وانتظرها ..محمود درويش ..

"لم تأتِ. قلتُ: ولن .. إذاً
سأعيد ترتيب المساء بما يليق بخيبتي
وغيابها:
أطفات نار شموعها،
أشعلت نور الكهرباء،
شربت كأس نبيذها وكسرتهُ،
أبدلتُ موسيقى الكمنجات السريعة
بالأغاني الفارسية.
قلت: لن تأتي. سأنضو ربطةَ
العنق الأنيقة [هكذا أرتاح أكثر]
أرتدي بيجامة زرقاء. أمشي حافياً
لو شئتُ. أجلس بارتخاء القرفصاء
على أريكتها، فأنساها
وأنسى كل أشياء الغياب /
أعدتُ ما أعددتُ من أدوات حفلتنا
إلى أدراجها. وفتحتُ كل نوافذي وستائري.
لاسر في جسدي أمام الليل إلاّ
ما انتظرتُ وما خسرتُ...
سخرتُ من هَوَسي بتنظيف الهواء لأجلها
[عطرته برذاذ ماء الورد والليمون]
لن تأتي ... سأنقل نبتة الأوركيد
من جهة اليمين إلى اليسار لكي أعاقبها
على نسيانها...
غطيتُ مرآة الجدار بمعطفٍ كي لا أرى
إشعاع صورتها ... فأندم /
قلتُ: أنسى ما اقتبستُ لها
من الغزل القديم، لأنها لا تستحقُّ
قصيدةً حتى لو مسروقةً...
ونسيتُها، وأكلتُ وجبتي السريعة واقفاً
وقرأتُ فصلاً من كتاب مدرسيّ
عن كواكبنا البعيدة
وكتبتُ، كي أنسى إساءتها، قصيدة
هذي القصيدة!"

محمود درويش

حنين وشعور مش عارفة أوصفه .. بقلم د.شهيرة عبد الهادي

حنين وشعور مش عارفة أوصفه ..
الأم وبيت العيلة ده حاجة كبيرة أوي وشعور لا يمكن وصفه .. احنا مجموعة الإخوات الأشقاء . لما بنوصل بيت ماما عشان نطمن عليها وعلى حالتها الصحية ومدى استقرارها .. بتلاقي كل اللي داخل وبتلقائية وعفوية يقوم رايح علطول وفاتح التلاجة اللي في الصالة ويطلع أي حاجة يآكلها ..لقمة فول ورغيف حتى جبنة ورغيف طبق بامية بايت ورغيف .. اللي موجود .. وطول ما هو بيآكل يقول : الله أكلك حلو أوي يا ماما .. وكل واحد فينا بيآكل باستمتاع غريب ورهيب ..وتلاقي كل زوجة من زوجات اخواتي .. تقول لماما .. والنبي يا ماما قولي ليا ..ازاي بتعملي طبق الفول أصلي كل ما اعمل الفول بيقولي لأ مش حلو زي فول ماما " أيام ما كانت في صحتها شوية يعني " .. الشيء بقى الملاحظ جداً .. هو أن كل الأحفاد أيضاً بيقولوا كده لماماتهم .. كل واحد فيهم يقول لمامته : أكل تيتة أحلى من أكلك يا ماما ..حتى فيه مرة حفيد ليها يقول:الله .. شوفي المخلل بتاع تيتة حلو ازاي ما بتعرفيش تعملي زيه يا ماما .. ويآكلوا يا حبايب قلبي باستمتاع على قدر "الطقة بتاعتهم " .. أنا باسمي ده نتاج تربية الطيبة والحنان .. ماما طيبة أوي وحنونة أوي وخوافة أوي  وعندها عطاء ليس له حدود .. ربنا يعطيك الصحة يا ماما ولا تتحوجي لأي حد في الدنيا حتى ابن بطنك وأنا أولهم .. مش عارفة دي مشاعر جت لي دلوقتي ساعة الصبحية مع حنين لأشياء كثيرة خاصة بماما .. . ربنا يستر ..

من كلمات محمد العريفي عن مصر ..

من شاهد الأرض وأقطارها..
والناس أنواعًا وأجناسًا ..
ولم ير مصر وأهلها ..
فما رأى الدنيا ولا الناسا..
هي أم البلاد..
وموطن المجاهدين والعباد..
قهرت قاهرتها الأمم..
ووصلت بركاتها إلى العرب والعجم..
هي بلاد كريمة التربة..
مؤنسة لذوي الغربة..
فكم لمصر وأهلها من فضائل ومزايا..
وكم لها من تاريخ في الإسلام وخفايا..
منذ أن وطأتها أقدام الأنبياء الطاهرين..
ومشت عليها أقدام المرسلين المكرمين..
والصحابة المجاهدين ..
------------------------------------
 محمد العريفي
14 / 7 / 2012 مت

مال هذا الزمان لا يهوانا .. بقلم د. شهيرة عبد الهادي

مال هذا الزمان لا يهوانا ..
يُعطينا لمن لا نهوى ..
ويهبُ من نهوى لسوانا ..
----------------------------
د.شهيرة عبد الهادي
Drshahera Abd Elhady Ibrahem

هدى سلطان فى رائعتها إن كنت ناسى افكرك كلمات محمد على احمد لحن الموسيقار...

    

ان كنت ناسي

ان كنت ناسي .. افكرك
ياما كان غرامي .. بيسهرك
وكان بعادي .. بيحيرك .. بيحيرك .. بيحيرك
وان كنت ناسي .. افكرك
افكرك بالليل وشجونك
واحلفلك عالشوق بعيونك
وفرحتك وانت بتحكي .. قصة هوايا
ولوعتك وانت بتشكي .. من طول اسايا
وكان غرامي بيسهرك
وكان بعادي بيحيرك
وان كنت ناسي .. افكرك
بدلت ودك ليه .. ليه بالاسيه
وكنت قبلَ بتخاف عليه
اعيش معاك في غرامي
وارضى المقدر
بين فرحتي واوهامي
واحلم .. وافكر
ياما كان غرامي بيسهرك
وكان بعادي بيحيرك
وان كنت ناسي .. افكرك
 

كلمات: محمد علي احمد ألحان: رياض السنباطي

لا يخدّعنك هتافُ القوم بالوطنِ .. فالقوم في السر غير القوم في العلنِ ..ِ بقلم .. معروف الرصافي

لا يخدّعنك هتافُ القوم بالوطنِ ..
فالقوم في السر غير القوم في العلنِ ..ِ
معروف الرصافي

إلى متى .. بقلم د. شهيرة عبد الهادي

تتحدث عيوني
تثرثر
مع مضغة
بين ضلوعي
...
لا تجد من
يكفكف دموعها
...
لم تجد إلا
من أدمى قلبها
من دمر قالبها
...
وهو
يغازل
يُداعب
يُراقص
أحزانها
شجونها
...
إلى متى ؟
----------------------
د.شهيرة عبد الهادي
17 / 12 / 2014 م
Drshahera Abd Elhady Ibrahem

وفي بعض الدواء مرارة ..بقلم د.شهيرة عبد الهادي

وفي بعض الدواءِ مرارةٌ ..
تُعالج ..
ما شكى المرارةَ .. يوماً ..
وفي .بعض العسلِ سمٌ ..
يقتل ..
ما اغتر بـ الحياةِ .. دوماً ..
------------------------------
د.شهيرة عبد الهادي
17 / 12 / 2014 مـ
Drshahera Abd Elhady Ibrahem

تقسوا الطبيعة أحياناً ..بقلم د.شهيرة عبد الهادي

تقسوا الطبيعة أحياناً ..
وفي قسوتها جمالٌ ..
تُفتِّج أبواباً للحُب ..
يُعطِّر بالدفئ كل واقع ..
كان خيالاً ..
ليت قلوب البشر ..
تحذوا ..حذوها ..
و لا تكسوا بالقُبحِ ..
كل جمال ..
-----------------------------
د.شهيرة عبد الهادي
17 / 12 / 2014 م
Drshahera Abd Elhady Ibrahem

التجارة الخاسرة ..بقلم د. شهيرة عبد الهادي

التجارة الوحيدة التي تخسر دائماً .. هي .. التجارة بالمشاعر والأحاسيس .. فـ المشاعر هي الشئ الوحيد التي يتحسسها شريان القلب ويتذوق صدقها أو عدم صدقها .. حتى وإن طال زمن الخديعة .. فـ للفطرة عند الإنسان نصيب منها .. وإن تم تزييف وتزيين البيئة التي تحتويها ..
-----------------------------
د.شهيرة عبد الهادي Drshahera Abd Elhady Ibrahem

ثلاثية .. بقلم منى حواس

(1)
بسم الألم
والشوق....
لضحكة تلمّنا
من فوق رصيف الاشتياق
كان الفراق
سكّة عبور
لدموع بتترجّى اللقا
وإيدين بتتهجّى السلام
وعيون تقرر إنّها
تكتب قصايد حزنها
فالحرف يهرب م الكلام
................
(2)
جاني الشتا قبل الميعاد
والبرد زاد...........
رغم إنْ الناس بتحلف
إن لسّه الصيف مطوِّل
والخريف بيهل الاول
بس أنا بردانة جداً
بارتعش.......
ودمعي أكتر م المطر...
شربت دموعي الأرض
تفتكر إيه اللي جد؟!!!
يمكن لأنّك مش معايا
قبل الشتا حسّيت ببرد !!!!
...................
(3)
العتاب نُص المحبّة
وإحنّا نُصِّين من شجن
فامّا اعاتبك
إعرف إنِّي
اشتهيت نُصّي اللي فيك
وامّا ادق الباب عليك
اعرف إني...
محتاجالك
لجل مااتحدى الزمن
::
منى حواس

من فصيدة ليل التمني .. بقلم طارق مرسي

ليتَ الذي نثر الَقتادَ بمرقدي
يجثو برفقٍ فوق جفني المُسهـــــــدِ
فيشعُّ فيه من الحنانِ و كلما
نامتْ عيوني لاحَ حُلمُ الموعــــــدِ

فأعيش عشقاً ، صرتُ فيه متيماً
و يزيدُ وجـــدي رغم حقدِ الحُســـــــدِ
.... طارق مرسي
(من قصيدتي ليل التمنى )

خنجر ابن البيت سمه أسرع قتلاً للأسرة .. بقلم د. شهيرة عبد الهادي

خنجر ابن البيت سمه أسرع قتلاً للأسرة ..

ويجيء القدر بزهرة من بين زهور الدنيا ..
لها عبير خاص برائحة العطاء ..
لا أريد استنشاقها حتى لا تنضب ..
أو الاقتراب منها حتى لا تذبل ..
أو تبتعد !!!..
------------------------
د.شهيرة عبد الهادي
Drshahera Abd Elhady Ibrahem

بلوتيكا ..بقلم إبراهيم القاضي

ةةة...بلوتيكا...ةةة
*******
الشيكا شيكا..بيكا..!
الشيكا شيكا ..بم
شيكا ع السيكا..
وشيكا ع ..الدم
وشيكا بلوتيكا..
تغم الدم....
الشيكا شيكا بيكا..الشيكا شيكا بم
شيكا ع السكر ..اللى ما سكر
وشيكا على عنتر ..عمره ما بكر
صفحه ف دفتر..
تسقى ...السم
الشيكا شيكا بيكا..الشيكا شيكا بم
شيكا على بومه..
تغنى لسومه
روح محرومه..وروح مرحومه
وروح ف النومه..
تقول ترلم...
الشيكا شيكا بيكا..الشيكا شيكا بم
شيكا طياره..
وخلت قداره
عاملين غاره..ف صحن بصاره
وفرخه بداره..
شايله الهم....
الشيكا شيكا بيكا ..الشيكا شيكا بم
شيكا على سنطه !
غاويه السلطه
وطبق السلطه..وفخدة بطه
أما القشطه
تعبى اليم....
الشيكا شيكا بيكا..الشيكا شيكا بم
شيكا نجار..بابه مخلع
والزمار..والناى بيقطع
واللى ملعلع..
وسط الصم......
الشيكا شيكا بيكا..الشيكا شيكا بم
ع الخباز أبو ..ورك إزاز
والبرواز وصفيحة الجاز
والاعجاز..
ف مرار المم...
الشيكا شيكا بيكا ..الشيكا شيكا بم
شيكا على بنا
مره ما ..حنى
كف وطننا..وعاش يتمنى
ود..قمرنا..
وشوق النجم....
الشيكا شيكا بيكا ..الشيكا شيكا بم
شيكا سناره..
لسه بكاره..
وشاب بداره..ف بدن الحاره
عاش يتدارى...
خلف الحلم ....
الشيكا شيكا بيكا..الشيكا شيكا بم
شيكا على شعب
زيته اتكب
لا قام ..ولا شب وعاش يتلب
أما الحب
يادوب ..ف الفيلم...
الشيكا شيكا بيكا ..الشيكا شيكا بم
******
الشاعر ابراهيم القاضي 
2010/1/1

تعميرة .. بقلم إبراهيم القاضي

@÷×=... تعمـــــــــيرة !!...=×÷@
ةوةوةوةوةو( 1 )
لقيت البحر ع الشط..
تحت شمسيه..!
قاعد بيرسم ..بط
ويمامه ..بنيه
وقطه غلبها النط
جوا ..دواريه
وفاره بتشخط شخط !
يروع ..الحيه
طار الورق م ..الشط
وقع على إيديا
وأنا بأنشال وانحط
عبيت السرير..ميه!!
ةوةوةوةو ( 2 )
عدت عليا ..سنين ..
وأنا لم أبدا ..
شايل حمولى أنين
واقف على مفرق..
ناديت ..ناس تانيين
تايهين من المبدأ ..!
مشيت كما المعمى
بلا اسمى ..بلا رسمى
مكتوب على جسمى
وانا باغرق ...
صاحب ....مبدأ !!
وةوةوةوةوةوةوة
الشاعر ابراهيم القاضى ♡♡♡●

ثلاثية الرحيل .. بقلم هيثم كمال

ثلاتية الرحيل
(1) ارتحال الشوق
طال السفر
والانتظار شجرة مرار
شجرة بتطرح كل ثانية وكل لحظة
ألف حيرة وألف نار
وكل دقة جوه قلبى بتندهك وبتسألك
إزاى قدرتى ع البعاد ؟
إزاى قدرتى ع السفر ؟
ليه الشراع فتح الدراع لرياح فراق ؟
ليه الاشتياق سلم سلاحه وارتحل ؟
ليه الأمل مارفضش يومها الإنسحاب ؟
ليه الشموس وافقت تغيب رغم الدموع ؟
ليه السفر دايماً بعيد
أبعد كتير من القمر ؟
لما سناه بيسلم الضوء الأخير
لليل طويل .. مالهوش نهار
والقانى نخلة اتسمرت على شط بحر ملوش قرار
نخلة تطول بالانتظار
وسعفها عايش بيحلم بالندى
يروى العطش ويبل ريق
بس الندى سافر وتاه منه الطريق
والنخلة بتعانى الرياح ويّا الجفاف
النخلة بتعانى الحريق
جُمّارها حنضل ف انتظارها للندى
والندى تاه فى المدى
واللقا بقى مستحيل
ولقتنى باسأل عن دليل ياخد بإيدى من حصار الأسئلة
ليه السفر دايماً طويل ؟
ليه البحور من غير شطوط ؟
ليه الأفق من غير أمل ؟
ليه الشموس لازم تغيب ؟
ليه النجوم بتنطفى ؟
ليه النهار عمره قصير ؟
ليه الانتظار دايما مرير ؟
وبرغم مُر الأسئلة أنا لسه عايش ف انتظارك
أنا لسه مش فاهم قرارك ليه الابتعاد ؟
وازاى قدرتى ع البعاد ؟
وازاى قدرتى ع السفر ..جوّه البحار ؟
لكن .. هأقولِك إيه ؟
البُعد بُعد بالغصب أو بالاختيار !

(2) الميعاد كان الشتا
كان رحيلى غصب عنى
مش لأنى تعبت منك
بس حان الحين للحظة الافتراق
وانزوت شمعة لقانا فى لهيب الإحتراق
والحنين لانصهار الروح بعد الجروح
انتصر على الاشتياق
واللى كان محسوب لقا.. اصبح فراق
انا الشجرة اللى ما تعرف معنى الرحيل
والرحيل عند الشجر شئ مستحيل
الشجر مايرحلش إلا غصب
ولا يتركش ارضه ودنيته إلا انتزاع
الشجر مايقواش ع الرحيل إلا اقتلاع
بس الميعاد كان الشتا
لما اخر ورقة دبلت
فاتت الشجرة ورحلت
غصب عنها
كنت عارفه انك مستنى اللقا
يطرح ورق اخضر جديد
جه القدر جّز الجذوع
والفروع صارت بعيد
بس انا روحى لسه عايشة
جوّه روحك
لسه بتلملم جروحك
لسه بتنوّر طريقك
رغم الرحيل
والرحيل كان غصب عنى
ياحبيبى وغصب عنك
(3) عهدى ووعدى
من اول يوم وانا قبل ما انام ماعرفش انام
قبل ما أطبع على خدك وجبينك
عهدى ووعدى
قبل ما اقولك : تصبحى على خير
ولا تطلع شمس ولا ييجى نهار
قبل ما تصبح اول كلمة تخرج من حلقى : صباح الخير
والشمس مصرّة تشرق من تانى
رغم غيابك
والليل لسه بيطّفى الشمس
مع ان سنا قمره بيضّوى الليل
وانا لما الليل بيهل عليا ما عرفش انام
قبل ما أطبع على خدك وجبينك عهدى ووعدى
تلات مرات
وبرغم الليل وبرغم البعد
وبرغم الآهه المكبوتة جوّه القلب
وبرغم الصبح المكسوف من ضيّ عينيكِ المتدارى
وبرغم الصيف وبرغم البرد
لسه ما بقدرش انام قبل ما أقولك :
تصبحى على خير
هيثم كمال

حدث بالفعل .. بقلم د. شهيرة عبد الهادي

حدث بالفعل ...
كنا في حضور مناقشة رسالة علمية ..أنا ومجموعة من الشخصيات ..
-بالطبع أنا مركزة في المناقشة كي أستفيد بقدر طاقتي ..
-بعد الانتهاء من المناقشة أبديت إعجابي بمناقشة أحد الممتحنين ..
-إحدى الشخصيات التي كانت حاضرة معي وهي حاصلة على درجة الدكتوراة..
-دكتورة شهيرة ..
-نعم ..
-شوفتي اللي لابسة في صباعة " وهي تقصد الشخصية التي أعجبت أنا بمناقشتها للرسالة" ..
-صباع إيه ؟
-صباح إيده الشمال ..
-ماله ؟..
-دا لابس دبلة دهب يا دكتورة .. ازاي ما خدتيش بالك ..
-طب ومال ده ومال المناقشة ؟
-إنت طيبة أوي يا دكتورة .. دا مسيحي ..
-وأنا مالي إن كان مسيحي ولا يهودي ولا مسلم ..
-أنا عاوزة اشوف استفادنا منه علم ولا لأ..
-حتعيشي طول عمرك طيبة يا دكتورة ..

وهكذا ستجد في مجتمعنا من هم أساتذة جامعات وأطباء ومهندسين يتبنون هذا الفكر وينشرونه ..فما بالك إن كان أستاذ جامعة وله تأثير على الشباب والشابات .. هذا فكر يا سادة وتلك عقيدة يا سادة تم غرسها في عقول قطاع عريض من الشعب حتى تم نهبه فكرياً منذ بداية السبعينيات وبشراسة .. ناهيك عن ما قد تم قبل هذه البداية في فترات ما قبل السبعينيات .. الداعشية فكر وعقيدة يا سادة نحن من سمحنا بها وفتحنا لها الأبواب أولاً وأخيراً . فلا تستغربوا تفجيراً هنا وتفجيراً هناك فكثير منا دواعش ..
---------------------------------------------
د.شهيرة عبد الهادي Drshahera Abd Elhady Ibrahem

وعجبي ..بقلم د. شهيرة عبد الهادي

عندما انطفأت أنوار قلوب وعقول وضمائر العرب واشتعلت نيران الحقد والكراهية والبغضاء بينهم وتسابقت أموالهم في الإنفاق من أجل زعامات وهمية لبلاد تحولت لكيانات أصبحت في حكم الأقلية ..تاهت معالم كل قضاياهم .. وأجبروا  الإنسانية  أن تتركهم وتذهب إلى برج إيفل لـ تتغنى بأنه أطفأ أنواره من أجل أطفال سوريا .. وعجبي ..

وآدي أحوال العرب .. بقلم د.شهيرة عبد الهادي

ع الفيس اللي من مصر بيصرخ ع الدم واللي من سوريا بيصرخ ع الدم واللي من العراق بيصرخ ع الدم واللي من اليمن بيصرخ ع الدم واللي من ليبيا بيصرخ ع الدم ..حاجة تحزن وتغم .. وآدي أحوال العرب .. ومش عاوزين يحاسبوا أنفسهم أبداً .. ولا يكون عندهم دم ..