الأربعاء 19 / 4 / 2017 م مع طالباتي العزيزات .. في مجمع مدارس حمزة بن عبد المطلب بالعجمي البيطاش .. بإدارة العجمي التعليمية بغرب الإسكندرية .. أثناء قيامي بالإشراف التربوي .. في مجال التدريب الميداني .. على طالبات السنة الرابعة شعبة طفولة .. بروضة حمزة بن عبد المطلب .. أولى المراحل التعليمية بالمجمع .. بالفصل الدراسي الثاني 2016 / 2017 م ..

الأربعاء 19 / 4 / 2017 م مع طالباتي العزيزات .. في مجمع مدارس حمزة بن عبد المطلب بالعجمي البيطاش .. بإدارة العجمي التعليمية بغرب الإسكندرية .. أثناء قيامي بالإشراف التربوي .. في مجال التدريب الميداني .. على طالبات السنة الرابعة شعبة طفولة .. بروضة حمزة بن عبد المطلب .. أولى المراحل التعليمية بالمجمع .. بالفصل الدراسي الثاني 2016 / 2017 م .. واستثمر هذه الفرصة السعيدة .. وأتقدم بالشكر للجميع .. ألف شكر للأستاذة ليلى عثمان موجهة الطفولة على ما قامت به من مجهود مع طالباتنا .. والشكر موصول للأستاذة سمية مديرة الروضة ولكل القائمين على المجمع بالكامل .. لما قاموا به من مجهود مع طالباتنا .. طالبات كلية التربية جامعة الإسكندرية ..والشكر موصول لهذه المجموعة الجميلة من الطالبات المتميزات خلقاً وفي أعمالهن أثناء فترة التربية العملية ..ألف شكر لحضراتكم جميعاً .. وقد حصلن على شهادات تكريم تقديراً لتفاعلهن المثمر مع البرنامج وأهدافه ..

الأحد 16 / 4 / 2017 مـ ..أثناء قيامي بالإشراف التربوي على التربية الميدانية خلال الفصل الدراسي الثاني من العام الدراسي 2016 / 2017 م .. وكانت هذه مجموعة من الوسائل التعليمية والمجهود التعليمي التربوي الذي قامت به طالبات الدبلوم العامة ..

الأحد 16 / 4 / 2017 مـ ..أثناء قيامي بالإشراف التربوي على التربية الميدانية خلال الفصل الدراسي الثاني من العام الدراسي 2016 / 2017 م .. وكانت هذه مجموعة من الوسائل التعليمية والمجهود التعليمي التربوي الذي قامت به طالبات الدبلوم العامة .. أثناء فترة التدريب الميداني لهن .. في مدرسة العجمي الثانوية للبنات .. بإذارة العجمي التعليمية .. بالمنطقة الغربية بالإسكندرية ..واستثمر هذه الفرصة السعيدة .. وأتقدم بالشكر للجميع .. ألف شكر للأستاذة سعاد محمد السيد إبراهيم موجهة علم النفس والاجتماع على ما قامت به من مجهود مع طالباتنا .. طالبات الدبلوم العامة بكلية التربية ..والشكر موصول للأستاذة أمل فكري عبد الله عشري موجهة الفلسفة على ما قامت به من مجهود مع طالباتنا أيضاً طالبات تخصص الفلسفة بكلية التربية .. وأيضاً كل الشكلر للسيدة الفاضلة مديرة المدرسة ولكل القائمين عليها ..والشكر موصول لهذه المجموعة الجميلة من الطالبات المتميزات خلقاً وفي أعمالهن أثناء فترة التربية العملية ..ألف شكر لحضراتكم جميعاً ..

هذا ما نتمناه خلال تعاملنا معاً يا أغلى الأصدقاء .. بقلم د.شهيرة عبد الهادي

لمسة وفاء .. إبتسامة صافية لدوام المحبة بـ رجاء .. كلمة طيبة بـ صفاء .. أذن صاغية دون رياء .. مجاملة صادقة بـ نقاء .. حنو في عمل بسيط مع كل لقاء .. إسلوب مهذب في التعامل مع ارتقاء .. أفعال مُفيدة لغيرك فلا تحمله مشقة عناء .. هذا ما نتمناه  دستوراً  خلال تعاملنا معاً يا أغلى الأصدقاء .. صباح النقاء والصفاء والوفاء ..
---------------
د.شهيرة عبد الهادي

فما لكَ كلّما ذُكِرَتْ تذوبُ ؟! .. قيس بن الملوّح

أما واعدتني يا قلبُ أنّي ..
إذا ما تُبتُ عنْ ليلى تتوبُ ؟
فها أنا تائبٌ عن حُبِّ ليلى ..
فما لكَ كلّما ذُكِرَتْ تذوبُ ؟!
--------------------------
قيس بن الملوّح

الأربعاء 19 / 4 / 2017 م.. في مجمع مدارس حمزة بن عبد المطلب بإدارة العجمي التعليمية بغرب الإسكندرية .. بقلم د.شهيرة عبد الهادي

الأربعاء 19 / 4 / 2017 م.. في مجمع مدارس حمزة بن عبد المطلب بالعجمي البيطاش .. بإدارة العجمي التعليمية بغرب الإسكندرية .. أثناء قيامي بالإشراف التربوي .. في مجال التدريب الميداني .. على طالبات السنة الرابعة شعبة طغولة .. بروضة حمزة بن عبد المطلب .. أولى المراحل التعليمية بالمجمع .. بالفصل الدراسي الثاني 2016 / 2017 م .. واستثمر هذه الفرصة السعيدة .. وأتقدم بالشكر للجميع .. ألف شكر للأستاذة ليلى عثمان موجهة الطفولة على ما قامت به من مجهود مع طالباتنا .. والشكر موصول للأستاذة سمية مديرة الروضة ولكل القائمين على المجمع بالكامل .. لما قاموا به من مجهود مع طالباتنا .. طالبات كلية التربية جامعة الإسكندرية ..والشكر موصول لهذه المجموعة الجميلة من الطالبات المتميزات خلقاً وفي أعمالهن أثناء فترة التربية العملية ..ألف شكر لحضراتكم جميعاً ..

في الجمعة 31 مارس 2017 مـ ( 1 ) .. بقلم د. شهيرة عبد الهادي

الجمعة 31 مارس 2017 م ..في حقل توقيع الأعمال الكاملة .. لسعادة عميد شرطة ناجي بك أنس الفاضل ..شاعر وأديب الإسكندرية وسفير النوايا الحسنة بجمهورية مصر العربية المتميز الخلوق ..ومن الصدف الجميلة التي أسعدتني أني وجدت كثير من طالباتي وطلابي من المرحلة الجامعية الإولى ومن الدراسات العليا من ضمن هيئة تنظيم الحفل بمكتبة الإسكندرية ..ومعي منهم هنا ..إبنتي في الله ثم العلم التي تتلمذت على يديّّ ثلاث سنوات متتاليات في المرحلة الجامعية الإولى.. كما قالت هي .. وقالت أيضاً أنها قد حصلت عندي على " امتياز " في تلك الثلاث سنوات ..وبأمانة معروف عني ..أني لا أتذكر أسماء أحد من طلابي نظراً لكثرة الأعداد .. وهي من ذكرتني بذلك .. لكن هي الآن .. ونظراً لتفوقها لدراسي .. قد أصبحت معيدة عندنا في القسم ..وهي تلميذتي أيضاً في الدراسات العليا الآن ..وهي معيدة وطالبة ممتازة خلقاً وعلماً .. إنها إبنتي مروة مصطفى ..التي رافقتني اليوم في حفل التوقيع ..وأنا بـ أقول لها ..عقبال ما أحضر فرحك يا مروة وكمان الماجستير والدكتوراة يا نور عين ماما شهيرة .. وسأكتب لحضراتكم فيما بعد بعض من قصائد الشاعر والأديب ناجي أنس المكتوبة بالعامية وباللغة الفصحى ..

من منشورات الثورة .. بقلم د. شهيرة عبد الهادي

عاوزة أشوفك يا مصر ترجعي تاني في منتهى القوة .. للريادة تكوني دايماً زي ما كنتِ زمان وفي تواضع الإخوة .. وللعطاء الكبير دون منة .. و في الشهامة للرجولة قوة .. وللكرامة أنت المنارة ولا تقعي أبداً في هوة .. عاوزة اشوفك يا مصر تاني حلوة ..عاوزة اشوفك يا مصر ترجعي تاني غنوة ..
----------------
د.شهيرة عبالهادي
16 / 4 / 2013 مـ Drshahera Abd Elhady Ibrahem

للوطن معنى ومعاني .. بقلم د. شهيرة عبد الهادي

الوطن للحب هدف .. 
الوطن للحماية أمل ..
الوطن للحياة غزل .. 
الوطن للجغرافيا معالم .. 
الوطن فكرة عميقة .. 
الوطن معنى ومعاني .. 
منها المحسوس .. 
منها المجرد.. 
بالقلب قصة حب رقيقة  ..
الوطن للحدود شرف .. 
الوطن للأهل عرض .. 
الوطن للفنان غنوة ..
الوطن للشيخ دعوة .. 
الوطن للشاعر قصيدة .. 
الوطن للعالِم علم .. 
الوطن  للغريب حلم ..
-----------------
د.شهيرة عبدالهادي
16 /4 /2013 مـ
الإسكندرية
مصر الحبيبة

مصر في عيون مصرية .. عاوزة أشوفك يا مصر أجمل غنوة .. بقلم د. شهيرة عبد الهادي

عاوزة أشوفك يا مصر ..

دايماً.. حلوة 
عاوزة أشوفك يا مصر
دايماً .. أجمل غنوة ..
عاوزة أشوفك يا مصر..
دايماً.. في منتهى القوة .. 
للريادة  .. تكوني  ..
زي ما كنتِي زمان ..
وفي تواضع الإخوة .. 
وللعطاء .. إنت الكبيرة..
دون منة وكلك مروة .. 
و في الشهامة والرجولة ..
الشقيقة الكبرى..
في بنوة وأبوة  .. 
وللكرامة.. أنت المنارة ..
ولا تقعي أبداً ..في هوة .. 
عاوزة اشوفك يا مصر ..
دايماً حلوة ..
عاوزة اشوفك يا مصر..
دايماً أجمل غنوة ..

------------------------------
د.شهيرة عبد الهادي 
16 / 4 / 2017 مـ

مصر في عيون مصرية ..الله الله عليكي يا مصر .. بقلم د. شهيرة عبد الهادي

الله الله علي بلدي مصر ..
شايفاها أنا دايماً جنة  .. 
كل أوان وعصر ..
دا البسمة في مصر .. جوة الإنسان ..
الرحمة في مصر .. وياها حنان ..
البساطة والرقة ..
دي سمة المصري  أبو ضحكة جنان ..
المصري يا ناس طول الزمان ..
في السلم نعومة ..
وفي الحرب  عمره ..ما كان جبان ..
عنوانه الحب .. 
والحب في مصر.. دايماً تلقاه ..
بيدفي البردان الصقعان ..
المصري عاشق ..
وعشقه خلاه  يعشق ..
وقصص عشاق الكون وياه ..
مصر دي سحر الشرق مع الأنغام ..
عايشة جوة  المصري ..
ومعاه في  الأحلام ..
تندهله  .. يلبي نداها أوام ..
 مصر دي خمر المصريين الجدعان ..
دي الصحبة الفايقة  في  الأحزان  ..
والقفشةالرايقة ..
في الأزمات  والحالة جنان ..
وولاد مصر..من بحري من أسوان ..
م النوبة وفي الصعيد  الشقيان  ..
مسلم مسيحي يهودي ..
بهائي سني شيعي حتى الملحد  كمان ..
رجالة وإيد واحدة .. 
في كل زمان وأوان ..
ما يفرق بينهم أي جبان ..
يحموها وهي  شابة ..
ما يخذلوها .. إن جار عليها الزمان ..
يقفوا معاها ..يرجعوها صبية ..
في طوبة وكياك ..
يخلوا وشها ..لون حب الرمان ..
الله الله على بلدي مصر ...
مطرها..  عطر ريحان ..
شمسها.. أشجار ضل و أمان  ..
ليلها زه د.. قمرها حب ..
نجومها  لولي ياقوت  ومرجان ..
الروعة فيها أشكال وألوان ..
بس اللي يشوفها ..
بعين العاشق الولهان ..
 في كل عصر وأوان ..
ويحبها ..مهما  غدر بيها  الزمان ..
الله الله على بلدي مصر ..
شايفاها أنا دايماً جنة  .. 
كل أوان وعصر ..
-------------------------
د. شهيرة عبد الهادي 
16 / 4 / 2017 م

آااااااااااااااااااه يا بلد .. بقلم د.شهيرة عبد الهادي

آآآآآآآآآآ ه يا بلد ...... بقلم د.شهيرة عبد الهادي ..
===========================
آآآآآآآآآه يا بلد فيكِ الفقير منسي .. والغني  فيكٍٍ على جثته بيمشي ..
آآآآه يا بلد .. فيكِ المعايير مقلوبة .. والقيم فيكِ منكوبة ..
آآآآآآآآه يا بلد فيكِ كله بيضحك على كله .. وكله بيسرق من كله ..
آآآآآآآآه يا بلد .. فيكِ الفهلوى سوقه ماشي .. والمخلص على راسوا ماشي ..
آآآآه يا بلد .. فيكِ الحر منداس .. والتابع متشال فوق الراس ..
آآآآآآآآه يا بلد .. فيكِ المرؤؤس يتحاسب .. ورئيسه لايمكن أبداً  يتحاسب ..
آآآآآه يا بلد ... فيكِ الشريف متهان ... والحرامي له تعظيم سلام ..
آآآآه يا بلد ..فيكِ من لا يشقى هو دايماً الكسبان .. ومن يشقى هو دايماً الخسران ..
آآآآآآآآه يا بلد .. فيكِ الكبير يسرق  نديله ونزيده  .. ولو سرق الصغير   هو اللي تتقطع إيده ..
آآآآه يا بلد..شبابها البرئ قام بثورة عشان يحميكي .. قتلوا الثورة وبيذلوا فيككِ ..

آآآآآه يا بلد .. فيكِ قصة عجيبة وغريبة ..
كان فيكِ ثورة زمان ..خاف منها كل مان ..
بيسمي نفسه كبير .. وكان بيسرق حق الصغير ..
فـ قام من خوفه م الثورة .. إدى الصغير حقه ..
ما هي الثورة ..كانت عاوزة..تجيب للصغير حقه ..
راحت الثورة .. ضاعت الثورة .. اتقتلت الثورة ..
رجع المان الكبير .. يسرق حق الصغير  تاني ..
بالذمة مين بقى الكبير.. ومين الصغير..
بالذمة مين بقى المان ..ومين اللي مش مان ..
بالذمة مين بقى القوي ..ومين بقى الضعيف ..
أكيد عرفتوه .. ما هو المان الكبير ..
كان هو اللي كان مسمي  نفسه كبير ..
وكان مسمي الصغير.. صغير ..
والصغير كمان .. كان بسكوته ..عامله كبير ..
فـ  يفتري ..و يعمل قوانين وأعراف.. تخليه كبير..
و يسرق بيها ..حق الصغير..
مع أنه هو اللي صغير... والصغير هو اللي كبير ..
مع إن هو اللي ضعيف .. والصغير هو اللي قوي ..
قوم يا صغير .. خد حقك م الكبير ..
مهو الكبير طلع مش كبير .. دا طلع صغير ..
وانت اللي طلعت كبير .. يا كبير ..
------------------------------------
د.شهيرة عبدالهادي
16 /4 /2013 مـ
الإسكندرية
مصر الحبيبة

في عيد القيامة و شم النسيم ..البيض يرمز للحياة .. بقلم د.شهيرة عبد الهادي

في عيد القيامة و شم النسيم ..البيض يرمز للحياة .. ومصر إن شاء الله ستظل طول غمرها هي المعنى الحقيقي للحياة ..وبرغم الألام ..وبرغم الجراح .. وبرغم الشهداء اللي بيتساقطوا من أبناء مصر من جميع الفئات كل يوم .. الشعب المصري كله ح يعيد مغ بعضه ..والمساجد والكنائس كلها ح تصلي مع بعض من أجل مصر .. كل عيد قيامة مجيد وكل سبت النور وكل شم النسيم ومصر متماسكة قوية أبية وشعب مصر عايش متعايش سعيد مع بعضه .. وأهلاً باللي ح يرد عليا .. وأهلا بردو باللي مش ح يرد عليا.. هو الشعب المصري كده .. مصر بلد التسامح .. وأنا بنت مصر ..

( كلمتين بالبلدي) ..من يريد هدم أمة عليه أن يعمل الآتي .. بقلم د. شهيرة عبد الهادي

( كلمتين بالبدي)
---------------------
من يريد هدم أمة .. عليه .. أن .. يعمل على .. زيادة نسبة الأمية التعليمية و العلمية والثقافية بين أفراد هذه الأمة على مختلف طبقاتهم و مستوياتهم .. ثم التلاعب بورقة الدين " أفيون الشعوب" واستخدامه لزيادة الفرقة بين أبناء الشعب الواحد إلى طوائف ومذاهب وفرق وشيع وأقليات وإثنيات ووو... إلخ .. على يد ما يُطلق عليهم دعاة العصر الحديث .. ثم اتخاذ قرارات عنترية متخبطة .. ليست مبنية على أسا علمية أو سياسية مدروس دراسة جيدة .. ثم عدم استخدام علوم الإدارة الاستراتيجية والتخطيط في وضع خطط طويلة الأجل في جميع المجالات .. ثم خلق جو من البلبلة وعدم الفهم لخلفيات مجريات الأحداث والأمور لدى جميع طبقات الشعب .. بمعنى استبعاد الشعب من حساباته وخلفياته .. وهذا ما تعرضت له مصر في الخمس والأربعين سنة الماضية .. الله يكون في عون الشعب المصري ..
------------------------------------------------------شهيرة عبد الهادي
14 / 4 / 2015 مـ
Drshahera Abd Elhady Ibrahem

هل نحن كعرب .. من نبحث دائماً ..عن الرجوع إلى بداية الدائرة ؟. هل هي جينات ؟ ..هل هي ثقافة عامة ؟ ..هل هي عدم نضوج ؟ ..هل هي نتاج طبيعي لتكوين بيئي ؟ ..سواء كانت البيئة صحراوية أم زراعية أم أم أم ؟ ..

هل نحن كعرب .. من نبحث دائماً ..عن الرجوع إلى بداية الدائرة ؟. هل هي جينات ؟ ..هل هي ثقافة عامة ؟ ..هل هي عدم نضوج ؟ ..هل هي نتاج طبيعي لتكوين بيئي ؟ ..سواء كانت البيئة صحراوية أم زراعية أم أم أم ؟ ..

كلمتين بالبلدي .. بقلم د. شهيرة عبد الهادي

بالبلدي كده ..
صعب أوي المشاعر دي .. إنك كنت حاطط صورة " مُميزة " لحد في ذهنك لأنه هو اللي ادالك الانطباع ده بتصرفاته اللطيفة في البداية أو الله أعلم كانت تصرفات مُمثلة ؟ ولا إيه ؟ ..وبعدين هو بردو وبنفسه وبنصرفاته اللي " هد " الصورة دي قي ذهنك .. وكمان يستمريء ذلك .. وكل شوية تكتشف أنه كان متعمد تصرفاته .. أنا مش عارفة هو ممكن التصرفات دي تكون طبيعية ؟ .. هو عيب أن الواحد يكون صريح وواضح من الأول في تعاملاته مع الناس ؟ ويحدد هدفه من نعاملاته دي من الاول ؟.. هو عيب أن الواحد يعتذر ؟ .. وبـ أقول يعتذر ؟ ..مش يبرر ؟ .. لأن ساعات التبرير بيكون أقبح من الذنب .. أو إذا أراد التبرير فيكون التبريرمصاحبا للاعتذار ..وممكن التبرير يصاحب الاعتذار إن كان صادقاً .. لأن مشاعر الناس مش لعبة يتم استنزافها بالصورة اللا إنسانية دي ..ليه دائما التعاملات في بلدي تبدأ بشكل جميل وتنتهي بشكل مش لطيف خالص ؟.. مش عارفة السلوكيات في بلدي بقت مُحيرة ؟ ..والأخلاقيات في بلدي بقت مُحيرة أكتر؟.. أو أن التكوين النفسي للشخصية قي بلدي أصابه شيء ما غير صحي ؟ ..

L

قل للذين استغلوا حسن النوايا وروحك الشفافة بداخلك مضيت وتركتكم لله ..

قل للذين استغلوا حسن النوايا وروحك الشفافة بداخلك مضيت وتركتكم لله
منقولة عجبتني

ربما المناخ العام ..يقول لنا ..أن لا شيء حقيقي في هذه الحياة ..وكل ما نتمناه أو ما كنا نعتقده هو مجرد أوهام .. ربما ..

ربما المناخ العام ..يقول لنا ..أن لا شيء حقيقي في هذه الحياة ..وكل ما نتمناه أو ما كنا نعتقده هو مجرد أوهام .. ربما ..

اللهم أعني وهيء لي السبل التي تجعلني أتقي الله في القول والفعل والعمل آمين يا رب

اللهم أعني وهيء لي السبل التي تجعلني أتقي الله في القول والفعل والعمل
آمين يا رب

الحمد لله راضية بكل اللي ربنا قسمهولي ويا رب تقدرني على الرضا دايما الحمد لله

الحمد لله راضية بكل اللي ربنا قسمهولي ويا رب تقدرني على الرضا دايما الحمد لله

العراق 2003 وسوريا 2017 مـ .. بقلم د. شهيرة عبد الهادي

هههههه فاكرين حضراتكم العراق 2003 م..
عموماً بالبلدي كده .. أهو دلوقتي سوريا 2017 مـ
والعيب مش عليهم .. العيب على العرب ..اللي هم عالة على العالم ..واللي لا يمكن حد حيتدخل في بلادهم إلا بواسطة الخونة منهم ..
وكقاية كده .. لأن ما عادش ليا نفس اتكلم في حاجة.. وما عادش فيه كلام يتقال أصلاً
وربنا يحمي مصر وشعب مصر وجيش مصر .. حطوا مصر وجيش مصر في قلبكوا وعينيكوا ..

إنها المرأة .. هي للحياة أيقونة .. بقلم د. شهيرة عبد الهادي

إنها المرأة .. هي للحياة أيقونة ..
================
فكّرت في هذه المخلوفة الجميلة " حواء" .. فوجدتني أقول ..لله في خلقه شؤون .. لا تُحيط بها أفكارنا ولا أفهامنا ولا بحوثنا ولا أقلامنا .. فقد خلق الله في المرأة الحياة .. وجعل الله من المرأة سر الوجود .. سر الحياة .. سر الكينونة .. و جعلها أجمل أيقونة .. هي : للأمومة أبقونة .. للمشاعر أيقونة .. للفهم أيقونة .. للفطنة أيقونة .. للمبدأ أيقونة .. للقيم أيقونة ..للمعرفة أيقونة .. حتى لو لم تكن القراءة والكتابة لديها معلومة .. ألم تكن لكثير من الأمْيآت أولاد في مكانة مرموقة .. فـي الطب .. فـي الهندسة.. فـي العلوم .. وفـي دراسة خبايا النفس المدفونة .. وفـي حب وطنهم كانت لهم بطولات محسومة ..نعم إنها المرأة .. أجمل أيقونة .. وما أغلاها من أيقونة .. يا الله .. تعجز أفهامنا .. تتشتت أفكارنا .. تتبعثر بحوثنا .. تتوقف أقلامنا .. ونحن نبحث في سر هذه الأيقونة .. يا الله .. فهذة لم تتزوج .. وتلك لم تُنجب .. وتستمر معهن الحياة .. ويستمر معهن عطاء سر الكينونة .. في هذه الأيقونة : تُوجد مشاعر " الأمومة " ..في هذه الأيقونة : هي للأم " إبنة " .. هي للأب "حبيبة ".. هي للأخ "سند" .. هي للأخت "طبيبة" .. هي العمة.. هي الخالة ..هي للطفل قريبة .. هي للأجيال مُربية .. هي : للحب للعطف للحنان للرحمة .. مصدر تغذية .. هي الدعاء الجميل ..هي الكلام الجليل .. هي العرفان بالجميل .. هي هزيمة ألم .. هي دافع عمل .. هي شعاع أمل .. هي جبال قيم .. هي القضاء ع الندم ..هي الوجود مـ العدم .. نعم .. إنها المرأة .. هي للحياة أيقونة ..
-----------------------------------
د.شهيرة عبد الهادي
5 /4 /2013 مـ
الإسكندرية
مٍصر الحبيبة

كل اللي بيحصل حوالينا بيقول أكبرنعمة عندنا هي الجيش المصري ابن شعب مصر.. حطوا مصر وشعب مصر وجيش مصر في القلب والعين ..مهما كانت ظروفنا ..

كل اللي بيحصل حوالينا بيقول أكبرنعمة عندنا هي الجيش المصري ابن شعب مصر..
حطوا مصر وشعب مصر وجيش مصر في القلب والعين ..مهما كانت ظروفنا ..

يا دوب لسة بنهني بالعيد لقينا نفسنا بنقدم التعازي .. تهنئة بقلم د.شهيرة عبد الهادي

كل سنة واحنا كلنا يا مصريين بألف خير وسعادة وود وانسجام ووحدة وترابط وتآخي بمناسبة عيد القيامة المجيد وكل الأعياد يا رب من هنا ليوم الدين .. وتهنئة خاصة لولاد بلدي المسيحيين ولكل مسيحيي العالم .. اللهم بأمرك يعيش العالم كله في سلام ووئام .. آمين ..

من بفسد على إنسان فرحته يوم عيده ..هو المفسد في الأرض..وهو ليس بإنسان .. تعازينا لنا نحن جميعاً المصريين .. بقلم د.شهيرة عبد الهادي

من بفسد على إنسان فرحته يوم عيده ..هو المفسد في الأرض..وهو ليس بإنسان .. تعازينا لنا نحن جميعاً المصريين .. في شهداء حادث تفجير كنيسة مارجرجس بطنطا يوم أحد الشعانين 9 / 4 / 2017 م وفي استشهاد الرائد عماد الركايبي الذي كان يدافع عن الكاتدرائية المرقسية بالإسكندرية اليوم أيضاً أثناء قيام انتحاري بمحاولة تفجيرها اليوم أيضاً .. واضح أن المخطط قد دبر له بعناية .. وتمنياتنا للمصابين بالشفاء .. المصاب أليم لكل الفئات بمصر ..من يريدون إفساد الحياة في مصر هم أعداء مصر .. مصر مستهدفة ومن بعض أبنائها في الداخل قبل الخارج .. اليوم كنيسة وغداً مسجد وكمين .. اللهم وعدك .. مصر في رباط إلى يوم الدين .. ورحم الله شهداء وطننا مصر ..

أؤيد اقتراح الأخ والصديق المحترم الأستاذ مصطفى الفرا.. افتحوا كل مساجد مصر لاحتفالات إخواننا وأخواتنا بعيد القيامة وكل الأعياد..كلها دور لعبادة الله ..

أؤيد اقتراح الأخ والصديق المحترم الأستاذ مصطفى الفرا..
افتحوا كل مساجد مصر لاحتفالات إخواننا وأخواتنا بعيد القيامة وكل الأعياد..كلها دور لعبادة الله ..

الجو في مصر غيم فجأة وكانه أعلن الحداد من الأفعال غير الإنسانية للبشر .. بقلم د. شهيرة عبد الهادي

حتى الجو غيّم فجأة وكأنه اعلن الحداد من الأفعال غير الإنسانية التي يقوم بها من يكرهون مصر وفرحة أبناء مصر .. الله يخلّص مصر منكم يا ظلمة .. الكون غضبان من افعال بعض البشر الظالمين السيئين الذين يعيشون على دم الأبرياء ..

لا للطائفية .. بقلم د. شهيرة عبد الهادي

( لا للطائفية ) ..
============
قال مكرم عبيد للمحتل الأجنبي لمصر عندما عُرض عليه إقامة دولة مُستقلة للمسيحيين داخل مصر ..أنا مُسلم وطناً ومسيجي دينا .. ثم قال له .. اللهم اجعلنا نحن المسلمين لك وللوطن نصارى .. واللهم اجعلنا النصارى لك وللوطن مُسلمين .. رحم الله مكرم عبيد مثالاً للوطنية الحقة والكفاح من أجل مِصر وحُب مِصر.. أتمنى أن نتمسك جميعاً بحُب مِصر وطننا جميعاً مسلمين ومسيحيين .. وألا ننساق وراء الشائعات .. وأن نكون جميعاً يدٌ واحدة .. مسلمين ومسيحيين .. مسيحيين ومسلمين .. وألا نكون عاملاً مُساعداً في إنجاح الثورة المضادة .. ولو أنني لم أعد أستسيغ هذين التعبيرين " الثورة المضادة والطرف الثالث ".. فـ مِصر تسبح الآن فوق بركان من اللهب .. كما يجب ألا ننسي الملحمة الوطنية التي وحدت بين جميع أبناء مِصر على قلب رجل واحد .. في الثمانية عشرة يوماً الأولى للثورة من 25 يناير وحتى 11 فبراير 2011 مـ .. حيث كان المسلمون يُصّلون والمسيحيين يحرسونهم .. والمسيحيين كانوا يُصّلون والمسلمين يحرسونهم ...وأن المسيحي كان يصب الماء على المسلم لكي يتوضأ إستعداداً للصلاة .. وكذلك كانت تفعل المسيحية تصب الماء على أختها المسلمة لكي تتوضأ .. والمسلمين كانوا يُشعلون الشموع لإخوانهم المسيحيين في الصلاة ويؤمنون ويهللون ويكبرون ورائهم ..كان يحدث ذلك في ميدان التحرير وكل ميادين مِصر .. كما أن الاستشهاد في سبيل إنجاح الثورة المصرية لم يُفرق بين مُسلم ومسيحي .. أو مسيحي ومُسلم .. واختلط الدّمان معاً في سبيل الوصول بالوطن إلى بر الأمان.. وتحقيق مصر التي كان يريدها هؤلاء الشهداء المسيحيين والمسلمين ..وطن العيش والحرية والكرامة الانسانية والعدالة الاجتماعية .. فلنجعل مِصر كما أرادوها حتى يستريحوا في قبورهم لانتفرق إبداً ..مسلم ومسيحي .. ومسيحي ومسلم ... ولنُغني معاً ترنيمة بلادي التي نعشقها جميعاً .. ولندعوا جميعاً لشهداء الثورة المجيدة مسيحيين ومسلمين بالرحمة.. ولنوقد لهم الشموع .. ولنقرأ لهم الفاتحة .. ونحن جنباً إلى جتب .. مسلمين ومسيحيين .. ومسيحيين ومسلمين ..ولنعاهدهم على إنجاح الثورة مهما حاول أصحاب المصالح الشخصية والنوجهات الفكرية البعيدة عن الوسطية العمل على إيقاظ الفتنة .. لعن الله من أيقظها .. ولنقل ( لا للطائفية ) .. وفي الحقيقة أنني لأتعجب مما نحن فيه الآن .. فـ هل من المعقول بعد مرور سنتين على الثورة .. أعود لأقول ( لا للطائفية ) .. بعد أن قلتها ثلاث أو أربع مرات سابقاً .. لكن يبدوا أنني سأعيدها تكراراً ومراراً (لا للطائفية ) .. إن لم تكن هناك حلولاً جذرية صادقة لما تعانيه الأمة من تفكك أسهمت فيه مُحركات الدولة نفسها نظاماً واستراتيجية باعتبار وجودهما ....
--------------------------------
د.شهيرة عبد الهادي
8 /4 /2013 مـ
الإسكندرية
مِصر الحبيبة

الحل الوحيد عشان مصر تعيش وتبقى .. بقلم د. شهيرة عبد الهادي

الحل الوحيد عشان مصر تعيش وتبقى .. هو اتحاد جميع أبنائها ..ويكونوا كتلة واحدة إيد واحدة .. ما حدش يفرق بينهم أبداً ..واللي يقول غير كده ..خاين لمصر .. قولاً واحداً ..

من غير كلام كتير ..هو ده المسلم الحق .. بقلم د. شهيرة عبد الهادي

من غير كلام كتير ولا كبير ولا مصطلحات ولا كلام مقعر لأن أوانهم فات خلاص.. زوجة أخي وهي سيدة فاضلة ومحفظة قرآن كريم في المسجد ..وعلى فكرة هي ختمت حفظ القرآن الكريم من 3 أسابيع أو شهر تقريباً وهي مختمرة ولا تفارق المسجد. .قالت لي الآن في التليفون وصوتها كله حزن ووالله ما هي قادرة تطلع النفس من بقها ..قالت بالحرف الواحد .." أنا زعلانة أوي هو كل عيد لهم يحصل لهم كده حرام والله " .. هو ده المسلم الحق .. مش اللي بيفجر الكنائس والمساجد والكمائن ..

أجمل قول وفعل سمعته من أخي وصديقي Morius Faragموريس فرج : " حنصلي مع بعض الفجر في الجامع والكنيسة " .. هم دول المصريين .. مصر حدوتة كبيرة جميلة للقوة والصلابة .. لازم تكون إيد واحدة .. عشان مصر لازم تكون مصر ..

أجمل قول وفعل سمعته من أخي وصديقي Morius Faragموريس فرج : " حنصلي مع بعض الفجر في الجامع والكنيسة " .. هم دول المصريين .. مصر حدوتة كبيرة جميلة للقوة والصلابة .. لازم تكون إيد واحدة .. عشان مصر لازم تكون مصر ..

نوع من أنواع قمامة الفكر .. أطهرته ..حادثة تفجير كنيسة مارجرجس والكاتدرائية المرقصية بالإسكندرية .. بقلم د. شهيرة عبد الهادي

الأحداث الأخيرة وما دار حولها من مناقشات أتيح لي الاطلاع عليها ..أثبتت ان ما يحدث الآن من محاولة إشعال القتنة الطائفية ...قد تم له التدبير بعناية فائقة من أوائل السبعينيات .. كما أثبتت أننا في مصر لا نحتاج إلى عملية تدوير قمامة الشوارع بقدر ما نحتاج إلى عملية تدوير قمامة الفكر عند البعض ..

السماء في اسكندرية بقالها يومين مغيمة .. وتحس أنها مليانة دموع ومش قادرة تنزلها ..

السماء في اسكندرية بقالها يومين مغيمة .. وتحس أنها مليانة دموع ومش قادرة تنزلها ..

التبرع بالدم كان من المسلمين في حادثة تفجير كنيسة مارجرجس بطمطا والكاتدرائية المرقصيى بالإسكندرية يوم الأحد " احد السعف" 9 / 4 / 2017 مـ

التبرع بالدم في المستشفى الميري باسكندرية .. كان بصورة تخليك تبكي وتفرح في نفس الوقت ..كلام ما كنتش أحب اقوله لأنه مكرر .. بس مضطرة. أقوله للأسف تظراً لما سمعته من بعض الأقاويل السيئة التي صدرت عن البعض مثيري الفتنة ..كل اللي كانوا بيتبرعوا بالدم من المسلمين والمسلمات .. ولا تتخيل مشاعرهم الجياشة .. واللي من اسكندرية يعرف الكلام ده كويس ..

الاستعمار الفكري .. بقلم د. شهيرة عبد الهادي

كنا قديماً نتحدث عن الاستعمار الفكري لشعوبنا من دول الاحتلال  الأجنبي ..إلى أن جاء لنا ما هو أشد فتكاً بعقول أبناء الوطن ..وهو الاستعمار الفكري لأبناء بلدتنا  .. من فئة من أبناء جلدتنا أشد احتلالا وأشد فتكاً بعقول من يهوى الاحتلال الفكري لذاته ..

من بفسد على إنسان فرحته يوم عيده ..هو المفسد في الأرض..وهو ليس بإنسان .. بقلم د.شهيرة عبد الهادي

من بفسد على إنسان فرحته يوم عيده ..هو المفسد في الأرض..وهو ليس بإنسان .. تعازينا لنا نحن جميعاً المصريين .. في شهداء حادث تفجير كنيسة مارجرجس بطنطا يوم أحد الشعانين 9 / 4 / 2017 م وفي استشهاد الرائد عماد الركايبي الذي كان يدافع عن الكاتدرائية المرقسية بالإسكندرية اليوم أيضاً أثناء قيام انتحاري بمحاولة تفجيرها اليوم أيضاً .. واضح أن المخطط قد دبر له بعناية .. وتمنياتنا للمصابين بالشفاء .. المصاب أليم لكل الفئات بمصر ..من يريدون إفساد الحياة في مصر هم أعداء مصر .. مصر مستهدفة ومن بعض أبنائها في الداخل قبل الخارج .. اليوم كنيسة وغداً مسجد وكمين .. اللهم وعدك .. مصر في رباط إلى يوم الدين .. ورحم الله شهداء وطننا مصر ..

كلمتين بالبلدي ..السيناريو .. واحد .. بقلم د. شهيرة عبد الهادي

هههههه فاكرين حضراتكم العراق 2003 م..
عموماً بالبلدي كده .. أهو دلوقتي سوريا 2017 مـ
والعيب مش عليهم .. العيب على العرب ..اللي هم عالة على العالم ..
وكقاية كده .. لأن ما عادش ليا نفس اتكلم في حاجة.. وما عادش فيه كلام يتقال أصلااً
وربنا يحمي مصر وشعب مصر وجيش مصر .. حطوا مصر في قلبكوا وعينيكوا ..

الحب في زمن الصقيع ( 13 ) .. برغم طول الطريق

الحب في زمن الصقيع ( 13 ) .. وجع القلب والروح ..
قال لها ..
أحبك ..
فـ أنت ..
أصفى قلب ..
واصفى روح ..
ثم .. أبى ..
إلا أن ..
يملأهما بالجروح ..
غادرها ..
وتركهما ..
يتباران معا ..
في سرد ..
ويلات ذكرى ..
ببضع ..
أحرفٍ من بوح ..
لحياة يكسوها ..
الألم وزفرات نوح ..
أقسمت ..
بحق صفاء حبها ..
أن يكون النسيان ..
وجه العملة الثاني ..
لكل ذكرى ..
ستعيش لحظات حياتها..
مع أمل جديد ..
يحمل نقاء حبً ..
يرد لها الروح ..
برغم طول الطريق ..
ووجع القلب والروح ..
-------------------------------------
د.شهيرة عبد الهادي
7 / 4 / 2017 مـ
Drshahera Abd Elhady Ibrahem