يا ترى مين اللي فلس ؟ الفيس ولا الناس ... بقلم د.شهيرة عبد الهادي

الفيس فلس خلاص .. يا خسارة يا أيام كانت جميلة .. كلها مناقشات وحوارات وعلم وأمل وحلم وعمل.. كل اللي على الفيس دلوقتي .. وانا منهم .. عمَّالين يلعبوا .. لعب الفيس دي.. زي.. شوف معدن شخصيتك من الاختبار الفلاني .. شوف انت شبة مين من الزعماء العرب من الاختبار الآتي .. شوف شخصيتك من طريقة نومك .. شوف مزاجك من طريقتك في شرب الشاي .. أكتب إسمك بالانجليزي وبعده .com .. واللي معاه قرش محيره يجيب حمام ويطيره .. وآدي حال المجتمع دلوقتي .. ما هو ده فن بردوو !!!!.. ودي رسالة بردوو ؟؟ !! .. بس فيه سؤال بيطرح نفسه ..على رأي الست مريومة  الجميلة .. الفيس هو اللي فلس يا عمتوا .. والا الناس هي اللي فلست ؟ ..
-------------------------
د.شهيرة عبد الهادي

الله يرحمك يا سيدة الشاشة العربية ......بقلم د.شهيرة عبد الهادي

ولأنها كانت سيدة "مُحترمة "  ..
على المستوى " الشخصي " و " المهني" ..
فقد اهتم بوفاتها الجميع .. 
و جاءت كل كلمات التعازي و الرثاء " مُحترمة " ..
الله يرحمك   يا سيدة الشاشة العربية ..
--------------------
د.شهيرة عبد الهادي

كلمتين بالبلدي .... بقلم د.شهيرة عبد الهادي

كلمتين بالبلدي
-------------------
في الحقيقة أنا راضية حتى الآن عن أداء وزير التموين الدكتور خالد حنفي .. من واقع ما لمسته في الأسرة .. ومما أسمعه من البعض في الشارع المصري ..عن منظومة التموين .. لكن عندما تابعت حديثه الصحفي عن أزمة الأنابيب على ON TV العامة .. فوجدته .. بعد أسئلة كثيرة من الصحفيين ..كما لو أنه .. قد زهق من كثرة أسئلتهم .. وشخط فيهم .. شخطة رقيقة وبعصبية رقيقة .. كعادته يعني في الحديث الرقيق الذي يتميز به .. وقال لهم بالحرف : " كلامي واضح : الأزمة دي كانت نتيجة الأحوال الجوية التي تعرضت لها البلاد وأن السفن محجوزة في الموانئ لمدة طويلة أخدت 10 أيام وأكثر وووو ونحن نعترف بوجود الأزمة " .. فـ لقيتني باقول لنفسي بطريقة لا إرادية : هو فيه إيه ؟.. هو احنا حنرجع تاني لعهد الشخط والنطر في الناس ولا إيه ؟ ..حتى لو كانت شخطة ونطرة رقيقة يعني .. وبعدين .. هم الناس دووول مش من حقهم يعني ..وحتى في الأزمات يعني .. أنهم يلاقوا إنبوبة ..يطبخوا عليها شوربة العدس ..اللي بتدفيهم في الشتاء القارص ده يعني .. طيب يا سعادة الوزير .. هو مش فيه علم إسمه " علم إدارة الأزمات " ؟ ..وفيه علم إسمه " الإدارة الاستراتيجية" ؟ .. والمفروض يكون فيه احتياطي استراتيجي تحسباً لأي ظروف قدرية قد تتعرض لها البلاد نتيجة ظروف مناخية أو غيرها ؟ ..
-----------------------
د.شهيرة عبد الهادي

( لحظات مع النفس ) من زهرات أفكاري .. بقلم د.شهيرة عبد الهادي

فلنحافظ على وجوه بعضنا البعض ..
فـ لربما لن نلتقي بعد اليوم ..
---------------------------
د.شهيرة عبد الهادي

( لحظات مع النفس ) من زهرات أفكاري ... بقلم د.شهيرة عبد الهادي

ومن الألم " أمل " .. ومن الأمل " ألم " ..
إختلاف في الحروف .. وتكامل في المعنى ..
إذا ما تحقق الهدف ..
--------------------------
د.شهيرة عبد الهادي

ظاهرة لفتت نظري ... بقلم د.شهيرة عبد الهادي

بجد ظاهرة لفتت نظري : في برنامج الحياة اليوم ..على قناة الحياة ..مع المذيع عمرو عبد الحميد في 15 / 1 / 2015م .. كان فيه تقرير.. عن أزمة البوتاجاز.. ستات غلابة كتيرة أوي واقفين في الطوابير .. اللي طولها أكتر من كيلو.. زي ما بيصوروا ويقولوا في التقرير.. وعمَّالين يقولوا : أنهم واقفين بقالهم 15 ساعة .. عشان يآخدوا إنبوبة ..و إنهم بقالهم ع الحال دي.. و بيجوا يوقفوا الوقفة دي من 10 تيام فاتت ..و لما المراسل ..يروح يتكلم مع واحدة منهم.. تلاقيها.. عمالة بتزغرط وتضحك ..وهي في نفس الوقت بتشتكي للمراسل من عدم وجود الأنابيب وكمان واقفة في الطابور وشقيانة وتعبانة.. بتزغرط قبل ما تآخد الإنبوبة ..وبتزغرط بعد ما تآخد الإنبوبة .. ليه .. أنا معرفش ..شعب غلبان بجد ..‫#‏_لا_حل_إلا_بالتعليم_ثم_التعليم_ثم_التعليم_‬

مما أثار دهشتي ... بقلم د.شهيرة عبد الهادي

مما أثار دهشتي .. ليس بسبب المعلومة لأننا جميعاً نعلمها .. ولكن بسبب الاستخفاف بعقول الشعب .. ما قاله عبد الحليم قنديل بالحرف " إن مُحاكمة مبارك المعلومة النتائج مُسبقاً بالبراءة للجميع .. تكلفت 2 مليار جنيه .. في بلد متعثر اقتصادياً .. وأنه من المتوقع بل من المؤكد .. أن مرسي وإخوانه .. سيحصلون على البراءة أيضاً .. نظراً لطبيعة المحاكمة في الحالتين .. أمام القضاء العادي وليس الثوري  وإعمال  قانون  الإفساد والغدر السياسي  " .. وذلك في خلال مكلمة .. من مكلمات الإعلام المصري .. في برنامج العاشرة مساءً بقناة دريم 2 الزرقاء في 13 / 1 / 2015 م .. وكأن الشعب لا يعلم ذلك ‫#‏جايز‬

( لحظات مع النفس ) لكنها النفس البشرية ... بقلم د.شهيرة عبد الهادي

لو الواحد يعرف .. إن .. لما ربنا بيمنع عنه حاجة لفترة .. بيعوضه .. بحاجة تانية وفي نفس الفترة أو بعدها بقليل .. لـ عالج كل أموره بهدوء .. واعترف برعونته .. ربنا رحيم دائماً بعباده .. لكنها النفس البشرية .. المتعجلة دائماً .. المغرورة أحياناً ..
( أقول هذا الكلام لنفسي قبل غيري ).
-------------------------------------
 د.شهيرة عبد الهادي

شكر وعرفان بالجميل ...

أتقدم بعظيم شكري وتقديري  والعرفان بالجميل .. إلى منظمة التسامح والسلام .. برئاسة  الدكتور حمدي قنديل  الفاضل .. على تفضلها .. بمنحي هذه الشهادة  وتكريمي بمنحي إياها .. وأتمنى أن أكون عند حسن  ظن المنظمة  وأن أخدم  العمل الإنساني  على  أياديكم الشريفة .. --------------------------- د.شهيرة عبد الهادي
-----------------
إضافة صورتي  تمت بواسطة الخلوق  الحاج إبراهيم قطب  المحترم  فألف شكر لسعادته

قال إيه جاي " أوباما " .. " يداوينا ".... بقلم د.شهيرة عبد الهادي

قال إيه جاي " أوباما " .. " يداوينا ".. من إيه جاي يا " أوباما " .. "تداوينا " .. دا احنا "حبينا ".. و اشتقنا .. و نسينا ..
دا بس .. بمناسبة اللي نشره الموقع الأمريكي .. واللي قال فيه : أن عملية " فرنسا " .. الهجوم على صحيفة .. "شارلي إبدو" .. هي من تدبير" الموساد" ..
وافتكرت الفنان اللي قال لـ أوباما We Love You Obama .. وهو بيقول لنا في جامعة القاهرة : " السلام عليكم" .. بالأمريكاني أبو دم خفيف .. في .. 2009 م ..
-------------------------------
بوست مش سياسي

جمعة طيبة مباركة على حضراتكم ... بقلم د.شهيرة عبد الهادي

صباح الورد والياسمين ..على أجمل ناس ..
باشوفها بعينيا الاتنين ..صباح قلوب طهرها المطر ..
وأصبحت قدوة لكل البشر ..يتعلم منها الورد والزهر والشجر..
جُمعتنا: جُمعة طُهر و نقاء .. لهما صفتي الاستمرار والبقاء .. إن شاء الله ..
أشهد أن لا إله إلا الله .. وأشهد أن سيدنا محمد رسول الله ..
--------------------
د.شهيرة عبد الهادي

زمان ....تراعيني قيراط .. أراعيك قيراطين .. دلوقتي .... تراعيني لايكات .. أراعيك كومنتين ..

زمان ....تراعيني قيراط .. أراعيك قيراطين ..
دلوقتي .... تراعيني لايكات .. أراعيك كومنتين ..
--------------------------------
د.شهيرة عبد الهادي

صباح الورد والياسمين ....

صباح الورد  والياسمين ..
على أجمل  ناس ..
باشوفها  بعينيا الاتنين ..
صباح   قلوب طهرها   المطر ..   
وأصبحت قدوة لكل البشر  ..
-----------------------------
د.شهيرة عبد الهادي

زي الأيام دي في بلدنا الريفية ... بقلم د.شهيرة عبد الهادي

زي الأيام الثلج دي .. في بيت جدي .. في بلدنا الريفية.. قبل ما تنزح العائلة للمنصورة .. كان فيه في وسط الدار .. " آعة" زي ما بينطقوها .. "الآعة " دي .. فيها.. فرن .. الفرن ده.. كانت فوقه.. سراير بعواميد.. كان لما يبقى البرد قارص .. كده زي اليومين دول .. تيجي.. سندس الست الطيبة .. جارت.. ستي أم ابويا .. تولع ليها الفرن.. وتخبز ليها.. خبزة عيش .. وبعدين.. تطفي الفرن..وتقول : ادخلوا ناموا بقى يا حيلي م البرد.. كنا بنبقى دفيانين .. أحسن من كل الدفايات الموضة اللي عندنا دلوقتي .. ليه بقى.. لأن كان فيه.. حاجة .. زمان.. إسمها.. دفئ النفوس ودفئ القلوب .. بيتهيألي راحت دلوقتي ..
-----------------------------------------------------
ترجمة النص :" الآعة" يعني " القاعة" بس بلغة أهلي في الريف زمان
" يا حيلي " تعبير يدل على الحب الفطري : من الحيل الكيات

وقد تعانقت الأعياد .. بقلم د.شهيرة عبد الهادي

وقد تعانقت الأعياد ..
بأمر من رب العباد ..
فلننشر الحب والسلام بيننا ..
دون مكابرة أو عناد ..
هنيئاً لكم يا إخوتنا في الوطن ..
بعيد الميلاد المجيد ..
فكنتم معنا في ..
ذكرى ميلاد رسولنا الكريم ..
منذ يومين بالتحديد ..
تقدمون لنا التهنئة في ذكراه ..
بكل ما هو عن الشر يحيد ..
وبكل المحبة والمودة ويزيد ..
وليحيا شعب مصر مترابط ..
كالبنيان المرصوص من حديد ..
-----------------------------
د.شهيرة عبد الهادي

دعاء لجلب الرزق .............

دعاء رزق المال
يرزق الله عباده المؤمنين و يبتلي بعضهم بشيء من الفقر ليمتحن صبرهم ، إلا أنه قد وردت بعض السنن و الآيات و الأدعية التي يقولها الشخص لتوسيع رزقه نورد لكم بعضاً منها .
عن عائشة رضي الله عنها قالت : دخل علي أبو بكر فقال : سمعت من رسول الله صلى الله عليهو سلم دعاء علمنيه قلت : ماهو ؟ قال : كان عيسى ابن مريم عليه السلام يعلم أصحابه , قال : لو كان على أحدكم جبل ذهب ديناً فدعا الله بذلك الدعاء لقضاه الله عنه : (اللهم فارج الهم , و كاشف الغم , و مجيب دعوة المضطرين , رحمان الدنيا و الآخرة و رحيمهما , أنت ترحمنا فارحمني برحمة يغنيني بها عن رحمة من سواك)
(اللهم رب السموات السبع ورب العرش العظيم ربنا ورب كل شئ منزل التوراة والانجيل والقرأن فالق الحب والنوي أعوذ بك من شر كل شئ أنت آخذ بناصيته أنت الاول فليس قبلك شئ وأنت الاخر فليس بعدك شئ وأنت الظاهر فليس فوقك شئ، وأنت الباطن فليس دونك شئ اقض عني الدين واغنني من الفقر)
" اللهم أرزقني رزقا واسعا حلالا طيبا من غير كد.. واستجب دعائي من غير رد.. وأعوذ بك من الفضيحتين: الفقر والدّين.. اللهم يا رازق السائلين.. يا راحم المساكين.. ويا ذا القوة المتين.. ويا خير الناصرين.. يا ولي المؤمنين.. يا غياث المستغيثين.. إياك نعبد وإياك نستعين.. اللهم إن كان رزقي في السماء فأنزله.. و إن كان رزقي في الأرض فأخرجه.. و إن كان بعيدا فقربه.. و إن كان قريبا فيسره.. و إن كان كثيرا فبارك فيه يا أرحم الراحمين.. اللهم صلي على محمد وآل محمد.. واكفني بحلالك عن حرامك.. وبطاعتك عن معصيتك.. وبفضلك عمن سواك يا اله العالمين.. وصلى الله على محمد وآله وصحبه أجمعين"
أتمنى من كل من يقرأ هذا الدعاء أن لا ينساني من دعوة بظهر الغيب

شكر وعرفان بالجميل ...إلى منظمة التسامح والسلام برئاسة الدكتور حمدي قنديل الفاضل

     

أتقدم بعظيم شكري وتقديري  والعرفان بالجميل .. إلى منظمة التسامح والسلام .. برئاسة  الدكتور حمدي قنديل  الفاضل .. على تفضلها .. بمنحي هذه الشهادة  وتكريمي بمنحي إياها .. وأتمنى أن أكون عند حسن  ظن المنظمة  وأن أخدم  العمل الإنساني  على  أياديكم الشريفة ..
---------------------------
د.شهيرة عبد الهادي

عروسة المولد من الحلاوة .. آخر حلاوة .. كل عام وحضراتكم بألف خير ..

كل عام وحضراتكم بألف خير 

بمناسبة 

مولد الرسول عليه الصلاة والسلام 

في 12 من ربيع أول 1436هـ

الموافق

2 من يناير 2015مـ 

وبهذه المناسبة

أهدي حضراتكم هذه العروسة

والتي هي من الحلاوة الخالصة 

وبصراحة 

من صنعها بهذا  الشكلعبقري 

لأنها كلها من جميع أنواع الحلاوة الفاخرة

والتي من الواضح أنها غير مصنعة تحت بير السلم

ولذلك  هي صحية إن شاء الله

وكمان   تكفي عيلة كبيرة 

تآكل منها من غير ماتخلص

اتفضلوا بأى بالهنا والشفا

ههههههههه

اللهم صل وسلم وبارك على سيدنا محمد

ان جيتنا يا جميل محمد قنديل.wmv

   


ان جيتنا يا جميل ..

ان جيتنا ياجميل ..على عينا جيتك .. 
وان غبت يا جميل .. خليك على غيتك
لو تحفظ عهدنا ..عهدك جوا العيون .. 
وان صونت ودنا .. بردو نقدر نصون ..
وهواك ما يهمنا .. لو كان حيزلنا .. 
وان كان قلبك يميل .. حنمَّيل نحيتك ..
وان جتنا يا جميل ..على عينا جيتك .. 
وان غبت يا جميل .. خليك على غيتك ..
العطف تعطفوا .. أكتر منه تلاقيه .. 
وانا قلبي معرَّفوا.. اللي بيقسى نجافيه  ..
والوفا بالوفا .. والصفا بالصفا .. 
حتى النهار والليل .. يتفقوا في خدمتك  ..
وان جتنا يا جميل.. على عينا جيتك ..  
وان غبت يا جميل.. خليك على غيتك ..

الجيل الجديد وحلاوة المولد .. مع مريومة ..

الجيل الجديد وحلاوة المولد
================
هذه قضية .. تحتاج إلى آراء سعادتكم .. لأنها من واقع الحياة.. وهي تتلخص في الآتي .. خال " مريومة " .. اللي هي .. مريم ناجي إبنة أخي شقيقي التي أحبها ..و اللي باتعب حضراتكم معايا بقصصها الكتيرة .. خالها ده جاب ليها .. " عروسة المولد" مع حلاوة المولد .. زي كل سنة .. في الموسم .. بمناسبة مولد الرسول عليه أفضل الصلاة والسلام .. البنت " مريومة " بقى .. بتقول لمامتها : " عروسة إيه اللي خالوا جايبها " .. ليه خالوا مجابلناش " جاتوه وخلاص " .. ملحوظة.. مريومة لم تكمل أو قد تكون ستكمل 10 سنوات هذا العام ..وهي في الصف الخامس الابتدائي .. فما تحليل حضراتكم لهذا الكلام من الست " مريومة " بأى ؟؟؟!!!.. وعلى فكرة مامتها محفظة قرآن كريم في المسجد .. !!
--------------------------------
د.شهيرة عبد الهادي