ممكن أفضفض معاكم شوية .. بقلم د.شهيرة عبد الهادي

ممكن أفضفض مع حضراتكم شوية ..لفت نظري موضوع كده عاوز أأقول لحضراتكم عليه.. لما الفيس بيبلغني بأعياد ميلاد أصدقائي .. واروج أكتب لهم التهنئة على صفحاتهم .. اكتشفت .. أن عدد كبير جداً من صفحات أصدقائي .. معمولة من سنة 2011 وحضراتهم أصدقائي من ذاك التاريخ لكن مفيش عليها أي مشاركات خالص لدرجة أن مفيش عليها إلا التورتاية اللي بابعتها كل سنة  .. وصفحات كتير جداً بردوو يبدو أنها كانت وهمية مفيش فيها حاجة خالص .. وصفحات لقيت عليها حاجات وحشة خالص .. وصفحات منشرتش حاجة من 2012 خالص .. وصفحات أصحابها لا يشاركون معي في أي شيء خالص لدرجة أني نسيتهم ومش فاكراهم خالص .. وصفحات غيرت أسماءها وبردو مفيش عليها إلا الأبراج اليومية .. وصفحات شالت صورتها الشخصية وبردو فاضية .. وصفحات كتير أوي اتقفلت .. بأمانة أعداد كبيرة أوي وأضطريت للأسف وأنا حزينة بجد لحذف الصداقة معها لأنهم مجرد عدد وبس .. أنا مش عارفة .. هي كانت موضة مثلاً .. أن كل واحد يكون له صفحة ع الفيس بوك وخلاص .. يعني وجاهة اجتماعية ؟! ..

بمناسبة بداية اختبارات الثانوية العامة ... أتمنى التنوفيق لكل الطلاب والطالبات في مصر ..بقلم د.شهيرة عبد الهادي

مع نسمات فجر يوم جديد على مصرنا الحبيبة .. اللهم اجعله يوم خير وبركة على كل مصري ومصرية .. وعلى أبنائنا الطلاب في اختبارات الثانوية العامة .. ويا رب تمم بخير على أبنائنا الطلاب والطالبات الذين يقومون بإكمال اختباراتهم في الجامعات المصرية .. ويا رب نعيش ونشوف تطور ملحوظ في نظام التعليم المصري .. لأنه لا خلاص لهذا البلد الحبيب من مشكلاته إلا عن طريق الاهتمام .. بالتعليم ثم التعليم ثم التعليم ..واعتباره مشروعاً قومياً .. لأنه هو فعلاً الأمن القومي لمصرنا الغالية .. وصل اللهم وبارك على سيدنا محمد وآله وصحبه أجمعين ..
--------------------------------------------
د.شهيرة عبد الهادي

(كلمتين بالبلدي) أيها العرب حرروا عقولكم أولاً ... بقلم د.شهيرة عبد الهادي

أيها العرب : حرروا عقولكم أولً ثم ابحثوا عن حريتكم ..
-------------------------------------------------------
قرأت  في الأخبار على النت .. أنه حدثت حرب بين عشيرتين  في إحدى الدول العربية  مُنذ خمسة أيام .. لا يهمني إسم الدولة  مع الاحترام الكامل لها ..  بقدر ما يهمني المفهوم والفكرة  والرمزية .. كانت هذه الحرب بين العشيرتين  بالسلاح وغيره..  وأسفرت عن  .. قاتل ومقتول كالعادة .. ولكي تدفع العشيرة القاتلة .. دية  لأهل  العشيرة المقتول منها .. أعطت لهم الدية 50 إمرأة  وفتاة قاصرة  ..إنهاءً للحرب  بينهما .. يطلق عليها .. المرأة الفصلية أو زواج الدم "دية " .. هذا نموذج فقط .. للفكر ..للعقل .. للمنهج ..  الآن في القرن الواحد والعشرين  .. في بعض المناطق .. ببعض الدول العربية ..   وهذا الفكر وهذه العقلية وتلك المنهجية.. حتى ولو كانت متوارثة وعادات قديمة  .. منتشرة تقريباً .. في معظم الدول العربية  .. مع اختلاف المسميات والرمزيات  والدلالات .. ومستمرة إلى الآن .. كالتار.. والثأر  ..ومفهوم الدية  ونوعها .. ولا أدري إلى متى ؟؟ .. ثم يوجد لديَّ سؤال يُحيرني .. لماذا على مر التاريخ  يحل بعض   رجالات العرب مشكلاتهم ويفكرون  في إنهائها  بمثل  هذا  التصرف  الجاهلي ؟.. هل هناك منهم فعلاً من لا يفكرون إلا بنصفهم الأسفل ؟! ..ومن العجب العجاب أن دولاً ما زالت فيها مثل هذه  العقليات الجاهلية تتحدث عن تآمر جميع دول العالم ضدها .. بالله عليكم أيها العرب .. حرروا عقولكم.. حرروا فكركم .. حرروا عاداتكم ..حرروا آرائكم .. حرروا أنفسكم .. قبل أن تتحدثون عن  أن هناك مؤامرات تحاك  ضدكم  من كل دول العالم ..أيها العرب :حرروا عقولكم أولاً  ثم ابحثوا عن حرياتكم ..
------------------------------------------------
د.شهيرة عبد الهادي
#Drshahera_Abd_Elhady_Ibrahem

من قلبي .. لكل أحبائي في الله .. أصدقائي وصديقاتي النبلاء ..

من قلبي .. لكل أحبائي في الله .. أصدقائي وصديقاتي النبلاء ..

فيه ناس كتير من مصر .. ماشية .. بإسلوب .. "في الركن البعيد الهادي .. بـ اتغنى بحبك يا بلادي "

فيه ناس كتير من مصر .. ماشية .. بإسلوب ..
"في الركن البعيد الهادي .. بـ اتغنى بحبك يا بلادي "

(كلمتين بالبلدي) .. تداعيات مؤتمر السيسي وميركل (1) .. بقلم د.شهيرة عبد الهادي

بعد المؤتمر الصحفي بين الرئيس السيسي والمستشارة الأمانية إنجيلا ميركل  ..في ألمانيا  يوم  الأربعاء  3 / 6 / 2015م .. ومن ملاحظتي لردود الأفعال على مواقع التواصل الاجتماعي .. لاحظت أن  شعب  مصر  في تلك المواقع قد انقسم إلى قسمين .. قسم مؤيد للإخوان وإخواني ويشتم ويسب في  الرئيس السيسي .. وقسم مؤيد للرئيس السيسي  ويهلل  وأيضاً يشتم   ويسب في الإخوان  .. وكل قسم منهما له مؤيدوه  ومهللوه  بالآلاف .. كما انتشرت صور المقارنة بين الرئيس السيسي والرئيس السابق مرسي  .. أما لغة العقل  ولغة الموضوعية  فليس لهما  مؤيدين  ولا مهللين .. وهذه ظاهرة غير صحية .. يا سادة الأشخاص زائلون  والبقاء للوطن  البقاء لمصر .. والتاريخ القريب جداً يقول ذلك .. كما أن الرئيس السيسي نفسه يقول ذلك ..  كما لاحظت أن هؤلاء وهؤلاء من جميع محافظات مصر .. إلا أن هناك بعض المحافظات  فيها الشتامون والسبابون أكثر وهي معروفة للجميع .. يا سادة  .. إن لم تهتم الدولة  بلغة  العقل  والتفكير العقلاني المنطقي  من أجل مصر .. سيظل الكثير تحت الرماد .. وما تحت الرماد  هو دائماً من يُشعل الأمور ويُدمر الدول .. كما يجب الاهتمام  بالبعد التنويري  لكل محافظات مصر خاصة .. في القرى والنجوع والمناطق الشعبية .. دينياً وثقافياً والاهتمام بتنمية مفهوم  الوطن والوطنية  والانتماء لهما .. فهؤلاء  هم  من يتم اللعب عليهم  دائماً   وتذكروا مما حدث في 25 يناير .. أم أننا  شعب و دولة لا نتعلم .. كما  يجب  التركيز على بعض المحافظات  التي هي في حاجة للمزيد ..  #وتحيا_مصر
---------------------------------------
د.شهيرة عبد الهادي

حول المؤتمر الصحفي للرئيس السيسي وإنجيلا ميركل ...

كلمة الرئيس السيسي في مجملها كانت أكثر من رائعة .. لكن ..من أجمل الكلمات التي أثارت انتباهي في المؤتمر الصحفي اليوم الأربعاء 3 / 6 / 2015م .. لغة ومعنى .. "اللي حدث في مصر أمر عظيم جداً ولازم تفهموه " .. كلمة و شرح موفق .. للرئيس السيسي .. والباقي بقى على أجهزة الدولة اللي نايمة في العسل نوم .. تحياتي إلى رئيس بلادي .. ..‫#‏وتحيا_مصر_‬

(كلمتين بالبلدي ) ..ليه احنا يا مصريين نحب أن نلعب دور البطولة من خلال الغير .. بقلم د.شهيرة عبد الهادي

(كلمتين بالبلدي)
---------------------
هو ليه إحنا في مصر العربية.. الغالبية  العظمى .. تلعب دور البطولة من خلال غيرها .. القيادات للجماعات  والأحزاب المختلفة مهما كانت مسمياتها .. تتغنى وتتغنى بشعارات رنانة .. وتقنع الشباب الذي ينتمي لها بتلك الشعارات .. ثم تتركهم يموتون في الشوارع .. وفي وقت المواجهات الحاسمة تتخلى عنهم .. هناك من  كانت  شعاراته تتحدث عن الدين .. والشباب هم من ماتوا .. هناك من  كانت  شعاراته تتحدث عن الديموقراطية .. والشباب هم من ماتوا .. حتى موضوع الجنسية .. هناك من يطالب بالتخلي عن الجنسية المصرية .. ويتغنى بمن تخلى عنها  ويجعله بطلاً .. ثم هو نفسه لا يتخلى عنها .. حتى في مكان العمل .. عندما يشعرون بظلم الرئيس  لهم ..وهم يشتمون ويسبون فيه ليل نهار من وراء ظهره  .. ويبدأون في الكلام عن الحقوق  المهدرة لهم  من وراء ظهره .. ويتفقون معك  لضرورة أخذ حقهم  من وراء ظهره .. باعتبارك مظلوماً مثلهم ..ثم  يحمسونك ويحمسونك ويحمسونك .. ويوم المواجهة مع الرئيس .. هم أول من يهربون من مواجهته ..  وتتغير لغتهم أمام وجهه تماماً ..عن تلك التي كانت من وراء ظهره .. ويستبدلون  شتائمهم بالابتسامة العريضة  أمام وجهه.. بل ويتملقونه  وينافقونه  أمام وجهه .. ويتركونك  تواجه الرئيس بمفردك  وهم يتفرجون  عليك ..وكل منهم يبحث عن مصالحه الشخصية  مع هذا الرئيس !!!!.. ويبررون  هذا العمل  المتدني بأنه ذكاء اجتماعي .. وأكثر من ذلك يتقربون للرئيس  بصور رخيصة جداً .. خسارة والله ..
--------------------------------------------------
د.شهيرة عبد الهادي
#‎Drshahera_Abd_Elhady_Ibrahem

الصورة دي توضح.. "معنى كلمة وطن " .. الأول ضحى من أجل مصر .. فـ هو في قلب مصر .. والثاني باع مصر .. فـ تلفظه مصر ..

الصورة دي توضح..
"معنى كلمة وطن " ..
الأول ضحى من أجل مصر .. فـ هو في قلب مصر ..
والثاني باع مصر .. فـ تلفظه مصر ..

الجنسية المصرية بالنسبة لي شرف وأفخر بأنني مصرية .. بقلم د.شهيرة عبد الهادي

سألني أحد أصدقائي وأبنائي في الله "في رسالة" السؤال الآتي .. ممكن أسأل حضرتك سؤال .. "الجنسية المصرية بتمثلك إيه ".. وها هو ردي على السؤال .. على الملأ ..
"الجنسية المصرية هي حياتي كياني عرضي شرفي أعتز به وأفخر بأنني مصرية" ..
ننتقد الأوضاع نعم .. نعترض على بعض الأحداث نعم .. نحتج على بعض الأنطمة نعم ..نتعب من أفعال البشر في مصر نعم .. لكن تراب مصر فوق راسي .. أنا من غير وطني مصر لاقيمة لي ..وأقدر الدوافع التي جعلت إبن لي في الله يسألني هذا السؤال ..
------------------------------------------
د.شهيرة عبد الهادي
‪#‎Drshahera_Abd_Elhady_Ibrahem‬

بلاتر (3) استقال بلاتر .. والأمير علي ..يُعلن ..أنه سيرشح نفسه ثانية ..

بلاتر (3)
استقال بلاتر .. والأمير علي ..يُعلن ..أنه سيرشح نفسه ثانية ..

صباح الحُب في الله ولله وبالله .. على حضراتكم يا أعظم أصدقاء وصديقات .. ‫#‏ويحيا_الحُب_وتحيا_مصر_‬

صباح الحُب في الله ولله وبالله ..
على حضراتكم يا أعظم أصدقاء وصديقات .. ‫#‏ويحيا_الحُب_وتحيا_مصر_‬

تمزقت الستائر دون أن نرى من ثقوبها شيئاً ... بقلم د. شهيرة عبد الهادي

نحن الآن في مسرح كبير للأحداث .. من الصعب أن تحدد فيه .. الممثلين .. الكومبارس .. الملقنين .. تاهت خشبة المسرح في أرجلهم .. تمزقت الستائر دون أن ترى من بين ثقوبها شيئاً .. صراع كبير بين المخرج ومصمم الديكور .. جمهور يُشاهد ولا يُشاهد في ذات الوقت ..
-----------------------------------
د.شهيرة عبد الهادي ‪#‎Drshahera_Abd_Elhady_Ibrahem‬

فجأة كده .. لقيت عندي قناة إسمها "قطراليوم" وواضحة جداً وقوية كمان هو إيه الموضوع؟ هو حضراتكم عندكم نفس القناة ولا انا طيبة كالعادة

فجأة كده ..
لقيت عندي قناة إسمها "قطراليوم" وواضحة جداً وقوية كمان هو إيه الموضوع؟
هو حضراتكم عندكم نفس القناة ولا انا طيبة كالعادة  

بلاتر (2) .........................

بلاتر (2)..
-البحرين والكويت كانوا من البداية ضد الأمير علي..
-مصر وفلسطين محددوش موقفهم بوضوح وقالوا حنصوت للأمير علي لكنهم مبيرحبوش به علناً ولا شغلاً ولا رئاسة للفيفا ..
-باقي العرب اللي ادى صوته للأمير علي واللي ما ادلوش ومحدش عارف بالظبط ..
-اللواء جبريل رجوب الفلسطيني يرقص بالسيف مع الأمير طلال بعد فوز بلاتر ..
*وقال إيه العرب ح يحلوا القضية الفلسطينية ..
‫#‏قولوا_ورايا_تحيا_الأمة_العربية_وكل_واحد_بقى_يمسك_منديله_في_إيده_‬
‫#‏وكل_واحد_وله_منديل_ومنديل_عن_منديل_يفرق_‬
‫#‏ويا واخد الأمة العربية_ع_منديلها_بكرة_يروح_المنديل_وتبقى_الأمة_العربية_على_حالها_‬
---------------------------------------------------------
مصدر المعلومات هنا :العاشرة مساءً:حلقة:الإثنين 1 /6 / 2015م

عاوزين مشاريع يعملها هاني عازر في مصر زي اللي عملها في ألمانيا يا ناس

أحمد موسى عامل لقاء دلوقتي مع المهندس " هاني عازر" من برلين .. هاني عازر عمال يشرح مشروعاته اللي عملها في برلين .. زي تحويل نهر برلين..وعمل إشارات للمراكب في المية .. ومشروعات زي أن القطارات كلها في برلين بتمشي بالكهرباء عشان الحفاظ ع البيئة .. و يقول أن ألمانيا بتطلب مساعدات مالية من الهيئات المهتمة بالبيئة في العالم عشان المشروعات اللي بتحافظ ع البيئة .. وفي الحقيقة تلاحظ أن مفيش حباية تراب في الأرض ولا في النهر.. لكن اللي لفت نظري .. أن هاني عازر طول ما بيتكلم عمال يقول: عندنا هنا في برلين أنا عملت .. عندنا هنا في ألمانيا أنا عملت .. كان نفسي قوي ألاقيه في مصر وعمال يقول :عندنا هنا في مصر أنا عملت ..و عندنا هنا في القاهرة أنا عملت .. وعندنا هنا في اسكندرية أنا عملت .. و عندنا هنا في الصعيد أنا عملت .. وعندنا هنا في سيناء أنا عملت .. وووو.. لكن .. يا خسارة ..

تهنئة بليلة النصف من شعبان ....

الليلادي ليلة النصف من شعبان .. ليلة مباركة على كل أبناء مصر .. ومن جمال اليوم المبارك ده.. أنه صادف يوم 1 /6 .. وهو يوم مجيء العائلة المقدسة إلى مصر .. فبقت الفرحة فرحتين .. فرحة المسلمين بليلة النصف من شعبان ..وفرحة المسيحيين بذكرى مجيء العائلة المقدسة إلى مصر .. وعشان كده .. أنا متفائلة إن شاء الله بالقادم .. أعياد المسلمين والمسيحيين بقالها سنة بتيجي مع بعض.. البلد دي .. إن شاء الله عمرها ما ح تتقسم.. وح تتقسم ازاي واللي حاميها هو ربنا وذكرها في قرآنه الكريم وجاب العائلة المقدسة ليها .. بس احنا نتقي الله فيها كلنا مسلمين ومسيحيين .. مسيحييو مصر طيبين .. ومسلمي ومسيحيي مصر عمرهم ما حينفصلوا عن بعض .. كل سنة وحضراتكم طيبين يا مصريين .. وأشهد أن لا إله إلا الله وأن محمداً رسول الله ..اللهم صل وسلم وبارك على سيدنا محمد صلى الله عليه وسلم ..

يفتح الله ...............

اشتريت شوية طلبات بسيطة كده للمطبخ .. وانا بادفع الحساب .. لقيت المذيع الداخلي لـ "فتح الله" .. عمال يقول .. اشتري بسعر الجملة ووفر في العملة .. قمت باصة في الريسيت أشوف أنا وفرت قد إيه يعني .. وبأمانة أول مرة اعملها لأني باروح الهايبر الكبيرة عشان أوفر فعلاً وده شئ معروف .. لقيت التوفير يمبلغ 2جنيه و56 قرش لإجمالي طلبات بمبلغ 340.5 جنيه .. طيب لو حآخد تاكسي حيآخد مني 25 جنيه .. لو بعربيتنا شوف البنزين ومعاناة السواقة .. بصراحة أخدت قرار .. معنتش رايحة لا فتح الله ولا عوض الله ولا خير الله ولا حسب الله .. ويفتح الله ..

تصريحات الوزراء بتوع....

تصريحات الوزراء بتوعنا ..
-المواطن المصري أسعد مواطن في الدنيا ..
-مفيش بطالة في مصر..
-عدم وجود صفحة لوزارة الثقافة على فيس بوك وتويتر أحد أسباب التأخر الثقافي في البلد عشان مفيش تواصل مع الشباب ..
-إلغاء الكتاب المدرسي هو اللي حيحل المشكلات التعليمية الاقتصادية في مصر ..
-مستشفيات وزارة الصحة فيها إمكانيات أحسن من أي مستشفى في العالم ..
-التعليم المصري أحسن م التعليم في كل الدول النايمة والصاحية ..
‫#‏يكونوش_صايمين_رمضان_في_شعبان_‬

فعلاً .. هم دوول يا حبايب قلبي .. ولاد مصر .. جيش مصر .. خير أجناد الأرض.. في الحر واقفين .. في المطر واقفين .. في الحرب واقفين .. في السلم بردوو على الحدود واقفين ..بيدافعوا عن عرضنا " وطنا " ..مليون تحية وشكر وعرفان ..ربنا يحميكم ..

فعلاً .. هم دوول يا حبايب قلبي .. ولاد مصر .. جيش مصر .. خير أجناد الأرض.. في الحر واقفين .. في المطر واقفين .. في الحرب واقفين .. في السلم بردوو على الحدود واقفين ..بيدافعوا عن عرضنا " وطنا " ..مليون تحية وشكر وعرفان ..ربنا يحميكم ..