كل واحد بيشتغل بره مصر .. بقلم د. شهيرة عبد الهادي

كل واحد بيشتغل بره مصر عمال يشتم في مصر وجيشها  وعاوزها تحارب .. طب يا اخويا  انت وهو.. سيب الريالات والدولارات .. ووريني شطارتك وروح حارب انت ..
-------------------------------------
د.شهيرة عبد الهادي
الجمعة 28 / 7 / 2017 م

بالبلدي كده .. للناس اللي زعلانة من كلامي ..بقلم د. شهيرة عبد الهادي

بالبلدي كده ..
للناس اللي زعلانة من كلامي.. ح اقول حاجة واحدة بس.. وهي أن كتير من الناس اللي  جاءت لمصر بعد الحروب في بلادها ..كانوا طهقانين وزهقانين من العيشة في مصر وبيقولوا بالحرف الواحد: إنتوا عايشين ازاي ؟ ومنهم اللي رجع بلده ومنهم اللي راح لبلاد تانية يعيش فيها  ..طيب احنا متحملين المر ومرار المرار وطافحين الدم عشان بلدنا وجيشنا .. وجيشنا عمال يحارب الإرهاب في سيناء غير اللي داخل مدن وقرى مصر يعني متشتت ميت حتة وحتة .. ومعروف كويس أوي الإرهاب ده جاي لنا منين .. يبقى بعد المرار الطافح ده  كله ..عاوزين جيشنا يروح يحارب  هنا وهناك .. وعاملين حملات تشويه له نفسية وعسكرية وإعلامية .. يعني عاوزين يتخلصوا من مصر بقى .. يعني عاوزين يسقطوا الجيش المصري بقى اللي ضحى بآلاف مؤلفة من خيرة شباب مصر عشانهم .. وهم عايشين في النعيم ومنهم اللي راضي بالوضع عشان فيه سبوبة له ..أنا عندي وقائع كتيرة ومن فم بعض المنتسبين لتلك القضايا .. بس ما باحبش اجرح في حد زي ما معروف عني في إسلوبي .. لكن كده بجد الكيل طفح واحنا بلد منهكة من جميع النواحي .. احنا ما عدناش عارفين نعيش جوة مصر ..نقوم ندخل جيشنا في حروب براها واحنا عارفين إن الحروب دمار شامل على شعوبها ..منطق غريب بجد.. إبعدوا عن مصر وجيش مصر .. لو مصر سقطت لا قدر الله ولو جيش مصر سقط لا قدر الله ..النكبة حتكون كبيرة لكل الدول العربية وقضاياهم..
------------------------------
د.شهيرة عبد الهادي
الجمعة 28 / 7 / 2017 م

ابعدوا عن جيش مصر .. بقلم د. شهيرة عبد الهادي

ابعدوا عن جيش مصر  لأن بقالوا 70 سنة عامل اللي عليه وزيادة منذ عام 1948 م تجاه القضايا العربية وضحى بآلاف  مؤلفة من خيرة شباب مصر  واللي عاوز يروح يحارب يحارب لوحده ..مصر منهكة  ولو لا قدر الله مصر سقطت  ولو لا قدر الله جيش مصر سقط  سيكون ذلك وبالاً على كل الدول العربية وعلى قضاياها ..
---------------------------
د.شهيرة عبد الهادي
الجمعة  28 / 7 / 2017 م

ما فيش حد أسطورة .. بقلم د.شهيرة عبد الهادي

ما فيش حد  أسطورة .
لابد من نقص في الصورة ..
----------------------------
د.شهيرة عبد الهادي
الجمعة 28 / 7 / 2017 م

ما أقسى الشعور بهما ..بقلم د. شهيرة عبد الهادي

الخذلان يتبعه خيبة أمل درجة من درجات الخيانة ..
 ما أقسى الشعور بهما ..
-------------------------
د.شهيرة عبد الهادي
الجمعة 28 / 7 / 2017 م

أمنية أم أمل ..بقلم د.شهيرة عبد الهادي

ما أجمل أن يكون الحب سنداً للمحبوب ..
أمنية  أم  أمل  ؟
------------------------
د.شهيرة عبد الهادي
الجمعة28 / 7 / 2017 م

كلمتين بالبلدي ..بالبلدي وببساطة .. بقلم د.شهيرة عبد الهادي

بالبلدي وببساطة ..
ملحوظة لفتت نظري ..كل اللي على الفيس ممن ينتمون لفئات مختلفة يتهمون الآخرين  ممن ينتمون لنفس المجال بأنهم في منتهى الانحطاط .. طيب فين بقى أهل عدم الانحطاط ومكانهم فين ..على فكرة دي ظاهرة تستحق الدراسة وليست بالهينة ..لأن المحصلة النهائية مرعبة تدين المجتمع بأسره .. لازم البيت يتصلح من الداخل الاول .. عشان نعرف ندرس أوضاعنا بموضوعية .. وتكون لدينا قدرة على التغيير الإيجابي ..
---------------------------
د.شهيرة عبد الهادي
الخميس 27 / 7 / 2017 م

بحبك .. حروفها متعلقة بين السماء والأرض ..صدقة منك ترفعها.. بقلم د.شهيرة عبد الهادي

بحبك ..
حروفها متعلقة بين السماء والأرض ..
 صدقة منك ترفعها ..
----------------------------
د.شهيرة عبد الهادي
الخميس 27 / 7 / 2017 م

مصر غجباني .. بقلم د.شهيرة عبد الهادي

يا عدو مصر ..
ومن بلدي بتسخر..
باقول لك إيه ..
مصر عجباني ..
بزحمتها ..
بمشكلاتها ..
واقول لك كمان ..
بحبها في كل حالاتها ..
بحبها في شدتها ..
بحبها بزبالتها ..
بحبها في غفوتها ..
بحبها في صحوتها ..
بحبها ..
كده على بعضها  ..
وعجباني ..
مصر ..
طول عمرها شايلاني ..
وحتى ..
لو قولت ..
في يوم ..
منها ..
آه ياني ..
بردو بحبها وعجباني ..
ويرجع حبها  ..
في ثواني  لشرياني ..
مصر دي كياني ..
مصرح تعدي ..
وح ترجع من تاني ..
مصر الحضارة ..
والعطاء الرباني ..
-------------------------
د.شهيرة عبد الهادي
الأربعاء 26 / 7 / 2017 م
Drshahera Abd Elhady Ibrahem

موسيقى يا مسافر وحدك.wmv ..ليلة حضراتكم سعيدة بإذن الله تعالى ..

عشانك رويت بستاني ..بقلم د. شهيرة عبد الهادي

عشانك  ..
رويت بستاني ..
طرح ..
ورد ..
ريحان ..
وأغاني ..
بس انت ..
كنت أناني ..
بتكتر ..
 في أحزاني ..
-------------------
د.شهيرة عبد الهادي
الأربعاء 26 / 7 / 2017 م

مقلب .. بقلم د. شهيرة عبد الهادي

مقلب ..مقالب ..
م الديابة ..أم مخالب ..
يا رب سلم .. واقلب عليهم ..
 كل المقالب ..
------------------------------
د.شهيرة عبد الهادي
الأربعاء 26 / 7 / 2017 م

حبيباتك كتير ..بقلم د.شهيرة عبد الهادي

حبيباتك كتير..
ملهماتك كتير..
لو انتبهت لهم ..
ح تطير منك ..
كل العصافير ..
خليك  يا قلبي كبير..
------------------------
د.شهيرة عبد الهادي
الأربعاء 26 / 7 / 2017 م

ما تحاولشي .. بقلم د. شهيرة عبد الهادي

ما تحاولشي ..
تفقدني الثقة بنفسي ..
لأن ..
نفسي بتحب نفسي ..
أنا عاوزاني كده ..
أنا عاجباني كده ..
أنا حباني كده ..
قول غرور ..
قول جواز مرور..
قول قد ما تقول ..
لا نفسي عمرها ..
تروحلك ..
ولا انت قد نفسي ..
ما تحاولشي ..
--------------------------
د.شهيرة عبد الهادي
الأربعاء 26 / 7 / 2017 م
Drshahera Abd Elhady Ibrahem

محتاجة مساندة روحي .. بقلم د. شهيرة عبد الهادي

محتاجة مساندة روحي ..
تصبر عليَّ ألملم جروحي ..
من غيرما اتكلم ..
 ولا يغلبني بوحي ..  
---------------------- 
د.شهيرة عبد الهادي
الأربعاء26 / 7 / 2017 م

طول عمري حمالة الأسية .. بقلم د.شهيرة عبد الهادي

طول عمري حمالة الأسية ..
وباخطي وباعدي ..
كل محنة ومحنة ..
بفضل الله ..
وبقلبي الابيض وروحي الندية ..
ولا عاوزة حاجة من ده ولا دية ..
وباعيش مرفوعة الراس ..
يا ابو قلب فقد الإحساس..
ونسيت الإنسانية والناس ..
لا حتعيش جوايا ولا برايا ..
ولا كلامك عندي له أي أهمية ..
دا العاطي هو الله والمانع هو الله ..
وله في كل حاجة حكمته الأبدية ..
وانا مؤمنة بكده ..
ودايماً ح تكون ..
إيدي عليك هي العليا ..
وكلمتي بفضل الله ..
في النهاية ح تكون ..
هي الصحيحة الصادقة الأصلية ..
------------------------------
د.شهيرة عبد الهادي
الثلاثاء 25 / 7 / 2017 م
Drshahera Abd Elhady Ibrahem

وبحبك حب أبدي .. من غير ما أقول .. ولا لتجلياته أُبدي .. بقلم د.شهيرة عبد الهادي

وبحبك حب أبدي ..
من غير ما أقول ..
ولا  لتجلياته أُبدي ..
---------------------
د.شهيرة عبد الهادي
23 / 7 / 2017 م

مهما كنت بعيد عن الصراعات .. بقلم د. شهيرة عبد الهادي

مهما كنت بعيد عن الصراعات ..
تجيك لحدك وتقول لك عواف ..
تناجيها .. يا ستي سيبتهالك ..
ومنك مش عاوز حاجة ..
ومنك مش بخاف ..
بردوو تتشعبط وتتلعبط ..
وحواليك تلف خيوطها وتتلعبك ..
وتروح وتيجي تقول لك عواف ..
---------------------------------
د.شهيرة عبد الهادي
الإثنين24 / 7 / 2017 م
Drshahera Abd Elhady Ibrahem

شجع نفسك إنت وحبها وطبطب عليها .. بقلم د. شهيرة عبد الهادي

إن ما لقتش حد يطبطب عليك في محنتك ويساعدك ..
شجع نفسك إنت وحبها وطبطب عليها ..
وخليك بين إيدين ربنا علطول ..
 ودايما قول يا رب ..
-----------------------
د.شهيرة عبد الهادي 

قالولي ازاي هتتقدم .. بقلم الشاعر عز الدين خلاف ..

قــالولي ازاي هتتقــــدم ..
وعدّادَك يدوبَــــك صفر ..

بلوغــك للهــــدف يابني ..
بِمَد الخطوه مش بالسِّحر ..

وإن تـــــاه الهدف منــك ..
عليك تفضل محلك سِــر ..

----------------------------

للشاعر عزالدين خلاف
الاحد 23 / 7 /  2017

كلمات قالها لي الشاعر احمد سيد حسين تعليقاً على منشور خاص بي

ربك كبير قادر ع الفرحه يهديكِ ..

وان كان لي يوم خاطر مديلي ف ايديكِ ..
مما عطاكِ الله يا بنت عبد الله .. 

للفرحه قولي الله .. 

تلاقيه يلبيكِ ..
-------------------
الأحد 23 / 7 / 2017 م 

كلمتين بالبلدي .. العرب ما بيحلوش قضاياهم إلا بالشعر .. بقلم د.شهيرة عبد الهادي

"العرب ..ما بيحلوش قضاياهم إلا بالشعر ..ويشتموا في أمريكا .. وهم أول ناس تهرب لما يكون عندهم مشكلة في بلدهم .. ويروحوا  يعيشوا  في أمريكا .. كلهم بتوع كلام في كلام .. إحنا وحشين أوي كلنا بلا استثناء "..
ده كان ردي على الصديق المحترم دكتور Khaled Tahhan 

----------------------------------

د.شهيرة عبد الهادي 

الأحد 23 / 7 / 2017 م

كلمتين بالبلدي ..وستظل ثورة يوليو هي الثورة البيضاء .. بقلم د. شهيرة عبد الهادي

وستظل ثورة يوليو 1952م هي الثورة البيضاء .. وسيظل هناك موقفا مشرفا لملك وزعامة حقيقية لزعيم ..وعلى فكرة كل الأقلام النظيفة التي تكتب الآن على الفيس ..هي نتيجة التعليم اللي كان تعليم بحق وكان متاح للجميع ببلاش بفضل هذه الثورة .. وأولهم أنا بنت الأسرة المتوسطة أوقل الفقيرة التي تعليمها كله حكومي وبس ..
--------------------------------
د.شهيرة عبد الهادي 
الأحد 23 / 7 / 2017 م

وبرغم التعابين والوحوش .. بقلم د. شهيرة عبد الهادي

وبرغم التعابين ..
والوحوش ..
اللي بيحوطوني ..
وما بيرحموش ..
رامية حمولي على الله ..
وما بانساهوش ..
ولغيروا ما اتحوجلوش ..
فـ بينصرني نصرة قوية ..
وبيفضحهم ويعريهم ..
اللي ما بيختشوش ..
ويخليني أشوف فيهم ..
اللي ما شفتهوش ..
ولغاية عندي ..
بتيجيني النصرة ..
وما ترحلوش ..
واشوف على وشوشهم ..
غضب الله ..
وصفات العفريت ..
اللي ما شفتهوش ..
واسمع عنهم ..
اللي ما كانش ..
ممكن اسمعه ..
ومسمعتوش ..
وما دام بتقول يا رب ..
وبتراضيه ..
ح ينصرك ..
ويحقق لك ..
اللي كنت عاوزه ..
وما نلتهوش ..
-------------------------
 د.شهيرة عبد الهادي
الأحد 23 / 7 / 2017 م

كلمتين بالبلدي .. الفيس بقى مشغول بإيه ؟ .. بقلم د.شهيرة عبد الهادي

الفيس بقى مشغول بإيه ؟ ..ما هو بردوو بيعبر عن الواقع البائس .. 
مشغول بفيديوهات وصور توضح الفرق ما بين  مسجد قبة الصخرة والمسجد الأقصى الحقيقي .. مستنداً على ضياع القضية بناء على ذلك .. يا سلام .. قال يعني القضية ما ضاعتش بأفعالكم يا عرب .. مش باقول لحضراتكم .. دي شعوب بيهمها الشكل دون الجوهر ..وبيحكموا على كل شيء في الدنيا بالشكل مش بالجوهر .. القضية إن المسجد الأقصى وقبة الصخرة وبلد كامل بيضيع بفعل أصحابه اللي هم أنتم يا بشر يا أصحاب الكلام والأشعار والأغلني والأحقاد والغل والحروب ما بين بعضكم وبعض عشان الزعامة والكرسي .. صحيح أمجاد يا عرب أمجاد..
-----------------------------------
د.شهيرة عبد الهادي 
الأحد 23 / 7 / 2017 م

كلمتين بالبلدي .. بالبلدي وببساطة وبدون سفسطة .. بقلم د. شهيرة عبد الهادي

بالبلدي وببساطة ودون سفسطة لأن ما عدش ليا نفس للكلام في أي حاجة....
 السوريون : امتى نرجع لسوريا ..العراقيون :امتى ترجع العراق عراق ..البنانيون : امتى نرجع لبنان .. الفلسطينيون أنفسهم : امتى نرجع فلسطين .. ده حال الدول العربية على سبيل المثال لا الحصر .. وبعدين .. نقول ..الأقصى .. مش ح اقول غير كلمتين في منتهى البساطة قلتهم للصديق المحترم المستشار ساميAlmustashar Samy لكن معناهم عميق للي عاوز يفهم دون سفسطة ..وهم.. احنا  كلنا العرب بمختلف دياناتنا ..اللي كلها من عند رب واحد .. وبمختلف مذاهبنا وعرقياتنا ..  أثبتنا إن احنا وحشين أوي .. إحنا وحشين أوي .. صلح بيتك الأول ودور على المصلحة العامة وبعدين اتكلم ..لأ ..مش تتكلم بقى ..فعل كلامك .. يا اللي ما تملكون إلا الكلام والمنفعة الشخصية وبس ..
-----------------------------------
د.شهيرة عبد الهادي 
الأحد 23 / 7 / 2017م

رغم الديابة دنيتي حلوة .. بقلم د.شهيرة عبد الهادي

رغم الديابه ..
حواليا ..
دنيتي حلوة ..
حلوة ..
بصفائها ..
بنقائها ..
سايباها على الله .. 
فـ بينصرني ..
ويقلّب الجمر..
في قلوب الديابة ..
برة وجوة ..
عمرك يا ديب ..
لا ح تبقى إنسان ..
ولا حتى ..
 ديب تايب بفتوى ..
دا الحقد والغل ..
دايب في دمك .. 
يا ديب ..
ما تشيله منه  .. 
كلمة صدق حلوة ..
--------------------
د.شهيرة عبد الهادي
الأحد 23 / 7 / 2017 م

الدكتور سعيد السريحي - مصر حلوة

دنيا .بقلم د.شهيرة عبد الهادي

دنيا ..
وعايش فيها .. 
المنافق ..
الطبال والزمار ..
وابو صاجات ..
وبيتوه فيها ..
كل لحظة ..
العالِم ..
والمثقف ..
والمُصلح ..
ولا عارف ..
إن كان فيها حياة ..
ولا عايش معاها..
عيشة الأموات ..
------------------------
#د_شهيرة_عبدالهادي
السبت 22 / 7 / 2017م
Drshahera Abd Elhady Ibrahem

يا دنيا ساعديني وما تعانديني .. بقلم د.شهيرة عبد الهادي

يا  دنيا ساعديني ..
وما تعانديني  ..
وخليني ..
أحول الألم  أمل ..
واعيش بين الديابة ..
وشعلتي  في إيدي  ..
ما يقدروا يطفوها ..
ولا احس انا بملل .. 
يا دنيا ساعديني ..
وما تعانديني..

كلمات قالها الصديق سيد بك إبراهيم في شخصي المتواضع

رقى وسمو ونقـاء .. 

وهامة تطاول السماء .. 

تلقائية تنساب صفواً .. 

حيية يغار منها الحياء .. 
دمتِ بكل الخير سيدتى الفاضلة جديرة بكل ثنـاء . تحياتى وكل تقديرى وإحترامى ..

وكم من ليلة .. بات فيها .. الهوا .. يداعب .. خيال محب.. حتى .. سقط وهوى ..

وكم من ليلة ..
بات فيها ..
الهوا ..
يداعب ..
خيال محب..
يناجي شفاعة ..
بحر الجوى
حتى ..
سقط وهوى ..
----------------------
د.شهيرة عبد الهادي 
6 / 7 / 2017 م

وما بين العشق الممنوع والحرام والمرغوب ..بقلم د.شهيرة عبد الهادي

وما بين العشق الممنوع والحرام والمرغوب ..خيوطاً  رفيعة في نهايتها الكثير من العقد .. و بالرغم من تعدد قواعد  العشق  .. لا يحل  تلك العقد .. إلا حلال  العقد  ذو القوة المتين .. الذي منح ومنع وحلل وحرم ..وكل العشق هو له  علام الغيوب  ستير العيوب ..

بعد ما اتعودت بعدك غصب عني (أم كلثوم )

ما غربقة القلب أرض عير موطنه ..بل غربة القلب ناس لا تصافيه ..بقلم د.حسان حتحوت

يا طير ما كان أغنى النفس عن كبد ............ ما ينفع العقل في دنيا المعاتيه ..
قد كنت مثلك طيراً في الأنام فما ............... تركتُ للريح تسييري وتوجيهي..
وانحزت للحق منهاجاً وأمنيةً ................... في عالمٍ طينُهُ أسمى أمانيه ..
فصرت مغترباً لم يحوه كنف .................. وإن تكن حجرات الدار تحويه ..
حـــــــــرّاً تعذبه فيهم كرامتــه .................. مغّربا وهو يسعى بين أهليه..
ما غربة القلب أرض غير موطنه ................. بل غربة القلب ناس لا تصافيه ..

عندما تنقلب المعايير والموازين .. بقلم د.شهيرة عبد الهادي

في أي مجال بشري ..عندما تنقلب المعايير والموازين دون تقنين وتفعيل للقوانين.. لن تجدي الدلائل والبراهين .. وتحل محلها ميكانيزمات الحيل للأفاعي والثعابين.. ويتحول المشهد لمجموعة من الأفاقين و الدجالين والأفاكين  والمنافقين ..
#د_شهيرة_عبدالهادي_إبراهيم

أصعب أنواع الغربة .. الاغتراب النفسي .. بقلم د.شهيرة عبد الهادي

أصعب أنواع الغربة ..
 الاغتراب النفسي ..

الشخصية السوية .. بقلم د.شهيرة عبد الهادي

الشخصية السوية ذات البناء الداخلي القوي والذي مصدره اللجوء إلى الله واليقين به في أوقات اللين والشدة .. هي التي تحول أحزان العمر تلقائياً إلى درجات من العطاء والحنان والحنية دون تصنيف لتلك الدرجات لأنها تكون فطرية طبيعية ..
#دشهيرة_عبدالهادي_إبراهيم

شهيرة الإحسان لهفة رحمة ..بقلم الأديب محمد إبراهيم البنا

أرسلت تهنئة إلى الأديب الكبير الأستاذ محمد إبراهيم البنا  بمناسبة يوم ميلاده.. وقد تأخر في الرد عليَّ كثيراً .. فما كان منه إلا أن رد بهذا الكرم ..لسعادته مني كل الشكر والتقدير والاحترام ..
--------------
 : : ( . ( . . . شَهيرَةُ الإحْسانِ لَهْفَةُ رَحْمَة ٍ . . . ) . ) : :

 باقاتُ أزْهارِ اعْتِذار ٍ مُوقَد ٍ . . . . بِمِدادِ جُرْح ٍ ... نَزَّ قُرْحَةَ مَرْقَد ٍ .

عُذرُ المُكَبَّلِ باحْتِمالاتِ الرَدَى . . . صَلَبَ الرُؤَى ثَلْجا ً بِحَسْرَةِ فاقِد ٍ .

فَقَدَ المُنَى غَيْبُوبَة ً تَمْحُو الصَدَى . . . سَمْعا ً وَدَمْعا ً باكْتِئاب ٍ راقِد ٍ .

يَشْتاقُ ميناءَ الثَرَى عَبْرَ المَدَى . . . مِجْدافُ سَكْرَةِ نَحْرِ داء ٍ عاقِد ٍ .

وَالذِكْرَياتُ المُحْسِناتُ فَمُ النَدَى . . . صَدَقاتُ ساقِيَة ٍ ... بلَيْل ٍ حاقِد ٍ .

وَشَهيرَةُ الإحْسانِ لَهْفَةُ رَحْمَة ٍ . . وَصْلُ الضُحَى التِبْيانُ بَلْسَمُ ناقِد ٍ .

الأديب / محمد إبراهيم البنا

ودائماً أبداً ستجد شخصية خبيثة.. في هذا العالم الدنيوي .. تستنفذ طاقتك النفسية .. لتضيء هي وتنطفيء أنت .. السؤال هو ..متى ؟ وكيف ؟ تكتشف ذلك ؟ ثم تعالج ؟ ..

ودائماً أبداً ستجد شخصية خبيثة.. في هذا العالم الدنيوي .. تستنفذ طاقتك النفسية .. لتضيء هي وتنطفيء أنت .. 
 السؤال هو ..متى ؟ وكيف ؟ تكتشف ذلك ؟ ثم تعالج ؟ ..

العاشرة مساء| حصرياً أغنية جديدة للأم تمس القلوب "أنا حته منك" للفنان أح...

اللهم إني أعوذ بك من شر القلب الخبير والقلب اللئيم والقلب الفقير .. دعاء من أدعيتي الخاصة بي

اللهم إني أعوذ بك من شر القلب الخبير والقلب اللئيم والقلب الفقير

رد على سؤال ..ما هو القلب الخبير والقلب الفقير ..في الدعاء الآتي ..اللهم إني أعوذ بك من شر القلب الخبير والقلب اللئيم والقلب الفقير .. بقلم د.شهيرة عبد الهادي

الخبير: لها معان ومعان وبما أنني أستعيذ منه فالمعنى هنا هو إيذاء الغير ولو عن طريق إظهار المحبة والحب له في حين أن له غرضاً آخر أي أنه مخادع ومتلاعب   بالقلوب .. والفقير :فقير المشاعر في كل ما هو جميل يصب في مصلحة الغير فـ على سبيل المثال يحول الحب إلى حقد أو أنه لم يكن حباً من الأساس .. وهكذا ...... إلخ .... تحياتي