( مواقف حياتية ) وهكذا تتكون أخلاقيات الأجيال .. بقلم د.شهيرة عبد الهادي

وانا جاية من الكلية دلوقتي .. وزعلانة من الانحدار الأخلاقي اللي باشوفه في لجان الاختبارات .. ركبت الترام من قدام باب الكلية لغاية محطة الرمل .. قعدت أمام سيدة وزوجها ومعها طفل عنده 3 سنوات كما قالت الأم .. الطفل عمَّال يزعق في باباه ومامته .. وبيقول لهم .. لما اتكلم محدش يقاطعني واسمعوا الكلام بأى .. هس ولا كلمة قلت خلاص ولا كلمة .. لغاية هنا والكلام عادي والطفل دمه خفيف في كلامه .. لكن التعبير اللي قاله ولفت نظري بل لفت نظر الناس كلها مش انا بس .. هو .. إنه قالهم: بتقولوا لي أسكت ليه .. هو انتو ح" تِسْكروا " عليا ولا إيه .. والأم والأب قعدوا يضحكوا والناس كلها قعدت تضحك .. قلت طب لما الطفل ده حيوصل للكلية حيقول إيه .. آل .. ح تسكروا عليا .. آل ..هو أكيد سمعها في فيلم ولا حاجة يعني .. ‫#‏وهكذا_تتكون_آخلاقيات_الأجيال_‬
---------------------------------------
د.شهيرة عبد الهادي

كلمتين بالبلدي ... بقلم د. شهيرة عبد الهادي

كلمتين بالبلدي
---------------------
كل يوم دم في مصر .. وما زال .. المُحللين السياسيين والخبراء الاستراتيجين .. ومن يريدون الترشح للمجالس النيابية .. والفنانين والمذيعات والمذيعين .. يظهرون على شاشات التليفزيون .. في جلسات كلها سفسطة .. ومكلمة وراها مكلمة .. ولا حلول استراتيجية للقضاء على نهر الدم الذي يتنامى .. ككرة الثلج ..في مصر.. ‫#‏الإدارة_الاستراتيجية_على_مستوى_جميع_مؤسسات
_مصر_تحتاج_إلى_إعادة_نظر_‬
----------------------------------
د.شهيرة عبد الهادي

يا وجع القلب .. اللهم صبر أهاليهم وصبر الشعب المصري

يا وجع القلب .. اللهم صبر أهاليهم وصبر الشعب المصري

من نتائج الحادث الإرهابي الخسيس لضرب ظباط وجنود القوات المسلحة في شمال سيناء يوم الخميس 29 / 1 / 2015م

الصورة تنطق ألماً .. اللهم أنزل السكينة على قلوب أهاليهم وكل المصريين ..

الصورة تنطق ألماً .. اللهم أنزل السكينة على قلوب أهاليهم وكل المصريين ..
لكنها  صورة بمليون صورة ..صورة هي  عنوان للصمود والإصرار .. صورة فيها  الكثير من الكلمات   والكلمات والرسائل  والعبر   فهذا الجندى البسيط إنما هو رمز لجيش مصر العظيم .. هذا الجندي البسيط   يحمل جراحه بيد .. وحاضن شعبه باليد الآخرى ..  ورأسه  مرفوعة  رغم  الحمل الثقيل  الذي على أكتافه .. عاش الجيش المصري العظيم .. خير أجناد الأرض..
عشتم خير اجناد الارض فخر مصر والمصريينأحد نعوش شهداء جيش مصر العظيم نتيجة العمل الإرهابي الخسيس  يوم الخميس 29 / 1 / 2015م  على الجنود والظباط المصريين  في شمال سيناء 

والله .. بكاك .. يبكَّينا .. بقلم د.شهيرة عبد الهادي

والله .. بكاك .. يبكَّينا ..
يا نور قلوبنا و عنينا ..
يا سهران على حدودنا ..
مأمنا وحامينا ..
والله ..ما ننسى ..
يا بطل ..
دم اخواتك ..
ولا دم كل شهيد ..
عايش فينا ..
ولا في يوم ح ننسى ..
يا بطل ..
دم عفت ولا مينا ..
------------------------
د.شهيرة عبد الهادي

الله يرحمهم شهداء شمال سيناء من أبناء القوات اتلمسلحة المصرية في يوم الخنيس 29 /1 /2015م ... بقلم د.شهيرة عبد الهادي

الله يرحمهم .. دي نعوش ظباط وجنود القوات المسلحة المصرية .. الـ 37 الذين قتلهم الإرهاب أمس الخميس 29 / 1 / 2015 م في شمال سيناء.. منهم 25 تم التعرف عليهم .. أما الباقي 12 فهم أشلاء ولم يتم التعرف على هويتهم .. هذا هو النعش وهذا هو علم مصر .. النعش هو هو والعلم هو هو .. والفرق الوحيد.. إن كل يوم والتاني .. بيحمل جثمان شهيد جديد من أبناء القوات المسلحة المصرية أبناء مصر.. إلى متى .. ستغرقين هكذا يا مصر في بحر الدم .. إلى متى .. اللهم تقبلهم شهداء وأسكنهم الفردوس الأعلى من الجنة.. اللهم احرس مصر بعينك التي لا تنام .. اللهم وفق كل من يحب مصر من أجل مصر من أبناء مصر .. إلى ما فيه خير البلاد والعباد ووحد جمعم وألف بين قلوبهم على كلمة سواء هي مصر .. وتحيا مصر ..

إلحقوها قبل فوات الأوان ... بقلم د.شهيرة عبد الهادي

إلى جميع الأيديولوجيات والتوجهات والأحزاب والأديان والمذاهب والمؤسسات والمسؤولين في مصر .. يجب إعادة النظر في فكركم وتوجهاتكم حول الوطن .. وإلا لن تجدوا .. بعد ذلك .. وطناً تتشاجرون وتتصارعون فيه أو عليه .. ‫#‏الوطن_ليس_وجهة_نظر_‬
----------------------------
د.شهيرة عبد الهادي

في الذكرى الرابعة لثورة 25 يناير ... بقلم د.شهيرة عبد الهادي

في الذكرى الرابعة لثورة 25 يناير 2011م ..أقول .. الله يرحم   جميع شهداء  مصر  مُنذ ذلك التاريخ  وحتى اليوم .. ولعنة الله على الكرسي وعلى الصراعات  التي فتت الشعب المصري من أجله .. وتسببت في أن تجرأ المصري على الدم .. وهذه الجراءة أدت إلى مزيد من الدم .. وإذا استمرت الحال هكذا .. ستكون العواقب وخيمة .. الدم المصري كله حرام .. سواء دم .. إخواني أو  سلفي أو علماني أو  ليبرالي أو  قومي أو اشتراكي أو ماركسي أو شيوعي أو مسيحي أو مسلم أو بهائي أو سني أو شيعي  أو يهودي أو بوذي أو حتى ليس عنده دين  أو شرطة أو جيش .. الدم كله حرام .. وهناك ما يسمى .. بالإنسانية .. وجميع الأديان السماوية .. تنادي بالإنسانية .. وأولها الدين الإسلامي ..الدم ستكون نتيجته  المزيد من الدم .. الدم ستكون نتيجته .. التيتم والترمل والحزن والبغضاء والحقد  والكراهية  بين أبناء الشعب الواحد .. ليس معنى الاختلاف أن يكون في مصر دم ..  استقيموا يرحمكم الله .. توحدوا يرحمكم الله .. وضعوا   مستقبل مصر الوطن   فقط .. نصب أعينكم..فـ الوطن ليس وجهة نظر ..
================================ وهذا   بعض مما كتبته  سابقاً واليوم  في هذه المناسبة ..
--------------------------------------------
واتجرأ المصري ..
على الدم ..
وبقى المصري ..
يقتل المصري ..
يشوف بعينيه ..
نازل منه الدم ..
يا  مصري ..
يا اللي.....
بتقتل  المصري ..
ويا كل مصري ..
عاوز تشوف الدم ..
خلي عندك دم ..
دا  الحرام كله  ..
هو إسالة  نقطة دم ..
حرام  عليكم  ..
إبنوا   بلدكم  ..
و كفاية  دم  ..
دا مصر  ..
بتبكي عليكم ..
بدل الدموع  دم  ..
--------------------
د.شهيرة عبد الهادي 
25 / 1 / 2015م
=================
يا مصر ..
مريت على بيت ..
كل حبيب فيك ِ..
أحيي جدرانه ..
وجدران بيوت ..
 كل  مُحبيكِ ..
واكتم واداري..
حزني على..
كل شهيد روى ..
بدمه أراضيكِ  ِ..
ومهما طال الزمن ..
لا حنساه ..
ولا حنسي ..
كل مصابيكِ ..
ومهما عملت ..
أنا مقصّرة ..
في حقك وحق ..
كل شهيد فيكِ ..
وده غصب عني ..
ومش إهمال  ليكِ ..
دا العين بصيرة  ..
والإيد .......
مكنتش قصيرة ..
بس انضحك ..
عليها وعليكِ ..
وع شانهم  يا غالية ..
وع شانك ..  أوعدك..
تكون ثورتك  ..
عايشة بيهم ..وبيا ..فيكِ ..
وسامحيني  يا مصر ..
وسامحي كل محبيكِ ..
--------------------------
د.شهيرة عبد الهادي
10 مايو 2013 مـ
30 جمادي الآخرة 1434 هـ
الإسكندرية
======================
أه يا بلد ..
ليه يا بلد..
الحلو فيكي ..
بيتسرق ..
م التابوت ..
والحي فيكي ..
بيتقتل ..
يتحط  ..
جوه تابوت ..
ويسيبوا ..
فيكي يا بلد  ..
كل طاغوت ..
آه يا بلد ..
ليه يا بلد ..
-----------------------
د.شهيرة عبد الهادي
25 / 1 / 2015م

المروءة والانتماء في 2015 م بقوا موضة قديمة ... بقلم د.شهيرة عبد الهادي

زمان : لما كانت تبقى فيه " حريقة ".. واحدة ست تصوت تلم الناس .. فيجي ده بميه في حلة .. وتيجي دي بميه في بلاصي ..ويجي واحد تاني بميه في فنطاس.. وتيجي واحدة تانية بميه في طشت .. عشان يطفوا الحريقة..
دلوقتي : كله بينادي على كله.. ويقوله: تعالى صور.. ده يجي بالموبايل النوكيا . ودي تيجي بتابلت فيه فيبر.. وده يجي ومعاه سامسونج .. ودي تيجي ومعاها إندرويد .. ويسيبوا الدنيا تولَّع .. ويقولوا :فين المطافي ..
‫#‏المروءة_والانتماء‬ _في_2015م_بقوا_موضة_قديمة_

في الذكرى الرابعة لثورة 25 يناير 2011م ... بقلم د.شهيرة عبد الهادي

ستطل ثورة 25 يناير 2011م بداخلي .. هي أجمل أمل وأجمل حلم عايشته في السنوات الأربع الفائته .. وسأظل ما دُمت حية .. على أمل .. أن أرى تحقق أهدافها .. " عيش حرية عدالة اجتماعية كرامة إنسانية " .. ولم أقل سابقاً أنها كانت مؤامرة.. ولن أقل في يوم من الأيام بأنها كانت مؤامرة .. لأنها كانت ثورة لإرادة شعب .. هذا شعور وإحساس فطري داخلي .. قبل أن يكون تحليلاً موضوعياً.. ‫#‏نقطة‬
------------------------------
د.شهيرة عبد الهادي

واتجرأ المصري على الدم ... بقلم د.شهيرة عبد الهادي

واتجرأ المصري ..
على الدم ..
وبقى المصري ..
يقتل المصري ..
يشوف بعينيه ..
نازل منه الدم ..
يا  مصري ..
يا اللي.....
بتقتل  المصري ..
ويا كل مصري ..
عاوز تشوف الدم ..
خلي عندك دم ..
دا  الحرام  كله ..
هو إسالة  نقطة دم ..
حرام عليكم ..
إبنوا  بلدكم ..
و كفاية دم ..
دا مصر..
بتبكي عليكم ..
بدل الدموع  دم ..
--------------------
د.شهيرة عبد الهادي  
25 / 1 / 2015 م

أه يا بلد ... بقلم د.شهيرة عبد الهادي

آه يابلد ..
ليه يا بلد..
الحلو فيكي ..
بيتسرق ..
م التابوت ..
والحي فيكي ..
بيتقتل ..
يتحط ..
جوه تابوت ..
ويسيبوا ..
فيكي يا بلد ..
كل طاغوت ..
آه يا بلد ..
ليه يا بلد ..
-----------------------
د.شهيرة عبد الهادي
25 / 1 / 2015م

طب الحقيقة فين ؟.... بقلم د.شهيرة عبد الهادي

طب الحقيقة فين ؟؟
-------------------

بالنسبة لموضوع " ذقن  توت عنخ آمون "   وما أثير حولها .. في الصحف  المختلفة .. المصرية والأجنبية ووسائل الإعلام  المختلفة ..  نجد أن .. الصحف الأجنبية والخبراء  الأجانب .. بتقول : إنتوا عندكوا آثار مش عارفين تحافظوا عليها   وعندهم حق في كلامهم ده طبعاً .. نيجي بقى لمصر  و اللي فيها .. فـ نجد  أن  مدير المتحف المصري  بيقول أن هذا إعوجاج عادي من زمان  وأن بعض الناس  استغلت انعكاس أشعة الشمس على الذقن ونشرت الصور على أنه يوجد تشويه بالذقن ..أما  بعض المُرممين المصريين  فقالوا : أنه قد تمت المعالجة لذقن توت عنخ آمون بشكل خاطئ وأن ذقنه تشوهت نتيجة ترميم خاطئ .. بينما وزير الآثار  المصري  بيقول : أن الموضوع كله  " فوتوشوب" وصادر  من جهة معينة   لأغراض معروفة  وفي نفس الوقت بتستعين وزارة الآثار  بخبراء ألمان  لمعالجة ما قد حدث لذقن توت عنخ آمون .. ثم نجد أحد المسؤولين  المصريين  يقول : يجب عدم نشر أي معلومات عن  ذقن توت عنخ آمون  حتى يتم تقديم معلومات صحيحة للناس .. طب مقدمتوش معلومات صحيحه ليه للناس  من الأول؟ .. طب  مش عارفين   تتفقوا مع بعض على معلومة  صحيحة وتقولوها  ليه من الأول ؟ .. بس  أبوس إيديكوا  تكون " معلومة صحيحة  يجد  "  .. طب  هي الحقيقة فين ؟ .. وليه  كل حقيقة في البلد دي  بتتوه  عند المصريين ؟.. وليه مبنعترفش بالخطأ ونعالجه و ينتهي الأمر ؟.. وليه مبنحافظش على آثار بلدنا ؟ .. وليه إحنا بندمر كل شئ حلو في بلدنا ؟ .. دا كل حد في العالم بيبني  برج  ولا ناطحة سحاب ولا بناء معماري ضخم  في بلده .. بتلاقيه  بيفتخر وبيقول لا إرادياً   أهي دي زي أهرامات مصر !!!!
---------------------------------
د.شهيرة عبد الهادي

ده بوست لي : من 12 / 10 / 2012م : لقيت فيه ناس عملاله لايك اليوم 24 / 1 / 2015 م !!!! هو إيه الموضوع بالظبط

ده بوست لي : من 12 / 10 / 2012م : لقيت فيه ناس عملاله   لايك اليوم 24 / 1 / 2015 م !!!! هو إيه الموضوع بالظبط 
--------------------------------------------------

لو سمحتولي حضراتكم
==============

سعادة الدكتور مرسي أقال النائب العام ... بعد كده .. لايمكن أن يحدث ذلك لأن النائب العام لازم يستقيل ويقدم استقالة بإيده .. بعد كده .. لأ الرئيس خلاص أصدر قرار وقرار ثوري كمان .. والنائب العام خلاص قبل منصب السفير في الفاتيكان وهو اللي قدم استقالته بإيده .. بعد كده .. لأ .. النائب العام أصدر بياناً بيقول فيه إنه لم يقدم استقالته وأنه مستمر في منصبه كنائب عام وكمان متمسك بهذا المنصب .. وبكده هو بيحرج الدكتور مرسي ........ طيب هو فيه إيه بالظبط ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
أعتقد أن ما يجب أن نهتم به .. هو .. الدستور .. وأن المعركة الحقيقية .. هي .. معركة الدستور وكتابة الدستور .. وحرام تتوهونا أكثر من كده .. بجد حرام ..

------------------------------

د.شهيرة عبد الهادي

هذا هو قبر .." خادم الحرمين الشريفين" .. المرحوم الملك عبد الله بن عبد العزيز آل سعود .. الإنسان .. في مقابر " العود" بحي البطحاء "الشعبي" بجنوب الرياض ..‫#‏نقطة

هذا هو قبر .." خادم الحرمين الشريفين" .. المرحوم الملك عبد الله بن عبد العزيز آل سعود .. الإنسان .. في مقابر " العود" بحي البطحاء "الشعبي" بجنوب الرياض ..‫#‏نقطة

تعليق لي رداً على تعليق أحد الإخوة الفضلاء حول أحد بوستاتي على صفحتي الشخصية .. بقلم د.شهيرة عبد الهادي

بالنسبة للتربية الجيدة للشخصية : فأعتقد أن الجميع سيتفق معي في أن الأساس في التربية هو " البيت " ثم " البيت" ثم " البيت" أي الأب والأم وإسلوبهما في التربية وغرزهما القيم والمبادئ ومكارم الأخلاق في أبنائهم منذ نعومة أظفارهم : و التي من شأنها فعلاً أن تربي ولاد الناس وتربي الأصل الطيب فيه : ولذلك نحن نقول : إبن ناس أو إبن الأصول : ثم تتلقف المؤسسات الاجتماعية ( روضة حضانة ابتدائي إعدادي ثانوي جامعة ) هذا الشخص بعد أن تكون قد تكونت أبعاد شخصيته في سنوات حياته الأولى : وهذا ليس نوعاً من التنصل من المسؤولية : لأنني في كل كتاباتي : أقول : أن : جميع المؤسسات الاجتماعية من الروضة مروراً بابتدائي وإعدادي وجامعة وما بعد الجامعة : حتى المؤسسات المختلفة في البلد قد فقدت دورها التعليمي والتربوي : لأنه ومنذ بداية السبعينيات وما تعرضت له الأسرة المصرية من تفكك بسبب نشر التفكير المادي مع الانفتاح سداح مداح وهجرة الأب المصري والأم المصرية في بلاد الله لخلق الله : وهذا موضوع شرحه يطول : فـ كانت النتيجة : هو ما نراه في المنتج النهائي للأبناء : إن الإصلاح الأخلاقي القيمي التعليمي التربوي : يحتاج إلى مجهودات جبارة وإلى تفعيل جوهر الدين والتربية الخلقية وتفعيل العلم والبحث العلمي : وتطبيق منظومة تتناسب : مع ثقافة وتاريخ وديانات وشبكة العلاقات الاجتماعية الخاصة بالمجتمع المصري ووووووو .... إلخ : لعلاج ما تم إفساده في 44 عاماً : من الفساد الأخلاقي والمادي والتعليمي والتربوي : وعموماً هذا موضوع متشعب : له أبعاده السياسية والاقتصادية والتعليمية والعلمية وووووووو.... إلخ : وما وصلت إليه الناحية الأخلاقية من انحدار لهو لأكبر دليل على ذلك : ثم أننا نقول أن السمكة تفسد من رأسها : والبوست : يتحدث عن عدم تحمل المسؤولية بوضوح وصراحة وشفافية واعتراف بالخطأ لكي نعالجه وهذا هو بداية الإصلاح : لكننا كلنا : يجب أن يتحمل مسؤوليته من واقع ما أنعم الله به علينا من قدرة على التأثير : ووالله: لو تعلمون حجم المعاناة التي نعانيها : من أجل توصيل رسالتنا : ما لمتمونا : لكن فعلا : وللحق: المسؤولية تقع على الجميع : وعلينا نحن من نعمل بحقل التعليم : وليبدأ كل بنفسه :
--------------------------------
د.شهيرة عبد الهادي

يجب إعادة النظر في الإعلام المصري ... بقلم د.شهيرة عبد الهادي

في الحقيقة كنت مترددة في كتابة هذا البوست .. لكن بجد أُستفزيت م اللي شفته وسمعته ..مش المفروض المذيعة قبل ما تطلع على الهواء تكون قارئة للمادة التي ستطرحها وفاهماها .. مذيعة قديمة أوي من زمان حضراتكم كلكم تعرفونها .. على قناة " صدى البلد" .. ولمدة نصف ساعة ..وهي بتتناقش مع أحد الصحفيين.. حول البيعة والمعلومات التي أثيرت أخيراً حولها .. وعندما تناولت معلومات عن .. خادم الحرمين الشريفين الجديد وفقه الله .. وهي تقول وتكرر بالحرف الواحد .. " حِصِت السديري" ..بمفهوم أنها .."نسبة " يعني .. ولا تعلم أن هذا.. هو إسم الأميرة الجليلة "حصه بنت أحمد السديري" سليلة عائلة السديري السعودية .. والدة خادم الحرمين الشريفين الجديد الملك سلمان بن عبد العزيز.. طب مفيش حد من "الإعداد " يصلح لها المعلومة .. طب تدخل على " ويكبيديا " وتشوف .. طب "الصحفي" اللي بتناقشه يصلح لها المعلومة بلباقة ..إعلام سئ للأسف .. يجب إعادة النظر فيه بجد" ..
----------------------------
د.شهيرة عبد الهادي

ما تيجوا نحب بعض في الله عشان مصر .. بقلم د.شهيرة عبد الهادي

طب ما تيجوا كده .. نجرب كشعب في كل مكان فيكي يا مصر .. نحب بعض في الله .. وننشر مكارم الأخلاق والحق والعدل والفضيلة بينا .. ونشوف النتيجة .. أكيد ربنا مش حيتخلى عنا .. وساعتها بس حينصلح حالنا و حنتقدم و الله .. وترجع مصر زي ما كانت .. بلد الحضارة ..
---------------------------
د.شهيرة عبد الهادي

(لحظات مع العقل ) .... بقلم د.شهيرة عبد الهادي

طب ما تيجوا كده .. نجرب كشعب في كل مكان فيكي يا مصر .. نحب بعض في الله .. وننشر مكارم الأخلاق والحق والعدل والفضيلة بينا .. ونشوف النتيجة .. أكيد ربنا مش حيتخلى عنا .. وساعتها بس حينصلح حالنا و حنتقدم و الله .. وترجع مصر زي ما كانت .. بلد الحضارة ..
----------------------------
د.شهيرة عبد الهادي

( لحظات مع النفس) ... بقلم د.شهيرة عبد الهادي

لحظات مع النفس
-----------------------
لما الواحد بيفتكر .. كام مرة .. ربنا سترها معاه .. وحماه حتى من نفسه .. بيتكسف من نفسه .. وبيزعل منها أوي .. لما بتتمرد في لحظة ضعف .. على بعضٍ من نصيبها وقدرها في الحياة .. وعشان يتصالح معاها .. لازم يتمرد عليها هي الأول .. ‫#‏_ويعرف_إن_ربنا_مش_حيتخلى_عنه_بس_هو_يتقي_الله_‬
-------------------------------
د.شهيرة عبد الهادي