El Shahead - Mohamed Abd El Wahab الشهيد - محمد عبد الوهاب ..نحن الآن في عصر الشهيد ..كل يوم في مصر شهيد.. هو بيستشهد .. عشان إحنا نعيش ..

..

البحرُ آيةُ سِحرٍ في مُحيَّاها .. .. بقلم الشاعر ثروت سليم

البحرُ آيةُ سِحرٍ في مُحيَّاها ..
وآيةُ البحرِ بالأمواجِ حلَّاها ..
فالبحرُ وشوش لي والموجُ هدهدني ..
وآيةٌ في عيونِ البحرِ محلاها ..
-------------------------
الشاعر ثروت سليم

من وحي اللوحة الخطية ..حبوا مصر .. بقلم د.شهيرة عبد الهادي

الحب إضافة ..
الحب تكامل ..
الحب أمان ..
الحب يضيف ..
لكرامة الإنسان ..
الحب ما يفرق ..
بين الخلان ..
الحب يعلي ..
الحب يبني ..
الحب ما يهدم ..
في الأوطان ..
الحب يضفر ..
قلوب البشر ..
ببلادهم ..
يعيشهم في ..
استقرار وامان ..
---------------------
د.شهيرة عبد الهادي
12 / 3 / 2017 م
Drshahera Abd Elhady Ibrahem
الصورة الرائعة للخظاط القدير مصطفى خضير

وصية حكيم لأبنائه في زمن الانترنت ..

🔴 منقوووووووووووول

السلام عليكم ورحمة الله وبركاته

وصية حكيم لأبنائه في زمن الانترنت …… تكتب بماء الذهب 👇

السلام عليكم ورحمة الله وبركاته

🔴 يا بني يا ابنتي:

أن جوجل والفيس بوك وتويتر والواتساب وجميع برامج التواصل بحرٌ عميق ضاعت فيه أخلاق الرجال، وسقطت فيه العقول منهم الشاب ومنهم ذو الشيبة. وابتلعت امواجه حياء العذارى وهلك فيه خلقٌ كثير.

فأحذر التوغل وكن كالنحلة فيه، لا تقف إلا على الطيب من الصفحات لتنفع بها نفسك اولاً ثم الآخرين ..

🔴 يا بني يا ابنتي...

لاتكن كالذباب يقف على كلّ شيء الخبيث والطيب فينقل الأمراض من دون أن يشعر..

🔴 يا بني يا ابنتي...

إن الإنترنت هو سوقٌ كبير ولا أحد يُقدم سلعته مجاناً!

فالكل يريد مقابل!

فمنهم من يريد إفساد الاخلاق مقابل سلعته.

ومنهم من يريد عرض فِكره المشبوه.

ومنهم طالبُ الشهرة.

ومنهم المصلحين فلا تشتري حتى تتفحص السلع جيدا.

🔴 يا بني يا ابنتي:

إياك وفتح الروابط فإن بعضها فخٌ وتدبير وشرٌ كبير وهكر وتهكير ودمارٌ وتدمير.

🔴 يا بني يا ابنتي:

إياك ونشر النكات والإشاعات واحذر النسخ واللصق في المحرمات.

واعلم إن هذا الشيء يُتاجر لك في السيئات والحسنات فأختر بضاعتك قبل عرضها.. فإن المشتري لا يشاور.

🔴 يا بني يا ابنتي:

قبل أن تعلّق أو تشارك فكّر إن كان ذلك يُرضي الله تعالى أو يغضبه ..

🔴 يا بني يا ابنتي:

لا تُعول على صداقة من لم تراه عينك .

ولا تحكم على الرجال من خلال ما يكتبونه.

فإنهم متنكرون فصُورهم مدبلجة

واخلاقهم مجملة.

وكلماتهم منمقة.

يرتدون الأقنعة ويكذبون بصدق.

فكم من رجل ظاهره الدين وهو أكبر السفهاء

وكم من جميل هو أقبح القبحاء

وكم من كريم هو أبخل البخلاء

وكم من شجاع هو أجبن الجبناء

إلا من رحم الله فكن ممن رحم الله.

🔴 يا بني...يا ابنتي:

إحذر الاسماء المستعارة.

فإن اصحابها لا يثقون في أنفسهم. فلا تثق فيمن لا يثق في نفسه..

وإياك أن تستعير إسما، فإن الله تعالى يعلم السر وأخفى.

🔴 يا بني... يا ابنتي:

لا تجرح من جرحك، فأنت تمثل نفسك وهو يمثل نفسه.. وانت تمثل اخلاقك وليس اخلاقه فكل إناءٍ بما فيه ينضح.

🔴 يا بني...يا ابنتي:

انتقِ ما تكتب .. فأنت تكتب والملائكة يكتبون والله تعالى من فوق الجميع يحاسب ويراقب.

🔴 يا بني... يا ابنتي:

إن أخوف ما أخافه عليك في بحر الأنترنت الرهيب هو مشاهدة الحرام ولقطات الفجور والانحراف، فإن وجدت نفسك قد تخطيت هذه المحرمات فاستفد من هذا النت في خدمة نفسك والتواصل مع مجتمعك ، وأسعى في نشر دينك ، وإن رأيت نفسك متمرّغا في أوحال المحرمات ، فاهرب من دنيا الانترنت هروبك من الضبع المفترس ، فالنار ستكون مثواك وسيكون خصمك غدا مولاك.

🔴 يا بني... يا ابنتي:

أن من أهم مداخل الشيطان الغفلة والشهوة وهما عماد الانترنت.

واعلم إن هذا الشيء لم يخلق لغفلتك إنما لخدمتك .. فاستخدمه ولا تجعله يستخدمك .. وابنِ به ولا تجعله يهدمك ..

واجعله حجةً لك لا حجة عليك.

مواقف حياتية ..ربنا يستر على دماغي م اللي بتشوفه .. بقلم د. شهيرة عبد الهادي

الواحد حيتجنن في البلد دي .. راقصة عمالة ترقص قدام عروسة وعريس ببدلة الرقص طبعاً ..والناس عمالة تقول : اللهم صل ع النبي .. يا دين النبي على رقصها ..اللهم صلى عليه دا رقصها ولا أروع ..حبيبنا يا سيدنا النبي .. صلي على رسول الله .. فكروني بالفيس لما تكون واحدة استغفر الله في شكلها ولبسها وكده يعني .. تلاقي الناس في الفيس عمالة تعلق على صورتها وتقول لها : يا نور النبي على جمالك .. يا نور محمد على النور اللي طالع من وشك .. اللهم صل على سيدنا محمد على الجمال الرباني اللي عندك ..اللهم صل على الحبيب المصطفى ع القشطة دي..اللهم صل ع النبي ع المهلبية يا ولاد.. وتلاقي عليها ملايين اللايكات.. وتلاقي ناس لا يمكن كنت تعتقد أو تصدق أنهم ممكن يعملوا كده معاها ..عمالين يقولوا ليها الكلام ده ..وعمالين يعملوا ليها لايكات بأشكال غريبة الشكل والمضمون كده ..وكمان بيكتبوا ليها آيات قرأنية استشهادا على القشطة والمهلبية والجمال اللي عندها.. ربنا يستر على دماغي م اللي بتشوفه ..
--------------------
د.شهيرة عبد الهادي 
11 / 3 / 2017 م 

من وحي الصورة ..بقلم الشاعر ثروت سليم

 

عَيْنَاكِ بـعَيني فتعَـالي ..
يا فيضَ جمَالٍ ودَلالِ ..
أهـواكِ وقلبُكِ يَعرِفُني ..
من غير جَوابٍ وسُؤالِ ..
والشِّعرُ بدونِكِ غاليتي ..
كالشَّاعِرِ مِن غَيرِ خَيَالِ ..
حُبُّكِ بُستَانُ عَطِّرنـي ..
حُبُّكِ بُركَاني زلزالـي ..
ورِبَاطٌ أَمْسَـكَ قلبَينا ..
ووصالُكِ عَهْدٌ بِوصَالي ..

--------------------------
الشاعر ..ثروت سليم

ما أجمل أن نواسي من يحتاج إلينا .. بقلم د. شهيرة عبد الهادي

ما أجمل أن نواسي من يحتاج إلينا ..
وما أجمل أن نواسي أنفسنا إذا ما صعبت علينا ..

 

يا رب ..يا الله .. يا مغيث .. أغثنا .. أغثنا .. أغثنا ..

ياربِّ يـاربِّ .. إنــي أسألـك العفـو عـنـي ..
ولم يخـب فيـك ظنـي .. يامالـك الملـك يـاوال ..
أشكـو إليـك وأبـكـي.. من شؤم ظلمـي وإفكـي ..
ياويـح نفسـي الغويـة.. عـن السبيـل السويـة ..
أضحـت تـروج عليـه.. وقصدها الجـاه والمـال ..
يـارب قــد غلبتـنـي ..وبالأمـانـي سبتـنـي ..
وفـي الحظـوظ كبتنـي.. وقيدتـنـي بالأكـبـال ..
يـارب ياخيـر كـافـي ..أحلـل علينـا العوافـي ..
فليس شـي ثـم خافـي ..عليك تفصيـل وإجمـال ..
يـارب عبـدك ببـابـك ..يخشـى أليـم عـذابـك ..
ويرتـجـي لـثـوابـك ..وغيث رحمتـك هطـال ..
وقـد أتــاك بـعـذره.. وبانكـسـاره وفـقـره ..
فاهزم بيسـرك عسـره ..بمحض جودك والأفضال ..
وامنـن عليـه بتـوبـة.. تغسله مـن كـل حوبـة ..
واعصمه من شر أوبـه..لكل ما عنـه قـد حـال ..
فأنـت مولـى الموالـي.. المنـفـرد بالـكـمـال ..
وبالعـلـى والتعـالـي ..علوت عن ضرب الأمثال ..
جودك وفضلـك وبـرك يرجى ..وبطشك وقهـرك يُخشى ..
ذكرك وشكـرك ..لازم وجودك والإجـلال ..
يـارب أنـت نصيـري.. فلقـنـي كــل خـيـر ..
واجعل جنانك مصيـري ..واختم بالإيمـان الآجـال ..
وصلِّ فـي كـل حالـة ..علـى مُزيـل الضلالـة ..
مـن كلمتـه الغـزالـة ..محمـد الهـادي الـدالّ ..
والحـمـد لله شـكــراً .. على نعـم منـه تتـرى ..

يا الله يا الله يا الله .. دعاء .. اللهم تقبل ..

بسم الله الرحمن الرحيم
بسم الله طريقى .. والرحمن رفيقي .. والرحيم يحرسني .. من كل شيئ يلمسني ..
اللهم إني أعوذ بك من شر النفاثات في العقد ومن شر حاسد إذا حسد
بفضل قل هو الله أحد..
اللهم لا تشمت أعدائي بدائي .. واجعل القران العظيم دوائي وشفائي ..
أنت ثقتي ورجائي واجعل حسن ظني بك شفائي ..
اللهم ثبت عليّ عقلي وديني .. وبك يارب ثبت لي يقيني ..
وأرزقني رزقا حلالَا يكفيني .. وأبعد عني شر من يؤذيني ..
ولا تحوجني لطبيب يداويني ..
اللهم استرني علي وجه الأرض .. اللهم ارحمني في بطن الأرض .
اللهم اغفر لي يوم العرض ..

آمين آمين يا رب العالمين ..

الحُب إضافة .. الحُب تكامل .. الحب أمان .. بقلم د.شهيرة عبد الهادي

الحب إضافة ..
الحب تكامل ..
الحب أمان ..
الحب يضيف..
لكرامة الإنسان ..
الحب ما يفرق ..
بين الخلان ..
الحب يعلي ..
الحب يبني ..
الحب ما يهدم ..
في الأوطان ..
الحب يضفر ..
قلوب البشر ..
ببلادهم ..
يعيشهم في ..
استقرار وامان ..
---------------------
د.شهيرة عبد الهادي
12 / 3 / 2017 م
Drshahera Abd Elhady Ibrahem
الصورة الرائعة للخظاط القدير مصطفى خضير

يا امي يا ام الوفا - سعدون الجابر

يا رب يا رب يا رب

اللهم يا أرحم الراحمين ارحمنا ..
وإلى غيرك لا تكلنا..
وعن بابك لا تطردنا ..
ومن نعمائك لا تحرمنا ..
ومن شرور أنفسنا ..
ومن شرور خلقك سلِّمْنا ..
اللهم يامن لا يرد سائله ..
ولا يـُخيِّب للعبد رجاءه ..
إنا قد بسطنا إليك .. 
أكف الضراعة متوسلين  ..
إليك بأسمائك الحسنى ..
ما علمنا منها وما لم نعلم ..

الحب في زمن الصقيع ( 1 ) .. دفء الصقيع .. بقلم د. شهيرة عبد الهادي

 لم أره ..   كانت الشمس تتناول  معي فطوري اليومي الذي كنت أعده  لي وله .. كانت تسألني عنه ..عما يُحب .. أيحب القهوة   في الصباح الباكر ؟ و في الليل كان القمر يبتسم لي  بعينيه  الجميلتين   .. وهو  يقول : لماذا لم تجيبي  سؤال الشمس ؟.. سأسألك أنا عن الموسيقى التي يهواها ؟.. وعن الشعر الذي يقرأه ؟.. وأنا حائرة تائهة أبحث عن إجابات .. وأبحث عنه ..  لم أجده .. ولم  أجد دفء الصوت الذي شعرت به مع أول مكالمة   .. ولم أجد اللحظات  التي عشتها طوال سنوات كان يمهد فيها لتلك المحادثة .. وهنا  هربت  للتحدث مع النجوم  لعلي أجد عندها الإجابة فأبت  إلا أن  توضح  لي الحقيقة الغائبة .. وقالت لي : هل تعتقدين أن هذا الدفء كان دفء  الحب ؟  إنه دفء الصقيع  يا عزيزتي .. أنت واهمة ..
---------------------------
د.شهيرة عبد الهادي 
تعديل في 11 / 3 / 2017 م

كلمتين بالبلدي بشأن موقف حياتي حدث بالفعل .. بقلم د. شهيرة عبد الهادي

أنانفسي أقول حاجة بشأن موقف حدث في الواقع  وح أقولها بالبلدي ..
من منطلق لق أنني عادة أو دائماً أفضل أن كون واقعية ولا أحب الخداع على قدر الطاقة البشرية .. عاوزة أقول ..أن مافيش حد فينا ملاك .. وأن كل منا له ما له وعليه ما عليه .. وأن عالم الفيس بوك ده عالم افتراضي .. وإن  اصبح الآن  قريباً إلى حد كبير جداً من عالمنا الواقعي .. لكن الفيس هو العالم اللي بنعيش فيه ما نتمنى أن نعيشه من حياة جميلة .. يعني بنحاول نعيش فيه العالم الأفلاطوني .. وحيث أنه لا يوجد عالم مثالي ..وحيث أن التعامل من خلال شاشة أو من وراء شاشة .. يعطي بعداً جمالياً وخيالياً للشخصية .. فلازم نتوقع أن التعامل في أرض الواقع مع الأشخاص بكل متناقضاتهم وبكل أمراضهم الاجتماعية و بكل صفاتهم البشرية المتذبذبة بيخصم من هذا الجمال ومن ذلك الخيال .. ولذلك لا تتوقع أن الشخصية التي تتعرف عليها من خلال الفيس بوك ستكون هي ذات الشخصية في الواقع .. ففي الواقع نحن نصرخ نأن نتوجع نعاني .. يعني على سبيل المثال .. في الواقع .. نحن رجالات المجال التربوي التعليمي .. طول اليوم في مجال العمل .. بنصرخ وبنصوت وبنلطم بحجارة سودة .. لأننا بنشوف اللي ما حدش بيشوفه .. من فساد وتجاوزات وأخلاقيات منهارة .. ومنظومة  فقدت توازنها وأهدافها السامية .. ونحن بشر .. فمن الممكن أن نزعل ونستاء ونغضب وأحيانا نتهور وممكن نشتم بردو زي أي بشر .. وخصوصاً إذا كانت الأطراف الآخرى هي من تجبرك على ذلك وتستفزك بكل ما أوتيت من قوة .. حيث أنها لاتحترم النظام ولا النظافة ولا الأخلاق ولا القانون ولا الدين .. ولا بتراعي ضميرها ولا بتخاف من ربنا .. وتاني ح أقولها .. ما هو احنا مش ملايكة .. احنا بشر .. فـ لا تصدم عندما ترانا بشخصية مختلفة في الواقع إلى حد ما عن الشخصية التي تراها على الفيس .. لكن مما لاشك فيه .. أن أسس بناء الشخصية لا يتغير .. بمعنى  أن من كان البناء التربوي الديني الخلقي  في البيئة التي نشأ فيها قوياً متماسكاً  قسيكون في الواقع كذلك بإذن الله .. أي ..أنه من المفروض إذا كنت صاحب مباديء تعلنها على الفيس   وهذا هو منوالك  فعلاً .. فلابد وأن تكون صاحب نفس تلك المباديء في الواقع .. وإذا كنت صاحب خلق قويم وقيم ومباديء على الفيس فلا تتخلى عنها في الواقع ..الواقع ممكن يصبغها بسلبياته ولكن خلال فترة التعامل البشري فقط .. لكن لا يحولك إلى شخصية مناقضة تماماً .. هذا طبعاً خلاف الشخصيات التي لها شخصية على الفيس وشخصية آخرى في الواقع وما أكثرها .. ما جعلني أقول هذا الكلام ..لقاء حدث بيني وبين إحدى طالباتي .. فقد جاءت هذه الطالبة وسألت عليّ ورأتني وتكلمت معي وأنا كنت في موقف شديد الصعوبة بسبب أخلاقيات بعض الطلاب المنهارة .. ومعروف عني أن كل مواقفي مع الطلاب أو غير الطلاب هي بتكون لأسباب أخلاقية فقط .. بمعنى مطالبتي لهم دائماً بالالتزام الأخلاقي في هذا الوقت الذي انهار فيه كل ما هو أخلاقي  ونبيل وجميل من مباديء وقيم وسلوكيات حميدة .. قالت فيه ..أني كان نفسي اشوف دكتور شهيرة ، لأني عاوزة أشوفها هل هي   على الفيس  بشكل وشخصية غير شكلها  وشخصيتها في  الواقع  زي ما بيحصل مع الفنانات والممثلات هههههه ؟ .. وطبعاً أنا قلت لها الكلام .. اللي قلته هنا لحضراتكم قبل ما اكتبه دلوقتي ..  وكمان فيه زميلة فاضلة وراقية جداً والله .. قالت نفس هذا الكلام أمامي أنا وزميلة فاضلة وراقية جداً أيضاً اليوم .. حيث قالت .. شهيرة دي نسمة على الفيس وفي الواقع بردو ههههه .. الحمد لله .. ووالله انا نسمة في الواقع بردو ههههه .. بس ساعات بتكون نسمة كلها زعابيب أمشير ههههه .. لما بيكون  الواقع فاسد وأفسد من الفساد نفسه ..
 يا رب تكون الصورة وصلت لحضراتكم.. لأنني أكتب الكلمتين اللي بالبلدي دول وانا متعبة فعلا صحياً وأيضاً متعبة من الانهيار الأخلاقي الحقيقي في الواقع المؤلم ..
----------------------------------
د.شهيرة عبد الهادي
7 / 3 / 2017 م 

في اليوم العالمي للمرأة 5 مارس 2017 م

في اليوم العالمي للمرأة
لكل امرأة في العالم
كل عام وأنت الحياة

إلى أصدقائي الأجلاء ... بقلم د. شهيرة عبد الهادي

إلى أصدقائي الأجلاء ...
وصانا رسول الله .. أن نبلغ من نحبه ..بأننا نحبه ..
طاقات من نور في قوارير من نور ..ولفيف من زهور الود والمحبة والسرور ..
تملأ عقولكم وقلوبكم .. يا من بحبكم تشفى الصدور ..
نحبكم في الله ..نشتاق إليكم ..ونتمنى لنا و لكم زيارة البيت المعمور ..
---------------------------------
د.شهيرة عبد الهادي
8 / 3 / 2017 م 

كلمتين بالبلدي ..

كلمتين بالبلدي ..
نفسي الناس تعرف ..أن اللي بيحب بلده وبيحب مكان عمله .مش هو اللي بيتستر على العيوب والفساد والانهيار الأخلاقي المنتشر في كل سنتيمتر بالبلاد أو بمكان عمله وبتعبير اليومين دول مش هو اللي بيطبل علطول بحجة أننا علينا مؤامرات أو أن ما حدش يشمت فينا .. لأ .. دا هو اللي بيحاول على قدر طاقته ..ولو بالكلمة .. يوجه إشارات للفاسدين لعلهم يرتدعون ..وبالتأكيد هناك قنوات معينة يمكن اللجوء إليها المستندات .. لكن الفكرة التي أريد توصيلها .. هي أن بلدي أو مكان عملي في بلدي .. ده .. لحم كتافي من خيره .. اتربيت فيه من طفولتي واتعينت فيه واشتغلت فيه ..وهو المصدر الوحيد لدخل الغلابة اللي زي حالاتي .. عشان كده .. بازعل أوي لما يصيبه العطب .. ولازم كلنا نزعل أوي على الانهيار العلمي والتعليمي والتربوي والأخلاقي الذي نعاني منه في كل لحظة .. ناهيك عن الانهيار في باقي المجالات بالبلد .. بازعل لأني عاوزة بيتي اللي اتربيت فيه واللي رزقي منه واللي بيأكلني عيش واللي معيشني لحد دلوقتي .. يكون أحسن بيت في الدنيا .. يا رب أكون قدرت أوصل فكرتي ..
-------------------------------
د.شهيرة عبد الهادي 
10 / 3 / 2017 م

مواقف حياتية .. الفراخ في مصر بها سم قاتل .. بقلم د. شهيرة عبد الهادي

يا جماعة الخير اللي ح اقوله ده حصل فعلاً ..
يظهر أن " الفراخ اللي في السوق فيها حاجة وحشة بتموت الناس " .. ليه .. ح اقول اهو ..أنا بقالي كام يوم تعبانة جدا وربنا عالم .. وبعدين اشتريت فراخ من الراجل اللي تحت البيت ده .. لأن الطبيب قال لي .. علطول كلي صدر فرخة بشوربة وكده .. من يومين جيت آكل الفراخ لقتني مش قادرة أبلعها فبطلت .. فحاولت آكلها تاني فلقتني بردوو مش قادرة أبلعها فبطلت .. بعد كده ..أول ما أحط حتة منها وعاوزة آكلها..تلقائياً بيحصل رفض ليها  .. وآسفة لقولي .. أني بـ ارجع  علطول  ترجيع مميت مرضي لدرجة أني رحت المستشفى .. الفراخ دي فيها حاجة حتموتنا .. الفراخ في مصر فيها سم قاتل حيقتلنا .. أكيد فيها حاجة حتموتنا .. حد لاحظ الحكاية دي ؟؟؟..
-----------------------------------
د.شهيرة عبد الهادي
10 / 3 / 2017 م 

مواقف حياتية .. قدر أصدقائي وتأثيرهم في حياتي

بامانة مطلقة يعلمها الله سبحانه وتعالى ..
أنا أعتبر كل أصدقائي وصديقاتي أساتذتي وأستاذاتي ..لأنني أتعلم من كل شخصية من حضراتهم شيئاً ما جديداً في الحياة ودروبها كل يوم .. وكل ما أنشره لا يكتسب قيمته ونضجه وحيويته إلا من خلال الآراء والتعليقات والتوجيهات التي يتفضلون بكتابتها حول كل ما أنشره .. يا رب ادم نعمة تواجدهم عليّ ..
---------------------------------
د.شهيرة عبد الهادي 
7 / 3 / 2017 م 

كلمتين بالبلدي .. السقوط من الذاكرة والسقوط من النظر ..بقلم د.شهيرة عبد الهادي

بالبلدي كلده وببساطة ..
سبحان الله ..لوكان في حياتك إنسان ما وكان تأثيره عادي بالنسبة لك ..وخرج من حياتك يسبب مشاغل الحياة أو أي ظروف عادية .. بتنساه والذاكرة بتنساه خالص وما بتفتكروش أبداً .. لكن لما بيكون فيه إنسان دخل حياتك بإلحاح وعملك البحر طحينة أو خلاك تنشغل بيه لسبب أو لآخر أو خلاك تديلوا قدر كبير ومساحة كبيرة من تفكيرك أو خلاك تثق فيه لدرجة كبيرة .. ثم تكتشف أن ده كله كان سراب .. وأنه كان لا يستحق أن تنشعل به ولا يستحق أن يشغل تلك المساحة من تفكيرك ولا يستحق ثقتك فيه ..بتنشغل بيه أكتر والذاكرة لا يمكن تنساه أبداً .. لأنك بتقعد تفكر فيه علطول .. وتسأل اسئلة كتير حول تصرفاته معاك ..طب ليه هو عمل كده .. وكان قصده إيه .. وكان عاوز إيه .. ولأنك كنت حاطط ليه صورة كبيرة وجميلة في ذهنك وذاكرتك ومش متوقع منه اللي عمله واللي بيعمله .. فـ عشان كده الذاكرة ما بتنساهوش أبداً بالرغم من أنه سقط من نظرك خلاص وكمان الذاكرة ما بتنساهوش أبداً لأنه وجعك أوي قبل ما يسقط من نظرك .. سبحان الله ..
ده كان تعليقي على بوست ..كتبه الأخ الصديق الخلوق الشاعر محمد جواد Mohamed Gawad .. وهو .. ( مجرد سؤال بسيط جدا, لكن محتاج إجابة:
هو ليه الناس اللى بيخرجوا من حياتنا بشكل عادى, ممكن يسقطوا من ذاكرتنا
لكن الناس اللى بيسقطوا من نظرنا, بيفضلوا ينبحوا فى ذاكرتنا زى الكلاب ؟ )
~~~~~~~~~~~~~~~~~~~~~~~~~~~~~~~~~~~~~~~~~
(mohamed gawad)
-----------------------------
د.شهيرة عبد الهادي
10 / 3 / 2017 م

الحب في زمن الصقيع (4) .. وهاعيش اللحظة .. بقلم د.شهيرة عبد الهادي

الحب في زمن الصقيع (4) .. وهاعيش اللحظة ..

تعرف ..

كنت بـ اعيش ..

معاك اللحظة ..

ببراءة ..

ألف لحظة ولحظة ..

لأ ...

ألف شمعة وشمعة ..

استنى ..

صباح الخير ..

ساعتها..

كانت الشمس ..

تصحى معايا ..

وتكلمني ..

تتكلم وتتكلم ..

لحد ما يجي الليل ..

و تقول لي ..

مساء الخير ..

واما تتعب م الكلام ..

كانت تقول لي ..

تصبحي على خير ..

راحت الشموع ..

وانطفت ..

شمعة ورا شمعة ..

وغطى اليوم كله ..

سواد الويل ..

بكت الشموع ..

وبكتني ..

وسألتني ..

راح فين الصبح ؟..

وراح فين الليل ؟..

وفين قلوب..

كانت بتحب ..

وكان على حبها ..

ألف ألف دليل ..

بصراحة ..

مالقتش جواب ..

على سؤالها ..

ولا عندي ..

أي دليل ..

ولساها بتسأل ..

وانا مش لاقية ..

إجابة ..

ولا عارفة ..

أقدم ليها دليل ..

بس ..

اوعى تفكّر ..

إني يئست ..

ولا ..

هابعد عن ..

الشمس ..

ولا ..

اهجر نسيم الليل ..

لأ ..

هاعيش وياهم ..

واعيش ..

ويا الزهور ..

هاعيش ..

  ويا نور إخلاصهم ..

ويا ضي الشمس ..

وضحكة قمر الليل ..

و احب نفسي ..

واحب حبي ..

واقدمله وردة ..

مع أول ..

شعاع شمس ..

وأول ..

نسمة ليل ..

وهاعيش اللحظة ..

وألف لحظة ولحظة ..

مع وفاء ..

وش لنهار ..

و نور نجوم الليل ..

ولا انت ..

فاكر ..

إني مستنية ..  

أعيش معاك ..

إنت .. 

تاني ..

نفس اللحظة ونفس الويل ؟!

--------------------

د.شهيرة عبد الهادي

15 / 1 / 2017 مـ
Drshahera Abd Elhady Ibrahem

تتمرجح بينا الأيام ما بين حلو ومر .. بقلم د.شهيرة عبد الهادي

بتتمرجح بينا الأيام .. ما بين حلو ومر ..
والفرح والحزن .. بيلفوا بينا تراك ملعب ..
فيه الماتش دوامة .. واللعب كان حر  ..
والعمر شلّة خيط .. لفة حوالينا وبتكر ..
----------------------------- 
د.شهيرة عبد الهادي
9 / 3 / 2017 م

بيسرسب تاعمر من بين إيدينا .. بقلم د.شهيرة عبد الهادي

بيسرسب العمر من بين إيدينا ..
لا عرفنا نفهم حياتنا ولا نعيش أمانينا ..
ولا قدرنا نغير القدر ونخليه يناجينا  ..
والله إن ما غيره الإله ما تغيره إيدينا  ..
--------------------------------
شهيرة عبد الهادي
9/ 3 / 2017 م   

حديث في العشق الإلاهي.. بقلم د. شهيرة عبد الهادي

حديث في العشق  الإلاهي..
----------------------
جمالُ العشقِ ..
أن تعشقَ الجمالَ ..

وجمالُ الخُلقِ ..
هو للعشقِ ..
منتهى كل جمال ..
فيا من أردتَ الحياة ..
بخلقِ الجمال ..
إعشق الواحد الأحد ..
فهو جميلٌ ..
يُحب كل جمال ..
وعلى القُبح هو الوحيد ..
القادر القاهر المتعال ..
------------------------------
د.شهيرة عبد الهادي
5 /3 / 2015م Drshahera Abd Elhady Ibrahem

في حارتنا ،، ديك ،، نزار القباني

البت باتعه

بالبلدي كده ..صعب أوي ..بقلم د.شهيرة عبد الهادي

بالبلدي كده ..
صعب أوي ..إنك تقعد تفكر في ناس ..هم عملوا كده  ليه ؟ ..هو كان قصدهم إيه ؟
والأصعب ..إنك تقعد تقول ..جايز كان قصدهم كذا وكذا  ..وتقعد تجيب ليهم مبررات  عشان خايف أنك تظلمهم  مع أن هم اللي ظلموك  ولعبوا بمشاعرك وعقلك  وحيروك .. 
والأصعب والأصعب  أنك مش قادر تعمل  لهم  بلوك نهائي من حياتك  لأنهم موجودين فيها غصب عنك ..
يا دماغي ..دماغي حتنفجر ..يا رب نور بصيرتي  وريح بالي وعقلي وقلبي  وهاتلي براهين على أني صح وكنت صح

نجاة الصغيرة - مسير الشمس - جودة عالية - HD

     

مسير الشمس من تاني من تاني
تنور فوق سنين عمري
وتصبح غنوتي تاني من تاني
وترجع فرحتي ف صدري
وهايجيني الربيع الأخضر
شباب نشوان بيتمخطر
مسير الشمس يا غالي

***

وبكرة وردتي تطرح
ف يوم ما تعود مع النسمة
حبيبي بكرة راح أفرح
وأتعجب على القسمة
مسير الحب هايجيبك
تشيل الفرحة لحبيبك
وهايجيني الربيع الأخضر
شباب نشوان بيتمخطر
مسير الشمس يا غالي

***

سنة سنتين تغيب عني
لكن تهرب من الشوق فين
وأنا لو ناري تتعبني
راح أتحمل سنة وإتنين
لحد ماترجع الأيام
عليها شمس مش بتنام
وهايجيني الربيع الأخضر
شباب نشوان بيتمخطر 

مسير الشمس يا غالي

الحب في زمن الصقيع (4) .. وهاعيش اللحظة .. بقلم د.شهيرة عبد الهادي ..

الحب في زمن الصقيع (4) .. وهاعيش اللحظة ..

تعرف ..

كنت بـ اعيش ..

معاك اللحظة ..

ببراءة ..

ألف لحظة ولحظة ..

لأ ...

ألف شمعة وشمعة ..

استنى ..

صباح الخير ..

ساعتها..

كانت الشمس ..

تصحى معايا ..

وتكلمني ..

تتكلم وتتكلم ..

لحد ما يجي الليل ..

و تقول لي ..

مساء الخير ..

واما تتعب م الكلام ..

كانت تقول لي ..

تصبحي على خير ..

راحت الشموع ..

وانطفت ..

شمعة ورا شمعة ..

وغطى اليوم كله ..

سواد الويل ..

بكت الشموع ..

وبكتني ..

وسألتني ..

راح فين الصبح ؟..

وراح فين الليل ؟..

وفين قلوب..

كانت بتحب ..

وكان على حبها ..

ألف ألف دليل ..

بصراحة ..

مالقتش جواب ..

على سؤالها ..

ولا عندي ..

أي دليل ..

ولساها بتسأل ..

وانا مش لاقية ..

إجابة ..

ولا عارفة ..

أقدم ليها دليل ..

بس ..

اوعى تفكّر ..

إني يئست ..

ولا ..

هابعد عن ..

الشمس ..

ولا ..

اهجر نسيم الليل ..

لأ ..

هاعيش وياهم ..

واعيش ..

ويا الزهور ..

هاعيش ..

  ويا نور إخلاصهم ..

ويا ضي الشمس ..

وضحكة قمر الليل ..

و احب نفسي ..

واحب حبي ..

واقدمله وردة ..

مع أول ..

شعاع شمس ..

وأول ..

نسمة ليل ..

وهاعيش اللحظة ..

وألف لحظة ولحظة ..

مع وفاء ..

وش لنهار ..

و نور نجوم الليل ..

ولا انت ..

فاكر ..

إني مستنية ..  

أعيش معاك ..

إنت .. 

تاني ..

نفس اللحظة ونفس الويل ؟!

--------------------

د.شهيرة عبد الهادي

15 / 1 / 2017 مـ
Drshahera Abd Elhady Ibrahem

الحب في زمن الصقيع ( 4 ) ..وخاعيش اللحظة .. بقلم د. شهيرة عبد الهادي

الحب في زمن الصقيع (4) ..  وهاعيش اللحظة  ..
تعرف ..
كنت بـ اعيش ..
معاك اللحظة ..
ببراءة ..
كأنها ..
ألف لحظة ولحظة ..
لأ ...
ألف شمعة وشمعة   ..
استنى   ..
صباح الخير ..
ساعتها..
كانت الشمس ..
تصحى معايا ..
وتكلمني  ..
تتكلم  وتتكلم  ..
لحد ما يجي الليل ..
و تقولي   ..
مساء الخير ..
واما تتعب م الكلام ..
كانت تقول لي ..
تصبحي على خير .. 
راحت الشموع ..
وانطفت ..
شمعة ورا شمعة ..
وغطى اليوم كله ..
سواد الويل ..
بكت الشموع  ..
وبكتني ..
وسألتني .. 
راح فين الصبح ؟..
وراح فين الليل ؟.. 
وفين قلوب..
كانت  بتحب ..
وكان على حبها ..
ألف  ألف دليل .. 
بصراحة ..
مالقتش جواب ..
على سؤالها ..
ولا عندي ..
أي دليل .. 
ولساها بتسأل ..
وانا مش لاقية ..
إجابة ..
ولا عارفة ..
 أقدم ليها دليل ..
بس ..
اوعى تفكّر ..
إني يئست ..
ولا ..
هابعد  عن  ..
الشمس ..
ولا ..
اهجر الليل ..
لأ ..
هاعيش  وياهم ..
هاعيش ..
وسط الزهور .. 
هاعيش ..
ويا نور إخلاصهم ..
ويا ضي الشمس ..
وضحكة  قمر الليل ..
و احب  نفسي   ..
واحب  حبي   .. 
واقدمله  وردة ..
مع أول ..
شعاع  شمس ..
وأول ..
نسمة ليل .. 
وهاعيش اللحظة ..
وألف لحظة ولحظة ..
مع وفاء  إحساس  .. 
وش  النهار ..
و نور نجوم الليل ..
ولا انت  ..
فاكر ..
إني  لسة مستنية  .. 
أعيش معاك ..
إنت بس ..
نفس اللحظة  ونفس الويل ؟! 
--------------------
د.شهيرة عبد الهادي 
15 / 1 / 2017 مـ

الحب في زمن الصقيع ( 10 ) ..خيال البراءة للأبرياء .. بقلم د. شهيرة عبد الهادي

الحب في زمن الصقيع ( 10 ) ..خيال البراءة للأبرياء ..
التقت عينانا ..
فقيلت كلماتنا ..
وابتسم الثغر ..
فتناجت أفكارنا ..
وباركت اللقاء ..
نسمات الندى ..
على جبين الود ..
في رقة ونقاء ..
وتعانقت الأغصان ..
مع عبير الورد ..
تنسج أحلاما ..
بريئة ..
تزرعها..
في خيال ..
البراءة للأبرياء ..
--------------------
د.شهيرة عبد الهادي
5 / 3 / 2015م
Drshahera Abd Elhady Ibrahem

نكتة مصرية ..حاكم المصريين دول ما لهمش حل ..

واحد النت قطع من عنده يومين بيقول قعدت مع امي وابويا واخواتي طلعوا ناس طيبين اوي :D :D :D :D

يا بنت النيل .. يا قمراية .. يا سمرة .. يا ام دم خفيف .. د.شهيرة عبد الهادي

يا بنت النيل .. يا قمراية .. يا سمرة .. يا ام دم خفيف .. د.شهيرة عبد الهادي

يا بنت النيل ..
يا قمراية ..
يا سمرة ..
يا ام دم خفيف ..
يا عايشه بروحك جوايا..
يا بسمة مصر ..
يا أهل الريف ..
يا مروية بمية نيلها ..
يا معجونة بطمي خيرها ..
يا ام كل روادها ..
يا زادها وكل زوادها ..
يا نسمة صيف ..
يا سمت لطيف ..
يا بنت النيل ..
يا قمراية ..
يا سمرة ..
يا ام دم خفيف ..
------------------------------------
د.شهيرة عبد الهادي
17 / 2 / 2015م
اسكندرية-مصر الحبيبة

أكبر مصحف في العالم

أكبر مصحف في العالم

ويزيد طول المصحف الجديد المكون من 218 صفحة عن 7 أقدام، بينما يتجاوز عرضه 10 أقدام، وتتزين صفحاته بـ30 نوعًا من الخطوط، بحسب صحيفة "ديلي ميل" البريطانية.
وبدأ الخطاط محمد صابر ياقوتي وتلاميذه العمل في المشروع منذ سبتمبر/أيلول 2004م، وانتهى من أجزاء المصحف الثلاثين في سبتمبر/أيلول 2009م.

اللهم اجعلني من أهل القرآن الكريم وأن اعمل به ..اللهم اجعله ونيساً لي في قبري وربيع عمري وجلاء همومي وأحزاني وكدري ..

قالوا عن الصداقة

سلوا قلبي وقولوا لي جوابا .. للشاعر الكبير سيد حجاب

سلوا قلبي وقولوا لي جوابا
لماذا حالنا أضحى هبابا
لقد زاد الفساد وساد فينا
فلم ينفع بوليس أو نيابه
وشاع الجهل حتى أن بعضا
من العلماء لم يفتح كتابا
وكنا خير خلق الله صرنا
فى ذيل القايمة وف غاية الخيابه
قفلنا الباب أحبطنا الشبابا
فأدمن أو تطرف أو تغابى
أرى أحلامنا طارت سرابا
أرى جناتنا أضحت خرابا
وصرنا نعبد الدولار حتى
تقول له إنت ماما وإنت بابا
وملياراتنا هربت سويسرا
ونشحت م الخواجات الديابه
ونهدى مصر حبا بالأغانى
فتملؤنا أغانينا اغترابا
وسيما الهلس تشبعنا عذابا
وتشبعنا جرائدنا اكتئابا
زمان يطحن الناس الغلابة
ويحيا اللص محترما مهابا
فكن لصا إذن أو عش حمارا
وكل مشاً إذن أو كل كبابا
ودس ع الناس أو تنداس حتى
تصير لنعل جزمتهم ترابا
أمير الشعر عفوا واعتذارا
لشعرك فيه أجريت انقلابا
وما نيل المطالب بالطيابه
دى مش دنيا يا شوقى بيه دى غابه

مواقف حياتية وأصدقاء تعلمت منهم ( 2 ).. بقلم د. شهيرة عبد الهادي

مواقف حياتية وأصدقاء تعلمت منهم  ( 2 )..
.مما لاشك فيه أن ربنا أسعدني وحباني ووهبني مجموعة من الأصدقاء من أجمل ما يمكن .. باتمنى أنني أكتب مقالة في مآثر كل منهم .. وربنا يقدرني .. ومن الشخصيات الجميلة جداً التي صادقتها وتعلمت منها معنى الصداقة الحقة والوفاء للمفهوم والفكرة عند الإنسان وللإنسان .. سيدتان محترمتان .. وفي الحقيقة لا مفاضلة بينهما لأنهما على نفس القدر تقريباً من الصفات الحميدة ..أما السيدة الأولى فهي المهندسة "لبنى مندور" بنت بلدي المنصورة من حيث الأصل لكنها تسكن الإسكندرية والإسكندرية تسكنها مثلي تماماً .. الباشمهندسة لبنى تكاد تكون السيدة الوحيدة التي احتفظت بصداقتي التي أجعلها دائماًً نزيهة من بين عدد كبير جداً كان في جروب محترم يجمعنا عام 2011م .. تحبني في الله ودائماًً تهنئني بعيد ميلادي وبالتليفون ..دائماً تناقشني وتختلف معي كثيراً وتتفق معي أيضاً كثيراً .. راقية التعامل والمعشر والكلمة والحس والفضفضة التي تتخللها كلماتنا البسيطة لأنني شخصية بسيطة جداً وأحب البساطة ولا أحب التكلف والكلكعة وهي كذلك .. أما السيدة الرائعة الثانية والتي هي بأمانة مثال للصداقة الحقة ..فهي مدام "ميرفت محمد" المثقفة و الثورية مثلي فهي رفيقة الكفاح والحلم والأمل ..مدام ميرفت كانت تشترك معنا في ندوات ثقافية في " ملتقي محبي الله والوطن " .. تشعر أنك تريد أن تسمعها في كل وقت و حين .. راقية الاختيار حاضرة الذهن .. راقية التعامل والمعشر والكلمة والحس والفضفضة الأمينة الناصحة الباحثة عن الحقيقة ..ثم أنها في منتهى الإخلاص لصداقتنا .. لقد اختلفنا أنا ومدام ميرفت لدرجة ممكن أقول عليها .. وصلت لدرجة من الحدة والعصبية .. ولكنني أفاجأ بأنها تطلبني على موبايلي وتتحدث معي بالساعات في منتهى الحنية والحنان والعطف معي .. وهكذا هي .. و لا تتكرني أبداًً إلا ونحن في منتهى الحب والود والصفاء والوفاء ..تحياتي يا صديقاتي يا من تعلمت منكن الكثير ..
Lobna Mandour Mervat Mohamed
-----------------
د.شهيرة عبد الهادي
1/ 3 / 2017 م Drshahera Abd Elhady Ibrahe

عندي حنين .. زمان (1 )..بقلم إدوارد المصري

30 July 2016 ·

*قصيدة مصري فوق الخمسين عام فأكثر....
* عندى حنين...
عندى حنين جامد بيشدنى ﻷيام زمان.......
للترماى أبو سنجة اللى مافيهوش بيبان......
لسبرتاية ووابور ساكت وعالى أبو دخان .....
عندى حنين للمنديل أبو أوية
وهيبة جدى أبو ابوية
و يشمك بنت الحارة
و كسوف بنت الجارة
والخلخال المدور ف كعوب النسوان......
و قعدة حسن و مرقص وكوهين
أيام ما كان عندنا فعلاً دين
والاكلة يادوب تكلف قرشين
و لو ماعندناش عشا نروح عند الجيران.....
عندى حنين لعصاية العسلية
و الأكل نشيله جوة نملية
والسفرة كانت لمة على طبلية
والحلو نعمله مانشتريهوش من دكان.......
عندى حنين لعربية ولمبة الجاز
والشيش الخشب وراه قزاز
والنموسية فوق سرير هزاز
و أوضة المسافرين ممنوعة لكائن من كان....
عندى حنين لنهاركم سعيد
و زيارتك لينا تبقى يوم عيد
و إتفضلى يا هانم بأدب شديد
والكبار حتى لو غرب بناديهم أعمام وخلان......
عندى حنين لفرن ستي البلدى
و منشة وطربوش وشنب جدى
والكستور كان حنين على جلدى
والناس كلها بتصحى للشغل بهمة قبل الأدان....
عندى حنين لعسكرى الدورية
واﻷمان نص الليل وﻻ الفجرية
والحب كان يادوب لمسة ايديها لإيديه
وﻻ بصة من عيون الحبيب تترعش لها اﻷبدان. ....
عندى حنين للمدرس المحترم
اللى بصة منه توقفنا زى القلم
ولما يشرح نسكت كلنا ونتكتم
و مافيش درس خصوصى عشان كان إنسان.......
عندى حنين لساعى البريد
والمكوى كانت حتة حديد
والتلغراف كان إختراع جديد
و اللى عندة تليفزيون يبقى من بيت مليان.......
عندى حنين لدورى الشوارع
و ف أى عيد نزين الكنايس والجوامع
والكحك مدور و البسكوت صوابع
يعملوه بفرحية سوى أم فاطمة مع أم ماريان.....
عندى حنين لبتاع البيانوﻻ
والمية زى الشهد من القلة
وكل بيت ﻻزم يكون فيه غلة
والسمنة والمش والعسل والجبنة جوة خزان......
عندى حنين لصندوق الدنيا بستارتة
واللى يشوفه يحكى على حلاوتة
يعدى كل أسبوع ويغير حكايتة
و صاحبه يحكى لنا الحكاية فشر البغبغان..........
عندى حنين لجواز من غير فشخرة
و الشبكة يادوب حاجة صغيرة
والشقة سهلة نجيبها متأجرة
وكل اللى عاوز يتجوز بسرعة يلاقى له مكان.........
عندى حنين ليوم خميس كان معلوم
نجهز كلنا لسهرة الست أم كلثوم
والعيلة تتلم كلها من غير لوم
واسمع آهات الطرب من ابويا زى صوت الكمان......
عندى حنين و الحنين دة تاعبنى
و خايف اﻷمل اللى جوايا يسيبنى
و أسيب الهم دة لبنتى وإبنى
يورثوا زمن خالى من الضحكة و الحب واﻷمان .....
و بتمنى يرجع الحب تانى جوانا
ويسكن الوطن من تانى حشانا
واللى بيحكمنا يبقى مننا ومعانا
و ماسيبناش للعميل والعويل واللى لينا خان.......
عندى حنين و عندى برضة أمل
إن الكره ف بلادنا يتقتل
و إن أكيد بعد المر دة فى عسل
دى المحروسة عليها عين رب عادل و رحمن ورحيم ......
وانا المصري عندي حنين ولسة عندي أمل ..
#عندى_حنين_وأمل
أنا المصري