إهداء إلى كل أصدقائي على الفيس بوك
--------------------
أجمل ما في الفيس بوك ..
إنك تعرف ناس زي العسلية ..
تحبهم ويحبوك ......
لا عمرك شفتهم ..
ولا عمرهم شافوك..
ولا عمرك قابلتهم ..
وممكن هم ...
كمان مش هيقابلوك ..
تحس بيهم ويحسوا بيك..
توحشهم ويوحشوك..
تشاركهم أفكارهم ويشاركوك..
وكمان تشاركهم مشاكلهم ..
وهم كمان يشاركوك..
ومعاهم فيه معرفة ..
نيتها صافية ..
ومشاعرنا فيها دافية ..
وكلامنا مع بعض بالود ..
ومفيش فيه ند لند..
النص نص نعمله لايك ..
والحلو نعمله شير..
ونتانوله مع بعض بالتمرير..
وعلى فكرة ...
ساعات لازم نعتبره ..
كله حلو ولا فيه شئ مرير ..
دا الإنسانية يا ناس شئ جميل..
وعمرها ما كانت شئ مرير..
والأجمل إنك ..
تعيش في بيت كبير..
يضمنا مع بعض..
ويلفنا بمشاعر من حرير ..
وفي جميع الأحوال ..
إنت بتحبهم وهم بيحبوك ..
ناس بتحترم آرائهم ..
وفي آرائك ..
هم كمان بيحترموك ..
وتسمح لنفسك إنك ..
تدخل معاهم في أي حديث ..
بين اتنين تلاتة عادي ..
مفيش نبذ لأي ونيس ..
وده كله لقيتوا..
في ملتقانا الجميل ..
اللي كل واحد فيه ..
كان وما زال خل لخليل ..
ماهو اسمه ..
" ملتقى محبي الله والوطن" ..
وهو فيه أغلى من ..
حُب الله ثم حُب الوطن ؟..
وده بقى ملتقى راقي ..
كل أعضاؤه حبات لولي ولولية ..
وبنعمل فيه ندوات ثقافية ..
بتشاركهم فيها ويشاركوك ..
بتفيدهم وهم كمان بيفيدوك ..
والحب ده لقيتوا كمان ...
في "مجلة كلمتين بالبلدي" ..
ما احنا ناس بلدي يا ولدي ..
وكلنا بنحب مصر بلدك وبلدي ..
مجلة بنتكلم فيها بحرية ..
عن مشاكل وطنك ووطني ..
ع شان جايز نلاقي فيها..
حلول لهموم شعبك وشعبي ..
وع شان كده فيها ..
قامات مصرية بتكتب فيها بحرية ..
أما "مجلة مواقف حياتية " ..
فـ دي بقى حكاية يا عينيه ..
حكاية وحكاية و قصة ورواية ..
من مواقف حياتنا..
اللي كلها في النهاية حكاية ..
نتعلّم منها ونعلّم الأجيال اللي جاية ..
أما بقى اللي على صفحتي الشخصية ..
فـ دول حتة من قلبي وعينيه ..
وكلهم ناس والله حتة عسلية ..
ومارون جلاسيه م اللي هيه ..
الله عليهم لما يصبّحوا عليَّ..
ساعة الصبحية ..
ويبعتولي ورد وفل هدية ..
ويا سلام على كل أصدقائي ..
في الجروبات التانية ..
اللي شرفتني وضافتني ليها بأريحية ..
فـ دول بقى هم أكبر عسل وعسلية ..
وكل تعليقاتهم على منشوراتي ..
بتشجعني على الاستمرارية ..
شفت ازاي ...
إن الفيس فيه ناس عسلية ..
بتحبهم ويحبوك ..
وتشاركهم ويشاركوك ..
حتى لو مشفتهمش ولا هم شافوك ..
تعلّمهم ويعلّموك ..
ما العلم ملوش كبيرولا فزلوك..
دا العلم له أصول ..
نتعلمها سوى أنا وانت ..
واخويا وأخوك ..
----------------
د.شهيرة عبد الهادي
