المصريين لما ينكتوا على نفسهم ههههههههههه

إبتسامة المصري أبو دم خفيف
==================
عجيب أمركم أيها المصريون تحمصون العيش عشان ينشف من أجل الفتة ثم تبلونه في الشوربة عشان يطرى!!! ..
-----------------------------
 21 / 1 / 2015 مـ
Karem Elahlawy

من أشعار ..عماد طنطاوي

إرسموا ياعيال ع السبورة
شجرة بضلاية وعصفورة
وإرسموا ورد أحمر وبنفسج
حوالين الداير ف الصورة
وإحلموا ببلادكوا تكون هية
وإكتبوا بنحبك يابهية
إصحوا ب أحلامكوا الصبحية
وبوسوها الحلوة القمورة
صبحوا على نرجس وبشارة
باركوا لعم أحمد والحارة
والجارة تسلم ع الجارة
والحب يفيض برة الصورة
إحلموا دا الحلم ماهوش بفلوس
ولاهمه رغيف وشبع وغموس
الحلم دا شىء مخلوق مخصوص
علشان الناس المقهورة
الحلم شجاع وقوى وعنيد
مايهابش شاويش وكلابش حديد
دا براح مفتوح ومداه لبعيد
الحلم وليد لحظة جسورة..!! #عماد_طنطاوى

من الموضوعات التي طرحتها للمناقشة وتعليقات الأصدقاء عليها ( 3 )

لحظات مع النفس
-------------------
" أشياء و مواقف و محطات " كثيرة .. تحدث في "حياتنا ".. ولا نعرف .. "كنهها" .. إلا في مرحلة "متأخرة " .. ربما "أضافت" .. ربما "أخذت" .. ربما كانت سبب "سعادة" .. ربما كانت سبب "تعاسة" .. لكنها حدثت ..
-------------------------------------------------
د.شهيرة عبد الهادي
 / 1 / 2015 مـ

24 Comments

58 You, Magdy Albakry and 56 others

Comments

Eid Eid

حياة الانسان كالقطار فى مسار رحلته اثناء سفره .. فمحطه تترك فرح وابتسامه والاخرى وداع وتحمل دمعه ...... أسعد الله ايامك د/ شهيره

19 January 2015 at 03:45 · Unlike · 1

Drshahera Abd Elhady Ibrahem

آمين آمين آمين يا رب العالمين

19 January 2015 at 03:54 · Unlike · 1

Drshahera Abd Elhady Ibrahem

تسلم حضرتك يا أستاذ عيد يا رب

19 January 2015 at 03:54 · Unlike · 1

Emad Basha

19 January 2015 at 04:13 · Unlike · 2

Drshahera Abd Elhady Ibrahem

تحياتي وتقديري أستاذ عماد باشا الفاضل

19 January 2015 at 04:46 · Unlike · 2

Eng Khalifa Abd Elrazek

لله الامر من قبل ومن بعد. وصدق الرسول الكريم ( عجبا لامر المؤمن كله خير اذا اصابته ضراء صبر فكان خيرا له واذا اصابته سراء شكر فكان خيرا له صباح الفل يا دكتورة

19 January 2015 at 07:44 · Unlike · 1

Drshahera Abd Elhady Ibrahem

صباح الخيرات ياافندم Eng Khalifa Abd Elrazek

19 January 2015 at 08:20 · Unlike · 1

Mohamed Elfiky

الحمد لله على كل شيئ
تحياتى وتقديرى د/شهيرة

19 January 2015 at 08:24 · Unlike · 1

Drshahera Abd Elhady Ibrahem

تحياتي واحترامي وتقديري أستاذ محمد الفقي الفاضل

19 January 2015 at 08:29 · Unlike · 1

Hisham Bidiri

ومن اجمل المحطات يا سيدتي تلك المحطة التي جمعتك والعبد الفقير في صفحته المتواضعه ... دومتي بالف خير سيدتي

19 January 2015 at 13:55 · Unlike · 1

Abood Jameel Jameel

فالافضل لسان الحال لعلة خير

19 January 2015 at 14:19 · Unlike · 1

Aymen Abdelsalam

اللهم قدر لنا الخير حيث كان وارضنا به.

19 January 2015 at 18:09 · Edited · Unlike · 1

Tarek Abou Alfa

نعيش الحياة و نحن نكتشف حقيقة من نحن .. أيها الحاضر.. تحملنا قليلاً.. فلسنا سوى عابري سبيل .. نحياتي د الموقرة شهيرة

19 January 2015 at 18:15 · Unlike · 1

Drshahera Abd Elhady Ibrahem

ربنا يسعدكم Hisham Bidiri

19 January 2015 at 18:44 · Like · 1

Drshahera Abd Elhady Ibrahem

تحياتي Ashraf Soliman

19 January 2015 at 18:44 · Like · 1

Drshahera Abd Elhady Ibrahem

ربي يسعدك ام سامى

19 January 2015 at 18:45 · Like

Drshahera Abd Elhady Ibrahem

بارك الله فيكم Abood Jameel Jameel

19 January 2015 at 18:45 · Like · 1

Drshahera Abd Elhady Ibrahem

نورتني Aymen Abdelsalam

19 January 2015 at 18:45 · Unlike · 1

Drshahera Abd Elhady Ibrahem

نعم : نحن عبري سبيل Tarek Abou Alfa

19 January 2015 at 18:46 · Unlike · 2

Drshahera Abd Elhady Ibrahem

أنا محتاجة أنزل ويندوز : فمحدش يزعل مني : إذا ما حدث لخبطة

19 January 2015 at 18:47 · Unlike · 2

في ذكرى ثورة تونس العظيمة .. أهي منظومة ثقافة عربية غريقة .. أم هي فلسفة حكام عرب عميقة .. التي بدأت يوم 14 من يناير 2011 مـ .. .. د.شهيرة عبد الهادي ..

في ذكرى ثورة تونس العظيمة .. أهي منظومة ثقافة عربية غريقة .. أم هي فلسفة حكام عرب عميقة ..
============
اليوم الذكرى الثانية لثورة الياسمين .. التي بدأت يوم 14 من يناير 2011 مـ .. والتي كانت مُلهمة الثورة المصرية والتي بدأت في 25 يناير 2011مـ .. وأيضاً ألهمت كل الثورات العربية التالية .. ويهذه المناسبة .. أهنئ الشعب التونسي الشقيق العظيم بثورته العظيمة .. وأقول له إن ذكرى ثورة يوم 25 يناير في مصر أتٍ أيضاً كما وصل إليكم يومكم .. يا بختنا ويا بختكم .. وحيث أنه .. ومن متابعتي لكل من الثورتين التونسية والمصرية .. إذ بي أجدهما ( كوبي وبست ) .. من بعضهما البعض .. سامحوني .. كتبتها بلغة التكنولوجيا .. ولغة الفيس بوك .. والذي كان المحرك الرئيس وراء ثورات الربيع العربي .. وإن كنت أتساءل .. هل هو ربيع عربي .. أم ماذا ؟ .. فالشكوى في كل من البلدين واحدة .. وهي .. عدم تحقق أهداف الثورة ( خبز - حرية - عدالة اجتماعية -كرامة إنسانية ) .. وتداعيات الأمور منذ قيام الثورة .. تسير بنفس الطريقة والكيفية .. في كل من البلدين .. فيما بعض الاختلافات البسيطة .. بداية من الانتخابات البرلمانية .. وحتى تولي رئيس منتخب شؤؤن البلاد .. وخلفيته الحزبية .. وانتهاءً بما يتعلق بالدستور.. أو القضاء ..أو المظاهرات .. أو المعارضة .. أو الصراعات بين الحزب الخاكم وأحزاب المعارضة .. أو تردي الأوضاع في البلاد ..إو الفوضى السائدة ..أو .. أو ..أو .. لا أدري ما السبب في ذلك ؟.. أهي منظومة ثقافة عربية عريقة .. أم سيكولوجية شعوب عربية غريقة ..أم هي مشكلات أنظمة عربية سحيقة .. أم هي فلسفة حكام عرب عميقة .. عموماً .. أنا لا أدري .. فإن كنت تدري .. فأبلغني وعلّمني .. أثابكم الله .. وإن كنت أعتقد أن هناك لا أحد يدري ..
--------------------
د.شهيرة عبد الهادي
الإسكندرية
14 /1 / 2013 مـ
مِصر الحبيبة