البقاء لله .. بقلم د.شهيرة عبد الهادي

البقاء والدوام لله .. انتقلت إلى رحمة الله تعالى .. إبنة خالتي .. الشابة .. السيدة / هناء عبد المحسن محمد عبد العزيز العمدة .. سليلة عائلتي العمدة و نصير .. بالدقهلية والقاهرة والإسكندرية والمملكة العربية السعودية .. وتم دفنها في مدافن الأسرة بقريتنا في الدقهلية ..أتمنى الدعاء لها بالمغفرة وأن يلهم أولادها الصبر والسلوان ..

منكم لله يا ظلمة .. بقلم د.شهيرة عبد الهادي

النهاردة عيد الأم .. وبمناسبة عيد الأم .. طول اليوم .. الكهرباء بتقطع بالساعات وبالتبعية الميه بتجاملها وتقطع .. وتيجي ربع ساعة .. وهكذا دواليك من أول النهار ما طلع .. واضح أنهم مبسوطين أوي من ستات مصر .. ‫#‏يكنش_بيعيدوا_علينا‬

عتاب مع الأصدقاء .. بقلم د.شهيرة عبد الهادي

هو فيه إيه يا جماعة .. زي الأيام دي .. كان بيبقى الملتقى مليان .. تهاني بعيد الأم .. وفيديوهات .. وأغاني عيد الأم .. هو إيه الجو العام ده .. حتى اما بادخل .. الـ Home .. ألاقي كل البوستات .. جَوَها حزين .. مفيش فرحة ..مفيش بسمة .. والا انا بيتهيألي .. يا رب اكون غلطانة .. طيب تعالوا نفرَّح بعض .. أصل كده .. بجد الحياة بقت صعبة قوي.. وبعدين لا حيبقى فيه مناعة جسمية ولا حتى نفسية .. والحياة زي ما فيها الحزن .. فيها الفرح بردوو .. ربنا خلق الدنيا كده ..
اللهم لا اعتراض على قضاء الله ..خليكوا معايا يا جماعة .. انا مستغناش عنكم .. عاوزاكوا تبقوا جمبي .. كفاية الواقع بهمومه وغلبه.. دا انا باهرب منه للعالم الافتراضي عشان انساه للحظات  معاكم .. عاوزة مشاركاتكم حواراتكم تعليقاتكم اقتراحاتكم .. بجد الحياة من غيركم صعبة بجد ومتنطقش والله .. ولو انا زعلت حضراتكم في حاجة سامحوني وتأكدوا أنها غير مقصودة ..
--------------------------------
د.شهيرة عبد الهادي
#Drshahera_Abd_Elhady

( كلمتين بالبلدي) .. بقلم د.شهيرة عبد الهادي

ما تيجوا نتكلم  مع بعض كلمتين  كده بالمنطق.. هو  احنا مش ملاحظين .. إن .. إيران  في سوريا .. وإيران في لبنان .. وإيران  في اليمن.. وأمريكا  عاوزة إيران .. يعني عاوزة مد أمريكي إيراني ..ومش حاتكلم بقى عن العراق وليبيا  وانتوا عارفين  إيه اللي فيهم .. وبعدين .. يعني .. لو اتحاصرنا من باب المندب .. ومن البحر الأبيض المتوسط .. حيكون الموقف إيه  بقى  بالنسبة  لنا .. عاوزة أأقول  للناس .. اللي بتشتم ليل نهار في جيش مصر .. هناك  مصلحة عليا  للبلد .. ولو حتى انتوا .. مضايقين .. من حكم العسكر .. زي ما بتسموه .. وبتقولوا .. أن فيه ظلم  وفساد  .. ووووو ..  نعم .. ما زال فيه فساد في البلد .. نعم ..ما زال  فيه ظلم في البلد .. بس ممكن نتعاون مع بعض للقضاء عليهم .. لكن  مش ممكن أبداً  نتعاون مع بعض لهدم جيشنا .. لأن  .. لو الواحد فكر  بالمنطق .. من المؤكد .. أن  إسرائيل   وحلفائها  من الغرب .. يريدون القضاء على الجيش المصري .. وأي مصري مخلص  لوطنه .. لا يمكن أن يفكر للحظة في ذلك .. دائماً  في حياة  الإنسان  وفي حياة الشعوب .. أهداف عامة سامية وأهداف فرعية .. والهدف الأسمى عندنا الآن..المحافظة  على دولة مصر  .. والمحافظة على جيش مصر .. وعدم الانصياع لما يتم ترديده .. من  شائعات وافتراءات وكلمات ضده .. والحفاظ على دولة مصر وجيش مصر مسؤولية  الحاكم والمحكوم.. والمسؤولية تشاركية تفاعلية بينهما  .. مصر باقية .. بإرادة الله  أولاً .. ثم  ثانياً:بجيشها  العظيم الذي كل أفراده هم أبناء مصر ومصر فقط  .. وأتمنى  استقراء  ما يحدث في اليمن الآن ..
#تحيا_مصر_
#يحيا_جيش_مصر_
----------------------------------
د.شهيرة عبد الهادي
#Drshahera_Abd_Elhady

سؤال راودني ... بقلم د.شهيرة عبد الهادي

استمعت الآن إلى برنامج .. لغتنا الجميلة .. في إذاعة البرنامج العام من القاهرة .. وراودني سؤال .. لماذا يُخطئ البعض في القراءة أخطاءً رهيبة .. خاصة وأنهم من الجيل الذي عاصر هذا البرنامج وغيره من برامج الزمن الجميل ..
-----------------------------------------------
د.شهيرة عبد الهادي ‪#‎Drshahera_Abd_Elhady‬

من أقوال الحكيم المصري " بتاح حتب" ..

لا تكونن متكبراً بسبب معرفتك .. ولا تكونن منتفخ الأوداج ..لأنك رجل عالم .. شاور
الجاهل و العاقل .. لأن نهاية العلم لا يمكن الوصول إليها .. والحكمة قد توجد في أي
مكان .. حتى بين النساء الجالسات أمام الطواحين .. فلا أحد بارع في فنه .. وليس هناك
أحداً يسيطر على فنه أبداً ..
--------------------------------
الحكيم المصري "بتاح حتب"

الحب والإنسانية ..تجدهما عند .. نزار قباني ..

د.شهيرة عبد الهادي تكتب ..أنا مصرية وطنية عربية ..

أنا مصرية ..
من ..........
تونس الخضراء ..
أنا مصرية ..
من جزائر..
المليون شهيد ..
أنا مصرية..
من ..
عراق الرافدين ..
أنا مصرية ..
من لبنان الأرز ..
أنا مصرية ..
وروحي ..
في القدس العربية ..
أنا مصرية..
وبحب ..
كل ..
سوري وسورية ..
أنا مصرية ..
ليبية ..
مغربية أطلسية ..
يمنية بلقيسية ..
أردنية هاشمية ..
إماراتية ..
عمانية ..
ومن بلد الكعبة ..
السعودية ..
أنا مصرية ..
وأختي هي ..
الطيبة السودانية ..
أنا مصرية ..
وأهلي ..
فيهم الموريتانية ..
أما حبيبتي ..
فهي صومالية ..
أنا مصرية..
خليجية ..
وكمان قطرية ..
ما انا مليش دعوة
بالعداوات الحكومية ..
أنا مصرية ..
مولودة ..
في كل البلاد العربية ..
باتكلم العربية ..
واعمل بالأحاديث النبوية ..
وبوحد الله رب البرية..
أنا مصرية عربية وطنية..
وطني هو كل الأمة العربية ..
ومش حتفرق بينا ..
الحدود الوهمية ..
ولا السدود المبنية ..
ولا حتى ..
ألاعيب الحكام اللولبية ...
ولا جهل .....
أصحاب المباخر المستخبية..
تحيا الأمة العربية .. تحيا الأمة العربية .. تحيا الأمة العربية ..
-------------------------------------------------------------
د.شهيرة عبد الهادي

أبو مازن : " إن زيارة السجين لا تعني التطبيع مع السجان "

أبو مازن : " إن زيارة السجين لا تعني التطبيع مع السجان "
---------------------------------------------------------
مؤتمر القمة العربية الـ 26
السبت 28 /3 / 2015م
شرم الشيخ .. مصر ..

صح جداااااااااااااااااااا

د.شهيرة عبد الهادي تكتب .. وطني إني أشتاق إليك وأنت تسكنني ..

وطني ..
إني  .. 
أشتاق  إليك    .. 
وأنت  تسكنني ..
---
وطني ..
إني ..
أتنفس حريتي ..
وأنت تحتلني ..
----
وطني ..
إني ..
أعيش  الثبات ..
وأنا أدور  ..
في فلكك ..
---- 
وطني ..
إني أرى النور..
في مداراتك ..
فأنا منك .. 
وأنت مني ..
-------
وطني ..
إني ..
أشتاق إليك ..
وأنت تسكنني ..
------------------
د.شهيرة عبد الهادي

الناس اللي راحت الخليج .. فاكرين ..

دكتورة شهيرة عبد الهادي تكتب .. الفقر النفسي ..

• 

  الفقر النفسي .. بقلم د.شهيرة عبد الهادي ..
  -----------------------------------------------------
  الدَيْن مذلة بالنهار وهم بالليل .. وهناك من يستدين بسبب الفقر المادي .. وهنا قد نلتمس له العذر لسبب أو آخر .. وهناك من يكون .. تكوينه السيكولوجي ..هو من يُسخره و يستعمله ويؤدي به دائماً .. إلى دَيْن نفسي .. فالفقر ليس فقط .. فقر الجوع والعطش والمال .. وإنما هناك فقر نفسي معنوي .. يؤدي بصاحبه .. إلى أن يرَهَن أغلى ما يملك .. في جسده الوجودي النفسي .. في مجال آخر من مجالات الحياة المتعددة .. وما أكثرها .. فقد يَرهَن الشخص فعلاً جزءاً من نفسه .. قد يكون غالي جداً .. من أجل الوصول إلى هدفٍ ما .. أو سرقة ما لا يستحقه .. وهنا يجد نفسه .. مُطالباً بـ رَهَن كل جسده الوجودي النفسي .. حتى يصل لكل ما يهدف إليه .. ويستمر هكذا .. يستمرئ الدَيْن الدنئ .. لكي يُحقق كل ما يصبوا إليه .. ويُحققه فعلاً ..في المناخ غير السوي .. كما لو أنه يملك مصباح علاء الدين .. وهذا يحدث بالفعل ..ودائماً ..لدى الفرد ذو تركيبة النفس.. التي تحترف الدَيْن.. وليس عنده فقر مادي ..ولا يعاني من جوع أو عطش .. ويعيش في مناخ يساعده على ذلك ..
  --------------------
  د.شهيرة عبد الهادي
  ‪#‎Drshahera_Abd_Elhady‬

الله يخليكي يا أمي .. بقلم د.شهيرة عبد الهادي

الله يخليكي يا أمي .. بجد .. كل سنة.. مببقاش عارفة ..اكتب  إيه عنك يا  ماما والله .. وعندي مسودات كتير .. مطلعتش  لسه للنور  .. بجد بتتوه مني الكلمات .. ولاحظت أن كتير عندهم نفس الشعور .. يظهر لما يكون فيه حد بتحبه قوي  قوي .. وعطاؤه بلا حدود  لك ..وملائكي  في حبه معاك ..و بيضحي بروحه عشانك بدون كلمات  ولا ثرثرة.. وهي كمان " الأم ".. وانت في نفس الوقت مش عارف ترد ..له  .. العطاء ده .. ولا الحب ده .. القلب بيتوقف  عند دقات معينة .. والنفس بيتوقف عند  هواء  عجيب .. والعقل بيتوقف  عن التفكير .. والكلمات  تتبعثر .. والحروف تتوه  .. والقلم يتوقف  مداده  عن التعبير .. بجد مش عارفة أوصف اللي عاوزة أأقوله .. قلت اللي  حاسة بيه  واللي في قلبي ..كل سنة وانت طيبة يا أطهر إنسانة على وجه الأرض  .. زي ما كان بابا الله يرحمه بيقول عنك " دي ست طاهرة " ..
----------------------------------------
د.شهيرة عبد الهادي
#Drshahera_Abd_Elhady

دكتورة شهيرة عبد الهادي تكتب ..أمي يا ضي العين ..

أمي  يا ضي العين ..
يا مليكة  قلبي وعمري ..
عيدك سعيد يا غالية  ..
دا انت  عينيا الاتنين..
 يا حبيبة ودايما عالية ..
يا صديقة وخالة وعمَّة ..
---
أمي  يا ضي العين ..
يا مليكة قلبي وعمري ..
عيدك سعيد يا غالية  ..
يا   نبع صبري  ..
يا مفتاح  فرجي ..
وعني شايلة  دايما همي ..
---
أمي  يا ضي العين ..
يا مليكة قلبي وعمري ..
عيدك سعيد يا غالية  ..
يا سبب بركة رزقي ..
يا سبب  طولة عمري ..
وسبب قناعتي بقدري ..
 ---
أمي  يا ضي العين ..
يا مليكة قلبي وعمري ..
عيدك سعيد يا غالية  ..
فرشتي بحنانك طريقي ...
نورتي بشموعك  بصيرتي ..
و سبب نجاتي  من حيرتي ..
----------
أمي  يا ضي العين ..
يا مليكة قلبي وعمري ..
عيدك سعيد يا غالية  ..
يا سبب الشفا من مرضي ..
يتحول مرضي لصحة ..
ويتحول ضعفي لقوة ..
---
أمي  يا ضي العين ..
يا مليكة قلبي وعمري ..
عيدك سعيد يا غالية  ..
دا انت الضحكة والبسمة..
حزني  فرح  برضاكي ..
همي يزول في  حماكي ..
---
أمي  يا ضي العين ..
يا مليكة قلبي وعمري ..
عيدك سعيد يا غالية  ..
اروح وآجي ..ما الاقي ..
غير الدفا في حضنك ..
اكبر واكبر ..الاقيني ..
صغيرة  في حبك ..
---
أمي  يا ضي العين ..
يا مليكة قلبي وعمري ..
عيدك سعيد يا غالية  ..
دا انا عايشة ببركة دعاكي ..
اقع واقوم  اتسند على  رضاكي ..
واغلب  الدنيا بنفس  من هواكي ..
---
أمي  يا ضي العين ..
يا مليكة  قلبي وعمري ..
عيدك سعيد يا غالية  ..
دا انت  عينيا الاتنين..
 يا حبيبة ودايما عالية ..
يا صديقة وخالة وعمَّة .. 
--------------------------
د.شهيرة عبد الهادي 
#Drshahera_Abd_Elhady

يا مصر يا احلى بونبوناية .. بقلم د.شهيرة عبد الهادي

يا مصر يا احلى بونبوناية
يا عايشة دايماً جوايا
انام  واصحى على حبك
وعشقك  كل  منايا  
دا انت الدفا وانت الوفا
وانت اللي دايما حميانا 
هو احنا لينا من غيرك
يا رافعة راية عزنا 
وحفرتي تاريخنا بعناية
يا مصر يا احلى بونبوناية 
يا عايشة دايما جوايا 
----------------------------
د.شهيرة عبد الهادي

(كلمتين بالبلدي ) ثقافة غريبة في مصر .. بقلم د.شهيرة عبد الهادي

فيه ثقافة غريبة في مصر .. يبدو أنها جينات عند المصريين .. أي واحد.. يمسك أي حاجة .. إن شاء الله خولي أنفار في الغيط .. عاوز اللي بيرأسهم.." يصلولوا " ركعتين قبل ما يكلموه .. وعاوز كتر النفاق له.. وعاوز كتر التملق له ..وعاوز اللي يشتغل معاه ..يشتغل خدام له .. وعاوز يذل في اللي بيشتغل تحت رئاسته .. وعاوزه يخضع له .. ويخلي عنده خنوع علطول .. ليه ؟ ..لأنه اتربى كده ..ووصل للي هو فيه بكده .. ثقافة سيئة .. وفي نفس الوقت .. المرؤوسين عندهم نفس الثقافة .. ثقافة التأليه والنفاق للي بيرأسهم ..ان شا الله كان هو نفسه خولي الأنفار اللي في الغيط .. و آسفة لذكر اللفظ .. إلى أن يغتر .. ويتصور أنه هوالإله موزع الأرزاق .. وأنه من يتحكم في مصائر الناس .. وهو عشان معندوش ثقة في نفسه.. بيبقى مبسوط من كده.. فيه فرق بين الأدب والاحترام والذل والخنوع والخضوع .. نعم .. الاحترام والأدب لابد وأن يتوفر لدي كل من الطرفين للآخر .. لكن دون ذل وخضوع وخنوع ومراعاة أدبيات التعامل التي وردت في كل الأديان السماوية .. تحياتي دكتور طه
---------------------------
د.شهيرة عبد الهادي
#Drshahera_Abd_Elhady

يا رب يا رب يا رب ..

ربَي هًآُ أنِتُ تُرى مُكًآُنِي و تُسٌمُعً كًلَآُمُي و أنِتُ أعًلَمُ مُنِ عًبَآُدَكً بَحُآُلَي.. ربَي شَكًوآُي لَكً.. لَآُ لَأحُدَ مُنِ خِلَقًكً.. فَآُقًبَلَنِي فَي رحُآُبَكً فَي هًذّهً آُلَسٌآُعًة آُلَمُبَآُركًهً .. ربَي إنِي طُرقًتُ بَآُبَكً.. فَآُفَتُحُ لَي أبَوآُبَ سٌمُوآُتُكً.. و أجٍرنِي مُنِ عًظُيمُ بَلَآُئكً.. آُلَلَهًمُ يآُ مُسٌخِر آُلَقًوي لَلَضعًيفَ.. و مُسٌخِر آُلَجٍنِ لَنِبَينِآُ سٌلَيمُآُنِ ..و مُسٌخِر آُلَطُير و آُلَحُدَيدَ لَنِبَينِآُ دَآُودَ.. و مُسٌخِر آُلَنِآُر لَنِبَينِآُ آُبَرآُهًيمُ..(سٌخِر لَي عًبَآُدَكً آُلَطُيبَينِ مُنِ حُولَي وسٌهًلَ لَي أمُوري وآُرزًقًنِي مُنِ حُيثً لَآُ أحُتُسٌبَ) .. ربَي بَحُولَكً و قًوتُكً و عًزًتُكً و قًدَرتُكً أنِتُ آُلَقًآُدَر عًلَي ذّلَكً وحُدَكً لَآُ شَريكً لَكً.. آُلَلَهًمُ إنِي أسٌألَكً بَخِوفَي مُنِ عًظُمُتُكً.. و طُمُعًي بَرحُمُتُكً .. أنِ تُرزًقًنِي مُآُ كًآُنِ خِيرآُ لَي ..فَي دَينِي و دَنِيآُي ..و مُعًآُشَي و عًآُقًبَة أمُري عًآُجٍلَهً و آُجٍلَهً.. آُلَلَهًمُ إنِي أشَكًو لَكً قًلَة حُيلَتُي و هًوآُنِ أمُري و ضعًفَ قًوتُي .. آُلَلَهًمُ إنِي أسٌألَكً أنِ تُصْرفَ عًنِي شَتُآُتُ آُلَعًقًلَ و آُلَأمُر وآُلَتُفَكًير.. ربَي آُثًرنِي و لَآُ تُؤثًر عًلَى.. ربَي آُنِصْرنِي و لَآُ تُنِصْر عًلَي .. إلَهًي آُرحُمُ ضعًفَي و فَرجٍ هًمُي و آُجٍبَر كًسٌري و آُمُنِ خِوفَي و آُمُطُرنِي بَرزًقً مُنِ عًنِدَكً لَآُ حُدَ لَهً.. و فَرجٍ مُنِ عًنِدَكً لَآُ مُدَ لَهً.. و خِير مُنِ عًنِدَكً لَآُ عًدَدَ لَهً ..آُلَلَهًمُ إنِ كًآُنِ رزًقًي فَي آُلَسٌمُآُء فَأنِزًلَهً وإنِ كًآُنِ فَي آُلَأرض فَأخِرجٍهً وإنِ كًآُنِ بَعًيدَآُ فَقًربَهً وإنِ كًآُنِ قًريبَآُ فَيسٌرهً وإنِ كًآُنِ قًلَيلَآُ فَكًثًرهً وإنِ كًآُنِ كًثًيرآُ فَبَآُركً لَي ڤيہٌ .. آُلَلَهًمُ ولَمُرسٌلَهًآُ مُثًلَ ذّلَكً ..
يآُربَ فَي هًذّهً آُلَسٌآُعًهً أسٌآُلَكً آُلَرآُحُهً لَكًلَ مُسٌلَمُ ضآُقًتُ عًلَيهً دَنِيآُهً وذّرفَتُ عًينِآُهً ..يآُ إلَلَهً أفَرحُ قًلَوبَآُ أنِهًكًهًآُ آُلَتُمُنِي.. وبَشَر أصْحُآُبَهًآُ بَفَرحُ لَآُيذّكًرهًمُ بَوجٍعًهًمُ.. وآُسٌعًدَ قًلَوبَهًمُ.. وأسٌعًدَنِآُ بَصْحُبَتُهًمُ..آُلَلَهًمُ إغْفَر لَوآُلَدَى وآُدَخِلَهًمُ جٍنِتُكً يآُأرحُمُ آُلَرآُحُمُينِ.. أمُينِ..

(كلمتين بالبلدي) المواطن المصري والشأن الداخلي هو رمانة الميزان .. بقلم د.شهيرة عبد الهادي

(كلمتين بالبلدي) المواطن المصري والشأن الداخلي هو رمانة الميزان
------------------------------------------------------
مما لاشك فيه .. أن المؤتمر الاقتصادي خطوة ممتازة سعِد بها كل مُحب لمصر .. لكن في نفس الوقت .. يجب أن نعي أن جوهر المؤتمر ورسالته الإولى هي سياسية .. وهذا أمر ضروري .. والأهم الآن .. أن نعي .. أن ثمار هذا المؤتمر لن نجنيهاً سريعاً .. ولا يجب أن نحلم إلا في حدود الواقع الملموس .. كذلك بداية تحقيق الحلم .. هو .. أن تهتم الدولة بالشأن الداخلي ..لدينا عمالة مُعطلة .. مصانع معطلة.. خريجي جامعات بالملايين لا يجدون عملاُ .. مشكلات وتحديات مع مافيات في كل مجال من مجالات العمل التجاري الاقتصادي في مصر لا يمكن أن ننكرها .. مشكلات مع التاجر المصري .. مشكلات مع رجال الأعمال المصريين لا يجب الاستهانة بها .. ثم أكبر مشكلة في مصر وهي عدم تطبيق علم الإدارة .. واستمرار الإدارة بالفهلوة .. مشكلة مصر الحقيقية في الإدارة والضمير .. ولذلك .. و حتى تكون لهذا المؤتمر نتائج ملموسة على أرض الواقع .. والتي لن تكون قريبة أو سريعة على الإطلاق .. يجب أن تكون أولوياتنا .. هي .. الشأن الداخلي .. لأنه هو القاعدة .. التي ستبنى عليها نجاحات المؤتمر .. وأتمنى أن تذهب المليارات التي أتت إلى مصر إلى هذا الشأن الداخلي ..كما أن رئيس الدولة وحكومته يجب أن يتدارسوا الرسائل الخارجية التي قيلت .. والتي كان بعضها يؤكد على بناء المواطن المصري أولاً.. المواطن المصري والشأن الداخلي هو حجر الزاوية ورمانة الميزان ..في الحصول على أفضل نتائج لهذا المؤتمر ..
--------------------------------
د.شهيرة عبد الهادي
‪#‎Drshahera_Abd_Elhady‬

د.شهيرة عبد الهادي تكتب ..المؤتمر الاقتصادي مفتاح الحياة لمصر ..

يا رب مصر ..
يبدأ المؤتمر الاقتصادي لمصر المستقبل اليوم ..ويستمر لثلاثة أيام .. ( الجمعة 13 مارس: الأحد 15مارس 2015م).. وقد اتخذ المؤتمر لنفسه شعار مفتاح الحياة الفرعوني .. يا رب مصر .. يا رب النجاح لمستقبل مصر.. يا رب الخير لمصر فالخير هو الحياة بإذن الله .. على الصعيدين .. الاقتصادي والسياسي .. وفي اعتقادي أن الجوهر السياسي لهذا المؤتمر أقوى .. لأن لي رأياً في هذا الشأن .. أقصد الشأن الاقتصادي.. وهو الاهتمام .. بالداخل المصري .. وما يتحكم فيه .. من تاجر مصري ورجل أعمال مصري وعوامل آخرى داخلية مصرية شتى .. وتأمين الداخل المصري .. هو حجر الزاوية ورمانة الميزان في الاستثمار .. وخطوة المؤتمر الاقتصادي .. خطوة ذكية في استباقها .. لافتتاح مشروع امتداد قناة السويس.. حتى تتوفر فرص الاستثمار فور الافتتاح .. يا رب مصر .. ونستثمر هذه المناسبة .. لنذكر بالخير المرحوم الملك عبد الله بن عبد العزيز آل سعود ..ملك المملكة العربية السعودية الراحل.. لأنه هو صاحب الفكرة الرئيسة والأولى لانعقاد هذا المؤتمر .. عندا أطلق عليه .. مؤتمر المانحين والذي كان مقرراً عقده في قبراير الماضي .. ثم تحول مسماه إلى المسمى الحالي .. وتحية إلى إمارات الخير وشعب إمارات الخير .. تحيا مصر.. تحيا مصر .. تحيا مصر ..
--------------------------------------
د.شهيرة عبد الهادي

‪#‎Drshahera_Abd_Elhady‬

د.شهيرة عبد الهادي .. تكتب (كلمتين بالبلدي) الصلابة النفسية ..

(كلمتين بالبلدي) الصلابة النفسية ..
-----------------------------------------------
الكهولة من الممكن ألا ترتبط بسن معينة .. خاصة إذا ارتبطت بمفهومي الأمل واليأس .. وهما من العوامل النفسية الهامة التي تشكل الشخصية .. وفقاً للبناء النفسي لها .. ونتيجة للظروف أو البيئة أو المناخ الذي يُشكل وجدان هذه الشخصية .. فهناك شاب (شابة) من الممكن أن تكون رسالته إشاعة الأمل في نفوس الآخرين .. بينما هو في حياته كهلاً من اليأس .. ليس بسبب ارتدائه بنفسه لثوب اليأس .. وإنما لرهافة حسه (حسها) أو لاتصافه ( اتصافها) بـ الإنسانية التي توارت .. والتي تؤثر على درجة الصلابة النفسية لديه ( لديها ).. ومن الممكن أن ترتبط الكهولة بالعامل الزمني وأيضاً بالمناخ الذي عايشه منذ طفولته بكل أركانه .. وتنشأ من تبعات الدور نفسه.. سواء كان دور الأب( الأم ) أو الجد( الجدة) .. وهذه التبعات تجعله كهلاً من حيث العمر الزمني إلا أنه شاباً من حيث صلابته النفسية .. يُشيع الأمل بين من حوله سواء في أسرته الصغيرة أو في مجتمعه المحيط ..كل ذلك يرتبط بدرجة الصلابة النفسية التي يتمتع بها الشخص .. والتي يجب أن نسعى إليها بكل ما أوتينا من قوة خاصة في مثل ما نمر به الآن .. من تيه للهوية النفسية الخاصة بالشخصية المصرية .. فلنتأمل ونتدبر ونطلب العون من الله .. ونحاول بناء الأمل لأنفسنا .. ما دمنا على قيد الحياة ..
---------------------------
د.شهيرة عبد الهادي
13 /3 / 2015م
الإسكندرية
مصر الحبيبة
‪#‎Drshahera_Abd_Elhady‬

إنه الجمال في " جمال " .. بقلم د.شهيرة عبد الهادي

شوفوا حضراتكم الجمال في "جمال ".. فعلاً .. الزعامة دي من عند الله ..
شوفوا وقفة "جمال" .. البساطة الرجولة العفوية التواضع .. وبنته زيه زي الراجل في وقفتها .. بينما هيكل حاطط إيده في الجاكيت والإيد التانية وراء ظهره بطريقة استعراضية ازاي ؟؟!! .. مع احترامي لشخصه ولأنني تربيت في بيت كان يقرأ كل مقالاته .. لكن لغة الجسد " للزعيم " وله .. لفتت نظري .. والإنسان يعيد نظرته في كثير من الأمور ما دام حياً .. الله يرحمك يا جمال يا حبيب الملايين .. 
--------------------------
د.شهيرة عبد الهادي

إنها أمي ... بقلم د.شهيرة عبد الهادي

ذهبتُ لأرعاها وأطببها في مرضها الشديد .. نِمِتُ على السرير المُقابل لسريرها .. تَركَتْ فراشِها ليلاً .. مُتكِئةً على عُكَّازِها.. جاءت إلى سريري .. وضعت كَفَها الوِهِنْ .. على جبيني .. وهو يهتز يرتعش يتألم .. قالت بصوت خافتٍ ضعيف لا يكاد يُسمع : مالك يا شهيرة فيكي إيه بتنازعي ليه .. هذه هي أمي .. هي الأمومة بكل معانيها .. إنها أمي .. إنها أمي .. الله يشفيكي يا أمي ..
--------------------
د.شهيرة عبد الهادي

خناجر مسمومة ( قلة حيلة ) .. حالوا دون طموحاتها ..جعلوها تتحقق في الأحلام .. بقلم د.شهيرة عبد الهادي

 خناجر مسمومة ..

( قلة حيلة ) 

حالوا دون طموحاتها ..جعلوها  تتحقق في الأحلام  ..
------------------------------------------------------
د.شهيرة عبد الهادي

(خناجر مسمومة ).. أعطاها الضوء الأخضر .. وأطفأ جميع المصابيح .. د.شهيرة عبد الهادي ‪

خناجر مسمومة ..
-----------------------
أعطاها الضوء الأخضر .. وأطفأ جميع المصابيح ..
-----------------------------------------------------
د.شهيرة عبد الهادي
‪#‎Drshahera_Abd_Elhady‬

خناجر مسمومة (قهر) سقت من الزهور بساتين .. أماتوا بين يديها زهرة الياسمين .. بقلم د.شهيرة عبد الهادي

خناجر مسمومة ..
 (قهر)  
سقت  من  الزهور بساتين .. أماتوا بين يديها  زهرة  الياسمين ..
-----------------
د.شهيرة عبد الهادي 

خناجر مسمومة (قهر) : أعطت للأهل والخلان .. وضاع منها الزمان .. بقلم د.شهيرة عبد الهادي

خناجر مسمومة ..

(قهر)

أعطت للأهل والخلان .. أضاعوا  منها الزمان ..
-------------------------
د.شهيرة عبد الهادي

في اليوم العالمي للمرأة .. إلى كل حواء.. كل عام وأنتِ " الحياة " ... بقلم د.شهيرة عبد الهادي

إلى كل حواء .. كل عام وأنتِ " الحياة " ..
----------------------------------------------
اليوم العالمي للمرأة
8 /3 /2015م
------------------------
د.شهيرة عبد الهادي
‪#‎Drshahera_Abd_Ekhady‬

من أجل بناء الإنسان المتعلم المثقف ... بقلم د.شهيرة هبد الهادي

كما أن المُعلِّم القوي الذي ننشده .. يساعد في تكوين .. تلميذ قوي .. طالب قوي .. في جميع التخصصات التي نحتاجها .. وأيضاً يساعد في تكوين مُثقف قوي .. فإن .. التلميذ القوي .. الطالب القوي .. المحاوِر القوي .. المُناقِش القوي ..المُعلِق القوي .. الأديب القوي.. الناقد القوي.. المُثقف القوي ووووو .. يشحذ همم العقل لدى.. المُعلِّم والمحاور والمناقش والمعلق والأديب والناقد والمثقف ووووو.. يجعله في حالة.. عصف ذهني .. وإعمال للفكر.. وهمِّة للبحث عن المعلومة .. وإثراء الموقف التعليمي التثقيفي.. وهنا .. تكون بدايات التعلم الصحيح والتربية الثقافية المنشودة .. العملية تفاعلية بين الطرفين .. أو بين جميع الأطراف المُسهمة في تطوير التربية والعلوم والثقافة .. من أجل بناء الإنسان المُتعلِّم المُثقف .. الذي نحن في حاجة إليه ..
------------------------------
د.شهيرة عبد الهادي ‪#‎Drshahera_Abd_Elhady‬

لي رجاء عند جميع أصدقائي .. بقلم د.شهيرة عبد الهادي

السلام عليكم ورحمة الله وبركاته ..
لي رجاء عند جميع أصدقائي.. محدش يزعل مني .. لما .. مبردش على الرسائل .. لأن الرسائل .. معظم الوقت عندي مُعطَّلة ..كمان .. أنا مش كل وقت.. باكون على النت .. كمان الرسائل دي غدَّارة.. يعني مبتوضحش المقصود من الكلام والله ..ووحشة ومبتوصَّلش معنى الكلام الحقيقي اللي الواحد بيقوله.. كمان أقسم بالله .. ما بعرف أحكَِّم مقاييس عن طريق الرسائل أو الميل ولا باعرف أقرأ بحث لطالب على النت.. أقسم بالله .. ما بعرف أشتغل إلا في الورق المباشر أمامي ..عشان اعرف أكتب كل ملاحظاتي على الورق ..كمان عينيا بتوجعني.. يا جماعة أنا معنتش باشوف كويس على النت.. وكمان أن باكون عيانة في ساعات وأيام كتيرة .. يا ريت تعذروني ومتزعلوش مني.. أرجوكم.. وأنا أقدم أسفي واعتذاري لأي محترم ومحترمة لم أستطع الرد على رسائلهم .. الله لا يحرمني من تواجدكم الشريف ..
----------------------------------
د.شهيرة عبد الهادي

أنا مش عارفة .. ليه مصر .. تاريخها .. بيقول .. نفس الكلمات دي .. علطول .. بقلم د.شهيرة عبد الهادي

أنا مش عارفة .. ليه مصر .. تاريخها .. بيقول .. نفس الكلمات دي .. علطول ..
-------------------------------------------------------
ويبدو أننا في حاجة إلى دراسات اجتماعية للمجتمع العشوائي الذي نعيش فيه وللشخصية المصرية مسؤولاً وشعباً ..وبأمانة لا أعلم إجابة للأسئلة الآتية في مصر وعلى مر العصور.. لماذا لا توجد استراتيجية واضحة لكل مسؤول ؟.. لماذا لا توجد رؤية للمسؤولين؟.. لماذا لا يطبق علم الإدارة الاستراتيجية؟ .. لماذا لا توجد رسالة واضحة ورؤية واضحة لكل مسؤول ؟ .. لماذا لا يوجد نظام ؟ ..لماذا لا يوجد احترام للنظام ؟ ..لماذا لا يوجد احترام للقانون بالرغم من العدد اللانهائي من القوانين التي نحظى بها ؟ لماذا لا يوجد احترام للملكية العامة ؟ ..وما ذكرته هنا سنجده في كل شبر فيكي يا مصر !!!..
----------------------
د.شهيرة عبد الهادي

خناجر مسمومة ..(غدر )..تقرب منها لذكائها .. لم يستفد .. أعلن عليها الحرب .. بقلم د.شهيرة عبد الهادي

(غدر) 
تقَّرب منها لذكائها .. لم يستفد .. أعلن عليها الحرب ..
---------------------
د.شهيرة عبد الهادي

خناجر مسمومة ..(خيانة)..إستغلَّها مُضيئة .. ثم أطفأها .. بقلم د.شهيرة عبد الهادي

(خيانة )
إستغلَّها   مُضيئة .. وعمِلِ على إطفائها ..
------------------------------------------------
د.شهيرة عبد الهادي

جمالُ العشقِ .... بقلم د.شهيرة عبد الهادي

جمالُ العشقِ ..
أن تعشقَ الجمالَ ..
وجمالُ الخُلقِ ..
هو للعشقِ..
منتهى كل جمال ..
فيا من أردت الحياة ..
بخلق الجمال ..
إعشق الواحد الأحد ..
فهو جميلٌ ..
يُحب كل جمال ..
وعلى القبح هو الوحيد ..
القادر القاهر المُتعال ..
------------------------------
د.شهيرة عبد الهادي
5 /3 / 2015م

والتقت عينانا .... بقلم د.شهيرة عبد الهادي

والتقت عينانا ..
فقيلت كلماتنا..
وابتسم الثغر ..
فتناجت أفكارنا ..
وباركت اللقاء..
في رقة ونقاء ..
نسمات الندى ..
بزهور أحلامنا ..
--------------------
د.شهيرة عبد الهادي
5 / 3 / 2015م 
الإسكندرية 
مصر الحبيبة 

يا رب .. كلمات عن الابتلاء .......

يأتي الابتلاء على شكل : زوج مقصر ..إبن عاق .. وفاة إبن .. فقدان حبيب.. مرض .. خسارة أموال .. ناس تؤذيك.. ألم من تصرفات أحباب .. ضيق في الرزق.. عدم الإنجاب..
أول ماينزل عليك الابتلاء مباشرةً ..إرفع بصرك إلى السماء وقل :الحمد لله ..سينظر الله إلى قلبك ..فإن علِم الله منك الرضى ..فسيُجازيك بأمرين!! ..يُهون عليك الابتلاء.. وسوف يُرضيك ..
لا أحد يمتلك حياة كامله..، ولا قلباً خالياً .. ولارأساً خفيفا من الأعباء..، ولكن هناك من يدعو الله ويتوكل ثم يبتسم!! ..
دائماً نعتَقد ..
أن حياة الآخرينّ
هيَ أفضَل منّ حَياتنا !!!
والآخرينّ يَعتقِدون :أَنّ حَياتنا أفضَل ..
وهذا بسبب فقدان القناعه!!
الدنيا قوسان ..
القوس الأول الولادة..
و القوس الثاني الموت..
فاصنع بينهما مايُرضي الله..
يا رب .. يا رب .. يا رب ..
اللهم أعنا على أن نُرضيك  بفعل كل ما يُرضيك ..
لاتسرق فرحة أحد ..ولا تقهر قلب أحد ..أعمارنا قصيرة ..وفي قبورنا نحتاج من يدعوا لنا لا علينا   ♡

من اللحظات الجميلة في حياتي .................

من اللحظات الجميلة في حياتي .. حضور مناقشة رسالة علمية .. هنا في مناقشة رسالة الماجستير الخاصة بـ أختنا الفاضلة الأستاذة نشوى حافظ .. وإن شاء الله تناقش الدكتوراة قريباً.. أنا اللي لابسة .. بستاج .. حتقولوا لي .. يعني إيه بستاج .. حاقول لكوا .. يعني بستاج .. هو كده بستاج وخلاص .. ديكتاتورية بقى .. :-*    :-*    :D    :D   

حدث بالفعل في زمن استحداث الرداءة ....................

حدث بالفعل في زمن استحداث الرداءة .....
طالب  مسجل لدرجة الماجستير.. جاء لي في أوائل أيام فترة انعقاد الاختبارات النهائية للفصل الدراسي الاول  في مكاني بالكنترول .. طالباً مني .. " تحكيم"  المقياس الخاص برسالته .. فقلت له  أمام  الزملاء بالحرف .. حضرتك شايف إن احنا في فترة  كنترولات واختبارات ولجان ومشاكل وتصحيح وهذه الفترة عصيبة وقد يحدث خلالها مرض للواحد أو أي شئ  مفاجئ  من هذا القبيل .. ولن أستطيع القيام بالتحكيم .. أو حتأخر عليك جداً لأن التحكيم عاوز وقت ..  ولذلك   مش حاقدر أحكملك  إلا بعد انتهاء هذه الفترة .. ويُفضَّل إني مآخدش المقياس من حضرتك  دلوقتي  وشوف حد تاني.. فأصر  هو على أن يعطيني المقياس .. فقلت له : تفضل روح للدادة المسؤولة عن المكتب .. وحطه بمعرفتها على مكتبي وربنا يسهل .. ومرت الأيام .. وأنا مش فاضية خالص .. وكمان .. مرِضتُ أكتر من مرة .. وكمان نظراً لأن  كان فيه إصلاحات في المكتب لم تنتهي إلى الآن .. قامت الدادة   ورتبت المكتب  واختلف مكان كل شئ  فيه  .. وانا مكنتش موجودة لما كانت هي بترتب  المكان ..  وفي الإسبوع الماضي .. وأنا في الكلية .. و في المساء  .. وانا قاعدة على مكتبي .. وكانت معايا  إحدى طالباتي  من المرحلة الجامعية الأولى  .. فوجئت بهذا الطالب .. داخل عليا متجهم الوجه .. وقال لي : أنا عاوز المقياس  بتاعي ..وساعتها أنا كانت حرارتي مرتفعة وضغطي كان عالي وأمامي شغل ومش مركزة معاه .. فقلت  له  : والله يا ابني  الدادة رتبت المكتب كده يعني  والدنيا اتلخفنت   خالص.. وأنا معرفش المقياس بتاعك في أي مكان  بالظبط  دلوقتي  .. لأن كل شئ اختلف مكانه .. وحاضر لما حارتب المكان بنفسي تاني وألاقيه .. ابقى اتفضل تعالى وخده .. واعتذرت له  عن التأخير .. ففوجئت أنه قال : لأ أنا عارف مكانه .. وقام  راح على مجموعة من البحوث والكتب اللي جمبي ..و اللي كانوا  محططوطين  ع الأرض ..  لأن الدادة هي اللي  كانت حطتهم في المكان ده .. وانا كنت غايبة مريضة  ومشفتهاش وهي بتحطهم.. وقام رايح وسحب منهم  المقياس بتاعه   وخده .. هنا  .. أنا مكنتش مركزة  معاه لأني كنت تعبانة فعلاً ..و بصيت له  في هدوء .. وهو قام ماشي  ومعاه مقياسه .. وبعد ما أخدت الدواء بتاعي وفوقت  شوية .. بقيت أكلم نفسي و أأقول لنفسي  : معقولة  اللي حصل ده .. ومعقولة  ذكائي  ما أسعفنيش .. أني آخد منه الكارنيه  بتاعه أو بطاقة الرقم القومي بتاعته..  طب ازاي هو دخل  المكتب ؟.. وجاي على الهدف بتاعه كده  علطول ازاي؟ ..وعارف مكان المقياس  كده  ازاي؟..  بعد الدادة ما رتبت  يعني ؟.. وبعد ما كل شئ اختلف مكانه ؟.. طب  من الذوق والأخلاق  والمفروض  إنه كان  يستنى .. لما  أنا أبقى أديلوا المقياس .. طب هو المقياس ده .. كان جايبه عشان  أنا  أقوم بعملية تحكيمه .. يعني هو اللي محتاجني .. طيب المقياس نفسه  بالنسبة للدكتور  لا يساوي شيئاً .. يعني مش معقول الدكتور حيخبيه أو حيآخده  يعني  ..لأنه  مش في حاجة ليه إطلاقاً .. خاصة وأن  مستوى العلم  دلوقتي ما يعلم بيه إلا ربنا .. والمقاييس دلوقتي  ما يعلم بيها إلا ربنا .. دا حتى   بعض  رسائل الماجستير والدكتوراه دلوقتي  .. في منتهى الضعف  والاستخفاف  والاستهتار بالعلم ولا تساوي شيئاً .. في  ظل هذا التردي العلمي الواضح .. يعني لا يمكن يكون عند الدكتور مطمع في ورق لسة حيتحكم .. يعني لسة موصلش لدرجة الصلاحية  التي تؤهله للاستخدام .. كما أن أخلاقيات الأستاذ الجامعي أرفع من ذلك  بكثير .. خاصة وإن كانت اتجاهاته وتعاملاته معروفة  بأنها نظيفة .. ثم أنا من ضمن المُحَكمين  اللي  حيحكموا على مدى صلاحية هذا المقياس للاستخدام من عدمه .. و للأسف ومما  أكد لي  أيضاً ما يتصف به هذا الطالب من أخلاق متردية   منحطة  .. والذي يعتبر مثالاً  سيئاً لبعض طلاب الدراسات العليا  الآن  في زمن الرداءة العلمية الخلقية ..أنه جاء بعد الموقف ده  لإحدى الدكتورات اللي  مكتبها معايا في الحجرة .. تاني أو تالت   يوم  تقريباً  علطول  .. و دخل الحجرة علينا  احنا الاتنين .. ومقالش ليا  أنا  حتى مساء الخير و لا  السلام عليكم  .. ولا كأنه يعرفني ..ولا كأنه   عمل  تصرف غير أخلاقي معايا  .. وهنا كانت فرصة لكي أقول له : ما كان يجب أن يقال له.. ناديت عليه .. وكلمته  أمام الدكتورة اللي كان جاي ليها  .. وقلت له .. أنك اتصرفت تصرف لا أخلاقي  بالمرة  لا يتناسب مع طالب دراسات عليا .. وأن هذا انحدار وانحطاط في السلوك .. ولمين ؟ .. لطالب  بيعمل رسالة ماجستير؟ ..معقولة ؟ .. تساوي إيه بقى  الماجستير  بدون أخلاق  بدون قيم بدون مبادئ ؟ .. تساوي إيه ؟ .. دا أنا فاكرة وأنا في الماجستير والدكتوراة .. كنت  باسافر القاهرة وعين شمس .. وأقسم بالله أساتذتي .. قعدوا يحكِّموا في مقاييس  رسالتي للدكتوراه  أربع شهور ونصف .. وكنت باسافر كل يوم خميس  من كل إسبوع يقولوا لي  تعالي الإسبوع القادم  وهكذا.. ولم أجرؤ .. أن أقول   لدكتور فيهم .. إنت اتأخرت عليا  في التحكيم .. أنا من جيل  كنت بانظر لأستاذي كأنه   واستغفر الله العظيم   إله .. أعملَّوا حساب واحترمه حتى لو كان لا يستحق الاحترام .. وإلى الآن   كل أساتذتي لهم نفس درجة الاحترام  .. أما  الآن فهذا نموذج من نماذج طلاب الماجستير .. اللي بيخلَّصوا   رسايلهم للماجستير  في سنة .. عن طريق السرقات العلمية ..والمكاتب اللي بتعمل رسائل الماجستير بالفلوس   للطلاب في مصر دلوقتي  من الألف إلى الياء .. واللي معروف  أن  الطالب بيآخدها  ازاي دلوقتي  .. وبيخلصها ازاي.. وبأي طريقة وبأي وسيلة .. و للأسف  بيتم إجازتها  وبالنشر كمان على نفقة الجامعة .. فمن  الطبيعي أنه   لا   يكون عنده   احترام   للكبير   في المقام .. ولا   عنده  احترام   للكبير في السن .. ولا  عنده أدب ولا أخلاق  ولا ذوق .. لأن الموضوع من أوله لآخره استهتار في استهتار .. ومن المفارقات العجيبة .. والتي   نبهتني  لها ..تصرفاته غير المحموده  غير الأخلاقية .. و جعلتني  أفكر فيها .. وأنا آسفة والله أن أقول ذلك .. لكن تصرفاته الغريبة .. هي التي جعلتني  أفكر في كل شئ حدث  في الحجرة .. أن  هناك   كُتب قد اختفت من مكتبي .. والكتب اللي اختفت  من مكتبي دي .. هي كتب  كانت مهداه  لي.. من  الدكتورة اللي بتشرف على رسالته  للماجستير الآن !!!!..  وطبعاً  أنا لا أستطيع توجيه أي اتهام له  ..لا سمح الله و  إرضاءً لله سبحانه وتعالى  .. ثم طبقاً    لأخلاقياتي .. خاصة وأنني ما زلت في مرحلة تساؤلات   حول من أخذ هذه الكتب .. وأكرر أسفي لذكر ذلك  ..وآسفة   لمجرد  أنني قد أضطريت  للتفكير في ذلك  ..  لكن في نفس الوقت   تصرفاته غير الأخلاقية .. هي من دفعتني لمثل هذا التفكير .. مثل  طريقة دخوله  المكتب  .. ومعرفه مكان المقياس بتاعه ..بعد الدادة ما رتبت  المكان .. وأختلفت أماكن  كل شئ  في المكتب.. وأخذه  للمقياس بهذه الطريقة الهمجية .. وكلامه معايا  بهذا الإسلوب غير الأخلاقي .. دا أنا اللي  هو أنا صاحبة  المكتب ..معرفش مكان  المقياس  فين .. مش إهمال  مني والله ..  لا سمح الله .. أنا شرحت الموقف بصدق  .. و سبق وقلت .. لأن الدادة غيرت مكان كل شئ وانا مش موجودة ..لأني  كنت مريضة ..  وكنت طبعاً  ح أعيد ترتيب كل شئ ..بعد ما أروق وأخلص الشغل اللي في إيدي ..  اللي المطلوب تسليمه بمنتهى السرعة .. ولذلك  فإن   تصرفاته  هذه ..  هي   اللي كانت  أكبر اتهام له  في هذا الموقف .. وأقسم بالله  لم أذهب  لهذه الدكتورة   المشرفة  عليه.. ولم أكلمها عن ما فعله معايا ..حتى الآن.. يعني لم أشكوه  إلى مشرفته حتى كتابة هذا النص .. حتى لا ينضر  في رسالته .. وحاسيبه  للزمن يعلِّمه .. لأنني لا أريد أذية أحد .. بالرغم أنه يستاهل كل  أنواع  العقاب ..   هذا الطالب  هو مثال سئ   لبعض طلاب  الدراسات العليا الآن  في مصر.. مع  أنه  متزوج وعنده أطفال ..يعني هو   أب  لأطفال ..يعني بيربي أطفاله الآن .. يعني المفروض بيربيهم على مبادئ وأخلاقيات الآن !! .. ازاي  حيربيهم على أخلاقيات وهو بيعمل كده   مع أساتذته   أدبياً ؟ معرفش !! ..   ثم ..  وللعلم   يا سادة .. هذا الطالب ذو التصرف  السئ   والأخلاق الأسوأ .. بعد أن يحصل على الماجستير ..  سيقف  في اعتصام يطالب   بوظيفة بالماجستير في مصر .. كمان بيطلع  يشتغل في البلاد  العربية  هو وغيره    اللي زيه وبيفضحونا  هناك  ..  بالماجستير السيئة  دي .. اللي حصلوا عليها في زمن  استحسان الرداءة  ده  وبالأخلاق السيئة دي   .. هذا  جزء بسيط  من الانحدار الآخلاقي الذي نعاني منه الآن في بلدنا مصر............... مثال آخر  لطالبة   دراسات عليا  بردوو  وحدث في نفس الإسبوع  بردوو  بالأمانة ..  الطالبة دي مدام   يعني سيدة  يعني متزوجة  يعني صاحبة بيت  يعني مربية أطفال  ومعاها  ابنها   ابن حوالي  5 سنوات ..   قعدت تضرب في باب  التواليت  الخاص بعضوات  هيئة التدريس  بعنف شديد جداً    لغاية ما فسخته عليا  وأنا جوه    في  التواليت  .. وكنت قافلة عليا   بالترباس من جوة .. يعني  كسرت الترباس  بتاع الباب عليا  وانا جوه  ودخلت عليا هي وابنها الطفل  وأنا جوة ..  ولما كلمتها  وقلتلها  ميصحش  ياافندم  اللي  عملتيه ده .. كانت عينيها في عينيا بمنتهى   الجرأة   والجدال   وتقولي : يعني أقفل   الباب يا دكتورة ؟ .. ما  انا قلتلك يعني أقفل الباب ؟ .. أنا مكنتش أعرف أن الحمام بتاع الدكاترة بس .. وإبني مذنوق   وعاوز يدخل الحمام .. والله أعلم  بقى هي خلته  عمل  البيبي    فين بالظبط  ع البلاط ولا في التويلت  ولا فين  ؟.. لأني كنت منفعلة ومشفتش.. مش ممكن بجد اللي بيحصل ده  ..وبصراحة كان سؤال غريب  منها ؟  وتصرف أغرب منها !! ..هو الواحد لما بيدخل  الحمام  بيقفل الباب   عليه  ولا بيفتحه ؟  وبعدين ليه إحنا عندنا التعامل  بعنف   مع كل شئ ؟  إنسان حيوان جماد نبات ..   وبقيت أرد عليها   وأقول لها ياافندم التصرف من أوله لآخره غلط في غلط .. حضرتك اتصرفتي غلط .. ولا كأني باقول شئ .. وجدال   ورا جدال   ورا جدال  .. ومش عارفة ليه لما الواحد يغلط ميعتذرش وخلاص .. وهذه  الطالبة   أيضاً طالبة دراسات عليا  وأم   وبتربي أولادها .. بالذمة  لما ابنها يشوفها وهي بتعمل كده  ..   وبتفتح باب الحمام  بالعنف ده على ناس جوه   وعنوة  ..وتدخل عليهم الحمام بالشكل ده .. حيعمل هو إيه   بقى   في المستقبل  ؟ .. وبعدين  ده حمام  يعني  حمام  مش عارفة أأقول إيه بصراحة .. ازاي  تدخل الطالبة دي ومعاها إبنها على ناس في الحمام كده ازاي ؟؟!!.. وأيضاً ..طالبة  الدراسات العليا دي  اللي هي مدام اللي هي أم اللي هي زوجة .. بردوو .. ستحصل على الماجستير .. وتخرج أيضاً  تعمل اعتصامات  عشان تتعين بالماجستير  في مصر .. وتروح  بردوو تشتغل في الدول العربية   هي وغيرها   اللي زيها  ويفضحونا  هناك  بردوو ..  هذا جزء بسيط من المعاناة اليومية  التي نعانيها  نتيجة  لانحدار الأخلاق في مصر ..وهذا يحدث من  بعض طلاب الدراسات العليا  في مصر .. فما بالكم  بما يحدث من بعض طلاب  المرحلة الجامعية الإولى   في مصر من الفرقة  الأولى وحتى الرابعة .. و في الحقيقة ما يحدث منهم مأساة بجميع المقاييس .. هذه هي حال  الأخلاق في مصر.. ولن تنصلح  حال مصر .. إلا   إذا  كانت عندنا  كشعب .. كناس ..  كبني آدميين  ..أخلاقيات  ومبادئ وقيم  في تعاملاتنا  .. مع   الحيوان .. مع النبات ..مع  الجماد .. مع الإنسان .. مع العلم ..مع البحث العلمي.. مع التربية ..    في البيت  .. في  الروضة  .. في الحضانة .. في المدرسة .. في الجامعة .. في العمل ..  في الشارع ..  في السلوكيات .. في السينما .. في المسرح .. في المسجد..  في الكنيسة  .. في التليفزيون  ..  أثناء المناقشات .. في الكلام .. في التعاملات  .. في الاعتصامات  ..  في المظاهرات   السلمية  ..  أثناء الاختلافات في الرأي ..  في السوبر ماركت  .. في الهايبر  .. في العمارة .. في المصانع .. في المزارع .. في المواصلات  .. ووووو  مع كل شئ  من شأنه أن يجعلنا بلد متقدم   ..      
--------------------------------
د.شهيرة عبد الهادي
27  /2 / 2015م

اتعلم يا بني آدم .. اتعلم يا بني الإنسان .. من الحيوان ..

"جوليا وجاك وركس وريجان دوول كلاب .. وسميرة قطة ".. يعني حيوانات .. كانت .. ماما الله يشفيها بتربيهم على فترات زمنية متباعدة في جنينة البيت بتاعنا اللي كان في الريف .. وكانوا عايشين مع بعض وصاينين العشرة لبعض وكانوا بيآكلوا مع بعض وبيحموا بعض وبيخافوا على بعض .. ومبيآكلوش حق بعض ..ومبيفجروش في الخصومة مع بعض لأن مفيش خصومة بينهم أصلاً .. لأنهم حيوانات .. ‫#‏اتعلم_يا_بني_آدم‬ ‫#‏اتعلم_يا_بني_الإنسان‬ ‫#‏اتعلم_من_الحيوان‬

جُمعتنا .. جُمعة طُهر ونقاء .. لهما صفتي الاستمرار والبقاء .. إن شاء الله ..

جُمعتنا .. جُمعة طُهر ونقاء .. لهما صفتي الاستمرار والبقاء .. إن شاء الله ..
--------------------------
أشهد أن لا إله إلا الله وأن سيدنا محمد رسول الله ..
الإسلام دين السلام .. والمُسلم من سلِم الإنسان من لسانه ويده .. والمُسلم من في قلبه رحمة تجاه الحيوان قبل الإنسان .. الإسلام دين الأفعال لا الأقوال ..

الكلب طلع أجدع وأحسن وأرجل وأوفى من صاحبه .....

الكلب طلع أجدع وأحسن وأرجل وأوفى ..من صاحبه .. ومن اللي بيقتلوه .. وهم مربوط لا يستطيع الإفلات منهم .. ولا الدفاع عن نفسه .. ومن اللي صوروه وهو بيتقتل بالبطئ.. وطلع محترم عنهم كلهم .. وزي ما قالت الأستاذة حنان احمد : يا ريت الكلب كان علِّم صاحبه الوفاء قبل ما يموت أو حتى كان علِّمه ازاي تكون أخلاق الكلاب.. وكما قال د. وائل كامل : هناك إنسان حيوان وهناك حيوان إنسان والفرق بينهما شاسع .. فعلاً فيه ناس كتير عليهم إنك تشبههم بالكلاب ..
‫#‏كلب_شارع_الاهرام‬

هذا تناول الدكتور وائل كامل .. للموضوع .. والذي أثر فيَّ تماماً لأنه واقعياً جداً ..

هذا تناول الدكتور وائل كامل .. للموضوع .. والذي أثر فيَّ تماماً لأنه واقعياً جداً ..
-----------------------
وفاء الكلب ودواعش البشر والفرق ما بين الإنسان الحيوان والحيوان الإنسان ..!
الكلب دافع عن صاحبة فى خناقة بسبب طلب صاحبة منه الدفاع عنه ... وعض اثنين فحكم على صاحب الكلب بسنة سجن .. وطلب صاحب الكلب التنازل فاشترطوا علية ان يسلم لهم الكلب ليذبحوة ... وسلم لهم الكلب بكل دنائه وحقارة ليقوموا بتقييد الكلب وتكميمه وذبحة بالتصوير البطئ كل شوية واحد يطعن فية وهو مربوط لا يستطيع الدفاع عن نفسة .. ورغم انه كلب بلدى لا يمثل قيمة مادية.. ولكن ما فعلة الكلب وما فعلة صاحب الكلب وما فعلة ولاد الكلب بالكلب هو مرض مجتمعى يبرز الفرق الحقيقي ما بين الإنسان الحيوان والحيوان الإنسان .. ان الداعشية مرض مجتمعى ناتج من انعدام الإنسانية وإنعدام الضمير وغياب التربية الدينية السليمة وإهمال التربية الوجدانية والفنون ... هؤلاء لابد من عقاب رادع لهم مع ضرورة إيجاد تشريع رادع لمثل هؤلاء فى قانون العقوبات لحماية حقوق الحيوان لإنها روح لا تسطيع الدفاع عن نفسها
‫#‏كلب_شارع_الاهرام‬
-------------------------------------------
وهذا تعليقي أنا ....
برغم أنني معرفش القصة دي .. لكن عن تجربة .. لأن ماما كانت مربية كلب في جنينة البيت في بلدنا الريفية .. أقسم بالله .. نحن بكينا من وفائه لنا .. عندما تركنا البيت فترة زمنية طويلة .. وعدنا لمنزلنا في الريف ..لا تتخيلوا حضراتكم .. كان زي البني آدم اللي عامل فرح لما شافنا تاني .. والناس اللي كانوا بيراعوه بعد ما سبنا البيت ده ورحنا المنصورة ومكنش ينفع نآخد الكلب معانا .. قالوا إن بعد كده .. لما سبنا البلد خالص .. جاله .. حالة اكتئاب .. لغاية ما مات حزناً علينا .. هو فيه إنسانية دلوقتي ؟.. هو فيه بني آدم دلوقتي ؟ ..هو فيه إحساس دلوقتي ؟ .. حسبنا الله ونعم الوكيل في صاحب هذا الكلب .. اللي الكلب طلع أجدع منه وأحسن منه وأرجل منه .. تعبت والله تعبت .. أحييك دكتور وائل على التناول الجميل للموضوع ..

إعلان وتنبيه هام إلى طالباتي ...............

إعــــــــــــــلآن وتنبيه هــــــــــام
إلى طالباتي اللي باشرف عليهم في الماجستير .. واللي كنت واخدة معاهم ميعاد غذاً الخميس 26 / 2 / 2015م في الكلية .. عشان أقرأ لهن رسائل الماجستير الخاصة بهن( فتحية - شيماء -نعمة ) .. أحب أقول لحضراتكم .. أنه .. حصلت ظروف خارجة عن إرادتي .. ومش حاقدر آجي في الميعاد.. وأنا كلمت فتحية كتير على موبايلها .. وهي مبتردش.. وانا معرفش موبايلات حد فيكوا إلا موبايل فتحية .. من فضلكم .. اللي تقرأ هذا التنبيه منكم .. تكلم باقي زميلاتها.. عشان .. محدش يروح الكلية .. على الفاضي.. وكل واحدة منكم تشوف البوست ده ..تكتب هنا .. تحت البوست ده.. أنها عرفت وبلغت زميلاتها .. ضروري ..
-------------------------------------------------------------
د.شهيرة عبد الهادي
الأربعاء 25 / 2 / 2015م

أصبحت أعيش الوحدة بنفس راضية ... بقلم د.شهيرة عبد الهادي

أهو  الحنين ..
لأيام عمري الزائفة ..
أم هي سرابات  وعذابات ..
لأيام  صدقٍ  فائتة .. 
أصبحت  أعيش الوحدة  ..
بنفس راضية ..
في حياة مليئة بالناس ..
 للود ناكرة ..
تعتقد أن مكرها وكذبها ..
هي مشاعل  النجاح..
في حياة فانية ..
إني أزدري ..
كل ما  لديهم  من..
أقنعة الزيف ..
والكذب الماكرة ..
---------------------
د.شهيرة عبد الهادي
3 / 3 / 2015م
الإسكندرية
مصر الحبيبة 

لك الله يا مصر .....

وهذا يحدث بعد ثورة 25يناير 2011م .. التي مات فيها شباب نقي طاهر نبيل ..خرج وقتها ..من أجل الله والوطن ..لا يريد كرسياً في برلمان ولا رئاسة لميدان ..
حوارت في الإعلام المصري ..مع أحد رموز الحزب الوطني الذي قامت عليه الثورة أساسا وراقصة .. حول .. ترشحهما لمجلس نواب مصر ..