:D 
<3 :D..
البنوتة الحلوة دي هي " برديس " في 3 رياضيات و هي بنت بمليون راجل في
شغلها وأخلاقها والتزامها وتعرف حدود التعامل مع أستاذتها بالرغم أنها
طعمة كده وصديقة لي في العمل .. واللي على يساري ده " مصطفى " من ثالثة
علوم اللي لابس شميز أزرق ومربي ذقنه راجل ولا كل الرجالة
في تصرفاته وأخلاقه والتزامه حتى مع خطيبته اللي هي تلميذتي بردوو
وأخلاقها من أخلاقه العالية وكمان بيعرف الحدود في التعامل مع أستاذته
مهما أنا كنت بسيطة معاه في التعامل ..أما اللي على يساري ده " محمود "
من ثالثة علوم اللي لابس تي شيرت بنص كم أبيض في أسود مبتكر وله براءات
ابتكار راجل ولا كل الرجالة مؤدب على خلق وكبير في تصرفاته وأخلاقه
واحترامه لأستاذته وفي طريقته أثناء الاستفسار عن أي شيء .. الولاد
والبنات دول بيشتغلوا شغل والله ولا شغل الفاعل لأننا بنشتغل ضمن فريق
عمل مكون من مجموعة كبيرة من الأفراد نظراً لكثرة الأعداد .. الشغل ده
خاص بعدد ما يقرب من 1900طالب ويمكن أكتر كمان .. والله أنا وهم كنا
قاعدين مرهقين ودايخين ومش قادرين نآخد نفسنا .. خصوصاً أن محاضرتنا بتكون
لغاية الساعة 6 مساءً يعني يوم مشحون وبنخلص الشغل ده على الساعة 8 أو 8
ونص مساءً .. واضحكم بقى شوية.. الست هناء خطيبة مصطفى جابت له أكل
في علبة تلاجة غطاها موف كده يعني .. كانت جايباها معاها من البيت
ومخبياها وما طلعتهاش إلا له هو بس حتى ما عزمتش علينا.. حتى انا ما
اعرفش الأكل ده كان إيه وما جابتش لحد تاني إلا هو هههههههههه .. شفتم
بقى عمايل الجيل الجديد ماشي يا هناء ماشي يا مصطفى :D <3 :D على فكرة الشغل ده كله لله في لله ..عشان مصلحة زملائهم وبس ..ومهما كافأتهم مش حوفيهم حقهم .. بحبكم يا اولادي ..
