واجب وأوجب وعجيب وأعجب وصعب وأصعب .. الإمام الشافعي

حكايتي مع السباك ...بقلم د.شهيرة عبد الهادي

حكايتي مع السباك :
=============
إلى الناس العسل.. اللي كانوا زعلانين على السباك .. وبيتهيألهم أن انا بأر عليه .. وبيقولوا: هو كل يوم..مش بيآخد المبلغ ده.. وهو ممكن يمرض ويقعد في السرير شهر وميشتغلش ..ودي أرزاق.. واحنا بنتعامل معاه من باب الصدقة والشفقة..ويا بخت من كان رزقه في بيعه وشراه ووووووو.. وانا مش زعلانة من الرأي ده والله.. بالعكس دا رأي  يدل على نبل أخلاق صاحبه.. وعشان كده قلت الناس العسل.. شوفوا بقى اللي حصل يا ناس يا عسل.. الحوض اللي انتهى من إصلاحه  امبارح..كان.. بيخر مية.. طول الليل.. والناس اللي تحت..اشتكت..شوفتوا بقى.. صنايعية مصر ؟؟؟؟؟؟؟؟؟؟؟؟؟ ..هم دووول بعض صنايعية مصر..لا يمكن يشتغلوا بضمير.. ولازم يسيب شغله ناقص حتة عشان تجيبه.. مرة واتنين.. وكل مرة بفلوس جديدة.. وصدقوني انا باقول الواقع المراللي احنا فيه.. ينقصنا في مصر الضمير..
--------------------------
د.شهيرة عبد الهادي
-----------------
د.شهيرة عبد الهادي

سباك مصري آخر ألاجة .... بقلم د.شهيرة عبد الهادي

جالي سباك مصري .. آخر شياكة .. وآخر أناقة .. ولبسه غالي جداً .. وذوقه في لبسه جميل جداً .. :وماسك في إيده تابلت .. ومعاه تليفون تاتش سامسونج .. ولابس نظارة أحدث موديل .. وبأمانة أنا مش عارفة ماركتها إيه .. ولابس ساعة ولا كلمة .. و لابس خاتم فضة آخر ألاجة ..حتى الشوز لون اللبس وحاجة كده إكسترا.. سلك الحوض في 5 دقائق بالثانية وأخد 80 جنيه وفلسع .. عفواً في كلمة فلسع بس انا باتكلم دلوقتي زي ما كان بيكلمني ههههه .. فعلاً .. له حق يبقى بالشياكة والنظافة دي ..تعالوا بقى شوفوا أصحاب مهن آخرى .. تهتم بالتفكير والبحث العلمي ليل نهار ..وبتفكر في أحوال البلد .. والله ما انا عارفة أقول إيه ؟ .. وده مش أر ولا حاجة .. ولا تقليل من شأن مهنة السباك بجد.. لأنني في حاجة إليه.. كما أنه في حاجة لأصحاب المهن الآخرى ..دا بس تفكير في أحوالنا اللي لا تسر عدو و لا حبيب ..
---------------------------
د.شهيرة عبد الهادي

أنا وردة مصرية .... بقلم د.شهيرة عبد الهادي

أنا وردة مصرية ..
طالعة من  أرض ..
مصر العربية ..
يفوح  أريجي..
في كل خطوة ليه ..
يتنفسه الشرف ..
وتتنفسه العفة  بحذر..
ما أنا بنت مصر الأبية ..
أنثر عبيري ..
في كل مزهرية ..
ينمو شذاي و ينتشر..
في الصيف وفي المطر ..
يوصل لكل ..
مصري ومصرية ..
وكل عربي وعربية ..
في الريف والحضر..
ما أنا وردة مصرية ..
طالعة من أرض ..
مصر العربية ..
------------------------
د.شهيرة عبد الهادي

(كلمتين بالبلدي ) ليه احنا كده يا شعب مصر ؟؟!!... بقلم د.شهيرة عبد الهادي

(كلمتين بالبلدي )  ليه احنا كده يا شعب مصر ؟؟!!
-------------------------------------------------
حقيقة أنا حزينة.. لماذا ؟ .. لأنه ..أثناء ذهابي إلى عملي  أمس الأحد 19 /10 / 2014م.. أخذت المسافة من إشارة الشبان المسلمين.. وحتى باب الكلية  على الترام.. سيراً على الأقدام .. وكان .. أمامي فئات مختلفة من الشعب  المصري الذي  له كل الاحترام والتقدير دائماً وفي كل الأحوال .. يسيرون في نفس الاتجاه .. نحو.. المجمع النظري للكليات   الذي يحوي كليات كثيرة متنوعة ..أو البنك الأهلي  أو لأي مكان آخر  حول المجمع .. لكني رأيت ما يُؤسفني ويُحزنني.. من  بعضهم .. من .. الكبير والصغير .. الرجال والسيدات.. الطلاب والطالبات .. فقد  كانت لفئة  ليست بالصغيرة  منهم .. سلوكيات كلها ..همجية  ..وعدم نظام.. وعدم نظافة ..وعدم احترام للكبير .. كما كان هناك كم  غير معقول من الشحاذين  أو ممتهني حرفة الشحاذة .. الذين لا يظهرون إلا مع بداية العام  الدراسي الجامعي  يجلسون  بجوار سور المجمع  في صورة  تهينهم  وهي صورة غير آدمية .. فقد .. رأيت أحد الطلاب ..بعد أن انتهى من شرب العصير الخاص به .. قام برمي فارغ العصير قصداً في الشارع وعلى مرمى  بصر الجميع .. وباقي  مجموعته  احتذوا حذوه  وقاموا برمي فوارغهم  وهم يضحكون !!! ..رأيت طالباً آخر .. بعد أن استخدم المنديل  استخدامه الشخصي .. قام  بتعليق المنديل على عامود النور الذي على الرصيف ما بين أسلاك هذا العامود  وهو يقوم بعمل حركات تدل على الانتصار وكأنه هزم العامود !! .. رأيت طالبة آخرى   تقوم    برمي   فارغة زجاجة مياه  على الرصيف وهي تضحك   وتتمايل !!.. رأيت وسمعت من  الرجال الكبار في العمر الزمني  .. من يشتمون بعضهم بألفاظ سيئة على مسمع  من كل المارة !!.. ثم  أثناء السير .. هناك من الشباب والشابات  الذين يسيرون  ببطئ .. وإذا طلبت منهم  إفساح المكان ينظرون  إليك باشمئزاز  ويقولون : ماشي يا حااااجة  ماااشي يا حاااج !! .. أو يضربون الحاج والحاجة  بالكتف غير  القانوني  وهم يسيرون بجواره  ولا يحترمون كبر سنه!! .. أو يضربونه  بأغراضهم التي يحملونها !!.. المهم يضربوه  وبضربوه وكأنهم لا يرونه  !! .. ثم عند دخول الطلاب والطالبات إلى الكلية في الصباح   أو الخروج منها  في المساء .. رأيت ما يُحزنني .. هجوم  بصورة عشوائية غير عادية  وبدون  نظام على الإطلاق .. على  مكان  الدخول و الخروج مع أنه مكان ضيق  !!.. رأيت  عند قيام  الطلاب والطالبات  بكتابة  أسماؤهم  في كشوف  ما  لأي  عمل ما .. أنه يحدث   نفس  الشئ.. من  ..عدم  النظام  ..والهجوم  الضاري .. وبصورة  غير عادية من العشوائية .. والهمجية  ..على الكشوف  لدرجة أنهم يُطلقون عليها بمفرداتهم  الجديثة " معجنة " !!.. والكشوف تتقطع   وتتبهدل  وتتسخ  وتتطاير  !! ..  لماذا نحن هكذا  يا شعب مصر ؟.. هل لابد أن يكون هناك من يُنظمنا  دائماً ؟ .. هل لابد أن يكون هناك من يمشينا بالحديد والنار دائماً ؟ .. لماذا لا نكن  نحن منظمين من تلقاء أنفسنا ؟ .. لماذا لا نحترم نظافة الملكية العامة من تلقاء أنفسنا ؟.. لماذا لا تكون أساليبنا وتصرفاتنا حضارية من تلقاء أنفسنا ؟  .. مع أن كل شئ بالنظام وبالهدوء وبالتصرفات والسلوكيات المتحضرة سينتهي في أقل وقت ممكن .. حقيقة .. نحن في مصر .. نضيع  ونهدر أوقاتاً وأوقاتاً .. بسبب ..العشوائية ..والهمجية.. وعدم احترام النظام.. وعدم احترام الملكية العامة   ونظافتها .. هل أصبحنا شعبا قد احترف الفوضى وعشق الفساد ؟ .. يا سادة لن تنتهي الفوضى من حياتنا ..ولن يتم القضاء على الفساد .. إلا  إذا كنا شعباً واعياً فاهماً متحضراً.. حريص على الوقت ..حريص على تنفيذ القانون ..حريص على النظام .. حرام  عليكم والله .. دا  ربنا  سبحانه وتعالى   قد خلق كل شئ ..بنظام .. الصلاة بنطام .. والصوم بنظام ..والعمرة بنظام ..والحج  بنظام.. والزكاة بنظام .. حتى نطق الشهادتين بنظام .. الكواكب تسير في الفلك بنظام .. كما أن كل الأديان  السماوية  قد  تحدثت عن الأخلاق ..والرقي ..والقانون..والدستور.. والنظام .. والنظافة .. ليه احنا كده يا شعب مصر؟؟؟!!!
-------------------------
د.شهيرة عبد الهادي

يا طالع الشجرة - علي الحجار

    


يا طَالع الشجره .. هات لي معاك بُكره
ويكون على قَدي .. وتكون عِينيه سَمرا
العَدل فـ يمِينُه .. والشمس فـ جبِينُه
يِمشي على مَهلي .. و إن تُهت يندَهلي
صَلِّيت جَميع فَـرّضي .. زَكِّيت و مش مَرّضِي
خايف أموت قَبلَك .. ما تلِمنيش أرضي
يا طالع الشجره .. لو جِه معاك بُكره
خَلِّيه يكون ضِحكه .. تِكسي بها الفقرا
--------------------------------------
كلمات : محمد عبد القادر
ألحان وتوزيع : ياسر عبد الرحمن
غناء: علي الحجار

وقال جلال عامر ..............

وخصوصاً إذا كان تعليم زي اللي عندنا ....................

ممكن أستشير حضراتكم .......... بقلم د.شهيرة عبد الهادي

ممكن أستشير حضراتكم
-------------------------
السلام عليكم ورحمة الله وبركاته .. فيه موضوع كده عاوزة آخد رأي حضراتكم فيه .. كنت مترددة اكتب فيه ..بس اتكرر وبجد بصورة غريبة وعشان كده .. حاقوله ومش حاتكسف بقى زي كل مرة .. لأني فعلاً باسترشد بآراء حضراتكم .. وهو..مش عارفة .. لاحظنت أنه كل يوم جمعة .. استغفر الله العظيم ..لازم تحصل  لي حاجة .. وتبقى الأمور متلخبطة معايا .. والنفسية مش هي.. والمود مش هو .. وكل ما آجي اعمل حاجة .. تتلخبط .. وكل ما آجي امسك حاجة تقع مني  تتكسر ..مش عارفة .. النهارده .. كنت باعمل كيكة .. باظت مني .. آجي احط السكر ينطحن .. ألاقي الكبة سابت الجهاز وطارت في الهواء .. آجي اضرب السمنه مع السكر تقوم واقعة مني على الأرض .. آجي أحط المضرب .. يقوم ناطط وسايبني وماشي .. أه والله  زي ما باقول كده .. افتكرت ..إن في مصر .. واستغفر الله..بيقولوا .. يوم الجمعة  ده فيه ساعة نحس؟ ..  استغفر الله .. استغفر الله .. وافتكرت ..لما ..الممثلة اللي اسمها " هالة صدقي" دي  قالت مع مفيد فوزي في برنامجه  مفاتيح : إنه كانت فيه واحدة قريبتهم .. عاملالهم عمل .. إنهم يتفرقوا .. وهم فعلاً اتفرقوا .. ويوم ما اتجمعوا مع بعض ابوهم مات .. وافتكرت الشيخ عمرو الليثي اللي بيجي كتير مع عمرو الليثي في واحد من الناس ..لما اتكلم عن السحر.. وقال :انه موجود  .. بأمانة .. أنا ..مؤمنة بالحسد .. لكن بالساعة النحس  دي .. لا طبعاً .. أستغفر الله .. وبالأعمال .. لا طبعاً .. ولو أن الشيخ عمرو الليثي  ده قال أنها موجودة ومنتشرة .. وكمان  فيه واحدة في الشارع بتؤكد عليها والناس بتخاف منها .. لكن  .. أستغفر الله .. استغفر الله ..استغفر الله .. استغفر الله .. الواحد لا يمكن  يعني  يثق في كده .. ولا يعمل كده .. بس أهو الواحد بيسأل حضراتكم  .. ويشوف ويتعلم .. وربنا يبعد عنا الأذى و المؤذيين والمؤذيات ..  لكن بجد اللي بيحصل كل يوم جمعة ده مش لاقية له تفسير .. وقعدت اقول لنفسي .. جايز عشان الحاجات اللي عليا.. واللي المفروض اعملها كتير ..وانا مش منظمة  وباتلخبط .. وجايز لأني اتأخرت في قراءة سورة الكهف .. وجايز لأن مخي دائماً مشغول .. وجايز لأني باسرح كتير .. وجايز هو نوع من الكسل .. وجايز  انا اللي ست بيت خايبة  ههههههههه .. طب انا  بجد  شاطرة لما باحط حاجة في دماغي لازم اتقنها .. وجايز الواحد مش قادر يقف على رجليه .. أهو باحاول أشوف الأسباب بنفسي .. لكني .. افتكرت لما كنت في السعودية .. كنا كلنا بنشتكي مصريات وسعوديات .. نفس الشكوى من الموضوع ده .. مع أننا  كنا نآخد أجازة خميس وجمعة  .. يعني  كان عندنا براح.. للانتهاء من أعمالنا المنزلية  ..يومي الخميس والجمعة ..ومع ذلك .. كنا  في النهاية مبنلحقش نعمل حاجة .. والكل كان بيشتكي نفس الشكوى ..وكان بيشتكي من اللخبطة اللي بتحصل في هذا اليوم .. مش عارفة إيه رأي حضراتكم ؟ .. وما هو الحل من وجهة نظر حضراتكم ؟..
---------------------------
د.شهيرة عبد الهادي

من عبق الماضي ...... بقلم د.شهيرة عبد الهادي

من عبق الماضي
----------------
حبيت اعمل كيكة.. عشان اثبت لنفسي ان انا ست بيت يعني  ههههه..قعدت افتكر في المقادير بتاعتها .. وانا باحاول افتكر .. قلت ما تروحي ع النت وتجيبي مقادير كيكة وتعمليها وخلاص .. رحت وجبت المقادير.. وانا باعملها .. كان يوم غريب ..المضرب طار مني وانا باضرب السمنة مع السكر .. والكبة  بتاعة الخلاط   وانا باطحن السكر .. سابت الجهاز  وغضبت ومشيت  وطارت في الهواء .. أه والله  زي ما بقول كده.. واتلخبطت مني الكيكة وخسرت  ورميتها   ..  وعملت واحدة جديدة  و  بردوو مسلمتش  .. ما انا ست بيت شاطرة  بقى ههههه.. وكان يوم كله لخبطة في لخبطة ..وهنا  بقى  افتكرت .. إن  جدتي  أو ستي  أم ابويا .. أو تيتة أونينا أو نناه  أو أنَّا أو تتاه أو توته أو تيتي.. بمفردات اليومين دول في زمن  الحداثة .. كانت أمية لا تقرأ ولا تكتب .. لكنها ..  كانت لما تحب تعمل لنا قرص .. ولا بنتسبانيا .. ولا فطير مشلتت ..ولا فطير درة باللبن الرايب و مخربش..  ولا أبوري  بالبيض  أو بالسمنة والسكر ..ولا  أي حاجة ..  كانت بتعمله بالبركة .. يعني ولا مقادير ولاحاجة .. أو تعاير الكمية بإيديها .. ولا كان عندها نت  ولا نتيت ولا ناس بتنتت .. وكانت قبل ما تعمل أي حاجة لازم تصلي الأول .. وبعدين تقوم تعمل الحاجة دي  ..فـ تدخل القاعة الجوانية  في الدار.. والقاعة الجوانية دي كانت في الدور الأرضي من البيت   جنب الشنشار.. وكانت منها للسلم اللي بيطلَّع  للمقاعد اللي فوق في الدور التاني من الدار  ..وكان بيبقى فيها  كل  خزين البيت   .. الدقيق والرز والزيت والسمنة والبيض والسكر والشاي وووو .. و كانت ستي قبل ما  تآخد  الدقيق  .. كانت بتقعد تتشاهد عليه .. وتقعد تقرأ عليه قرآن كريم .. فقد حفظت القرآن   سماعي  من  جدي خريج الأزهر الشريف.. واللي كان بيحفظهولها كل يوم  .. وكانت  وهي بتعجن  وتقَّرص القرص متخليش حد يشوفها .. وطول ما هي بتعجن في العجين وهي بتقرآ في القرآن .. وكانت القرص اللي بتعملها .. والله  ما دقت حلاوة طعمها في أي حاجة كلتها   لغاية النهاردة .. الله يرحمك يا ستي .. كانت  البركة  والقرآن  الكريم .. وراء كل أكلة جميلة بتعمليها ..  ستي  الله يرحمها .. عمرها ما قطعت الصلاة .. حتى وهي في آخر أيامها ..عندما فقدت القدرة على التحكم في العمليات الفسيولوجية .. وكانت تنسى  كل حاجة  في الدنيا .. ما عدا.. الصلاة .. تقوم تصلي في ميعاد آذان كل صلاة ..وفقاً للساعة البيولوجية  اللي جواها ..والله يرحمك يا جدي.. كان راجل طيب قوي والله.. كان حريص على أنه يحفظ ستي القرآن .. وحريص على أنه  يخلينا نصلي  .. كان لازم يصحينا نصلي الفجر.. ويجيب لينا الفول والطعمية  من عند الخالة "صنصف"  وهو   ده اسمها  "صنصف" .. إلى جانب قرص ستي المشهورة الصبح عشان نفطر.. ووقت صلاة الضحى كان يجيب لنا ترمس  من  تحت الريح ..من عند الخالة "سكر" أيوه  هي اسمها سكر .. وتحت الريح في قريتنا .. كان  زي الشانزليزيه  كده يعني  ههههه .. ولا خليها  زي  المنشية  احسن .. بس كان   في بلدنا الريفية الجميلة .. اللي بقت دلوقتي ولا ريفية ولا حاجة ..  واحنا  في اسكندرية  اللي  بقينا ريفيين ..والريف  بقى بندري .. والدنيا اتلخبط حالها  واتقلب موالها .. والبركة قلت .. والدين بقت الناس بـ تتاجر بيه .. بدلاً  من  أن تحتذيه ..
--------------------------
د.شهيرة عبد الهادي

ف الغابة ضباع ... بقلم عماد طنطاوي

ف الغابة ضباع
وأسد طماع
مليانة بناس بتدوس على ناس
والقوة أساس
لو فيها ضعيف
بيموت وخلاص
ولا حد بيعرف مات إزاى
ليه دايما نكره صوت الناى؟
علشان مهموم؟
طب قولى الدنيا دى كام مظلوم!!!
أنا مرة حبيبتى قالتلى حكاية
ما أنا دايما كنت بصدق لما تقول
لو حتى جابتلى صباع الموز وقالتلى دا فول
كان بلبل مات على شجرة توت
والدنيا سكوت
والأرض بتعجن قبل الفجر خبيز الموت
وتلون ريش المطر النازل أسود فاتح
ف يطير ويرفرف حزن حزين
على إيد الأرض اللى بتعجن
وعجيبة يا دنيا بتتلون حسب الأحوال
المطر الصبح بيزرع تحت الشمس حياة
وف عز العتمة بينزل يدفن
الحية السودة أم الاجراس بتدق طبول
وفيران الأرض بتحفر قبر
والعش الل حاضن إيد البلبل
بيعشى عياله اللى إنفطروا بكلام الصبر
والموت أقدار
والدود بيسن سنانه بمبرد جوع
ومخبى عياله ف قلب فروع
والدفنة ضرورى قبل الفجر
دا الليل ستار
والأسد النايم على شجرة
مستنى مراته بكيس الأكل
بيحب الدنيا هدوء
وبيكره صوت الثوار
قرآن الفجر بيبدأ شيخ الجامع سرده
والوقت بيسرق كل الناس
الصاحى عشان الجوع بيعذب جوفه
والصاحى عشان بيفارق كل ماعنده
وطابور الموت بيسابق دولا ودول
وبيدخل عش البلبل ياخده
وبيبدأ وتر الحزن العزف
للموت ألحان
البلبل مات
والدفنة مافيش ولا واحد فيها
يمكن علشان الميت كان غلبان
فالكل نسيها
وبتشرق شمس الصبح كأن ما كان
وبيصحى الأسد النايم يبدأ يومه
لا بيسأل مين
ولا حتى بيعرف ليه وإزاى
وشوية بيطلب حبة شاى
وبيعدل بيها دماغه المايله
وبشبه امبارح انه بيحلم ان ف واحد مات
فبيشرب حتى الشاى بسكات
ويكمل نومه
وبيفضل حزن الناس مكتوم
وبتمشى الدنيا زى ما تمشى
وكل مايجى الليل ويعدى يموت مظلوم
ولا حد بيعرف ليه وإزاى
وكفاية بيفضل وجع الموت فى ضلوع الناس
والاسد النايم مستكفى بجراية العيش من ست
مع حبة شاى
-------------------------
كلمات : عماد طنتطاوي

أعلنت عليكَ الحُب يا وطني ... بقلم د.شهيرة عبد الهادي

أعلنت عليك الحُب يا وطني
------------------------------
أعلنت عليك الحُب  يا وطني ..
وأعلم أن الحُب وحده ..لا يكفي ..
وأن كل كياناتي  ..
لنار خوفي عليك ..لا تُطفي ..
فـ قررت  من اليوم .. 
وإلى الآتي من عُمري  ..
أن أعمل لكَ بإخلاصٍ .. بإتقانٍ ..
وبكل عمل ٍ  جادٍ .. مُجدي  ..
وأن يكون ضميري الحي ..
هو مسلكي الأبدي ..
فـ أملي أن  تنهض يا وطني ..
لـ تحيا  أنتَ .. و لغيرك تُحي ..
-------------------------
د.شهيرة عبد الهادي

والتعليقات لحضراتكم ...........

دي ..صورة ملالا يوسفزاي الباكستانية الحاصلة على جائزة نوبل للسلام لعام 2014م.. مع اليمنية توكل كرمان التي حصلت على نفس الجائزة سابقاً ..
والإثنان يلوحان بـ علامة رابعة ....
والتعليقات لحضراتكم .....
----------------------------
د.شهيرة عبد الهادي

الوضوح .............

وأنا أحبك على ما أنت عليه .............

وعجبي ...........

وعجبي ............

المبادئ يجب ألا تتغير ............

عندما لا نجد سامعين لأحزاننا ...............

عندما لا نجد من يسمع شكوانا .. ويتعاطف مع بلوانا .. ويشاركنا   الحزن  اللي جوانا  ..
تتبدل ملامحنا .. إلى  ملامح  مُثقلة  حزينة  .. تُشبه ..أوجاعنا  وبلوانا ..

يُحكى أن ...................

ديننا دين سعادة ... دأحمد عبسى العصراوي

إشمعنى دلوقتي ؟؟؟؟؟؟؟... بقلم د.شهيرة عبد الهادي

هو ليه دلوقتي الإعلامي أسامة كمال بيهاجم الأستاذ محمد حسنين هيكل والدكتور أحمد زويل في برنامجه القاهرة 360 على قناة القاهرة والناس ؟؟..
وليه دلوقتي المحامي فريد الديب بيهاجم الأستاذ محمد حسنين هيكل في برنامج على مسؤوليتي مع أحمد موسى على قناة صدى البلد ؟؟ ..
مش كان الكل قبل كده بيقول على محمد حسنين هيكل إنه الأستاذ وأنه من مهندسي 30 / 6 وووو 3/7 !!!!..
وكمان كان فيه ناس عاوزة أحمد زويل يرشح نفسه لرئاسة مصر!!!..
آهٍ وأه .. إشمعنى  دلوقتي  ؟؟؟
-----------------------------
د.شهيرة عبد الهادي

(كلمتين بالبلدي) : إنه كفيف ولكنه أفضل منك يا مُبصر ...بقلم د.شهيرة عبد الهادي

إنه كفيف لكنه أفضل منك يا مُبصر
----------------------------------
بمناسبة يوم العصا البيضاء اليوم الأربعاء 15 / 10 / 2014م .. كان فيه كفيف جميل من الصعيد إسمه محمد .. مع منى سلمان على قناة دريم.. الأستاذ محمد الكفيف متفوق في الكمبيوتر إلى حد كبير جداً .. ابتكر طريقة صوتية لتعليم المكفوف ..عمل برامج يمكن كتير من المبصرين معرفوش يعملوها .. قال كلام .. أحزنني .. قال : وهو جاي البرنامج وماسك العصاة البيضاء في إيده .. واحد مصري مسلم لما شافه.. قال له وسمَّعه: الحمد لله الذي عافانا مما ابتلى به غيرنا .. و واحد تاني مصري مسلم بردوو قال له وسمَّعه : لما انت كده جاي لوحدك ليه .. بالذمة ده كلام يتقال .. بجد حاجة محزنة .. وده اللي انا باتكلم عنه دائماً .. طيب إنت يا مسلم يا مصري ..مش قادر تساعده .. يا أخي ساعده بسكوتك .. ليه تسمعه كلمة زي دي.. ليه بعض العرب المسلمين أجلاف مبيحافظوش على شعور الغير.. هم حافظين وخلاص .. يعني مفيش ذوق خالص .. ومحدش من اللي بيتفلسفوا يقولي دي في الدين .. ومتكليمناش عن الإيتكيت .. لأن ده مش إيتيكيت ولا حاجة .. لأ .. ده من صميم الدين .. لأن الدين رحمة .. الدين حنان .. الدين عدم جرح مشاعر الآخرين .. مش عارفة بعض المسلمين ليه كده .. ينادوا على الناس بكلمات .. على ده يا أعمى .. وعلى ده يا أعرج .. وعلى ده يا أعور .. ألفاظ الواحد بيتعب منها .. ولو.. اتكلمنا يقولوا : إدرسي دينك وهو ده دينك .. والله الدين براء من مثل هذه الشخصيات .. شئ محزن و لا يُحتمل بجد ..
------------------------
د.شهيرة عبد الهادي

نعم ما زلت أجتر ذكرياتها وأعيش خيالاتها ... بقلم د.شهيرة عبد الهادي

يتهمونني  بأني دائماً ..أجتر ذكريات ثورة  الثمانية عشر يوماً  في الميدان ..والآمال المعقودة عليها ..من الثلاثاء 25 يناير 2011م وحتى الجمعة 11 فبراير 2011م .. وأنني ما زلت أعيش  في خيال هذه الأيام .. وأقول : نعم .. ما زلت أجتر ذكرياتها .. نعم ما زلت أعيش خيالاتها .. على أمل .. أن تتحقق أهدافها .." عيش ..حرية ..عدالة اجتماعية ..كرامة إنسانية ".. وأنا على قيد الحياة .. فتعوضني الكثير .. عن آلام  المعاناة  من ظلم .. ممن  .. لم  يكن إنساناً  .. ولم تكن لديه ذكريات إنسانية  ليجترها .. ولم يكن لديه خيال إنساني ليعيشه ..
----------------------
د.شهيرة عبد الهادي

الله على روعة وبساطة وحكمة الكلام ده.............

إرهاصات ومش عارفة آخرتها إيه ؟؟.... بقلم د.شهيرة عبد الهادي

أنا ملاحظة أن .. برنامج مانشيت ..على قناة أون تي في .. عمَّال يجيب تجاوزات صارخة للشرطة مع أفراد الشعب العاديين .. وآخرها .. امبارح في حلقة ..الثلاثاء 14 / 10 / 2014م .. مش عارفة ليه ..هل هو فعلاً بيعرض لمشاكل المجتمع اللي انا ملاحظة أن كل البرامج بقت تنهج نهجه ؟ .. والا فيه حاجة تانية؟ ..بدون سوء ظن  .. ويا ريت محدش يفتكر أني بادافع عن الشرطة ولا حاجة من دي ..لكن ده خلاني أفتكر أن مكنش ليه أنا على المستوى الشخصي.. أي خبرة مع الشرطة المصرية.. إلا خبرة واحدة وكانت إيجابية ..وهي.. وانا كنت طفلة في إعدادي .. وكنت ماسكة كانتين الفصل بتاعي .. وكنت بالم فلوس من زمايلي وزميلاتي عشان نشتري .. أقلام ملونة وورق زينة ..عشان نزين فصلنا ونعمل مجلات حائط .. وكده يعني .. ورحت اشتريت الحاجات دي من دكان .. ودفعت الفلوس .. وأخدت إيصال ..ولما روحت البيت .. بافتح الحاجات دي .. لقيت البضاعة وحشة وكمان كان الراجل سارقني .. مش فاكرة هل أنا خفت اقول لبابا وماما .. والا انا كنت عاوزة أحل مشكلتي بنفسي .. المهم.. أخدت بعضي تاني يوم ورحت إلى مأمور المركز .. حكيت له اللي حصل.. والمأمور كان أب بجد معايا .. وبعت وجاب الراجل صاحب الدكان ..وخلاه.. خد البضاعة .. وجاب بضاعة أحسن منها.. وكمان رجع الفروس اللي سرقها .. ورجعت للفصل واديت ليهم الحاجات من غير ما اقول أي حاجة .. جايز لأني كنت حاسة أن دي مسؤوليتي .. وجايز كنت عاوزة أطلَّع  نفسي يعني بنت شاطرة  قدام زمايلي .. مش عارفة  بجد.. ومحكتش الموضوع ده لأي حد إلا النهارده بجد لما افتكرته .. مع ملاحظة أني سافرت من مركز لمركز .. لأن مدرستي كانت في مركز ..والراجل اللي اشتريت منه كان في مركز تاني خالص .. معرفش .. بابا كان طول عمره .. ميحبش يروح أقسام شرطة ولا حاجة ..ومكنش يحب المشاكل .. وكان لما تحصل له مشكلة وده كتير زي كل الناس .. كان بيبعت  يجيب أهله .. ويحل المشاكل بطريقة  ودية  وبطريقة قاعدة كبارات البلد.. وانا طلعت زيه بعد كده .. معرفش هل ده خوف من بابا ؟ .. وانا اتعلمت الخوف  منه بالتبعية ؟ ..ولا ده كان صح ؟.. ولا ده كان خطأ .. بس بصراحة دلوقتي باحس انا بابا الله يرحمه .. كان له حكمة في حاجات كتير .. احنا كأسرة .. أو بابا بإسلوبه ده .. كان ملتزم قوي .. يعني بيمشي زي ما كتاب الدولة بيقول .. وميحبش يخالف أبدأً .. إلا لما كان يعند مع رئيس له متعنت ولا حاجة  وبرده   في النهاية  يحل الموقف  بالطريقة الودية !!.. ويا ترى ده كان صح والا غلط ؟.. ويا ترى كان ده عشان ميحتكش بالشرطة مثلاً ؟ .. طيب واللي حصل معايا من الشرطة لأنه كان جميل بجد وخبرة جميلة بجد ؟ .. ويا ترى الشرطة زمان كانت غير دلوقتي ؟ .. والا إيه الموضوع ؟ ..بس بردوو   وبالرغم  من جمال الخبرة دي .. كان دائماً عندي تحفظ من الشرطة!! .. بينما عندي حب شديد لجيش مصر !!!.. لا أدري ؟  هل هو موروث  ثقافي ؟ هل هو تأثير  عوامل مجتمعية ؟ .. هل هو  تأثير متراكم   لعوامل إعلامية ؟ ..  أهي إرهاصات ومش عارفة آخرتها إيه!!!
-------------------------
د.شهيرة عبد الهادي

(كلمتين بالبلدي ) وسنستمر في العمل من أجل مصر ... بقلم د.شهيرة عبد الهادي

نعم هناك مظاهرات في الجامعة .. نعم هناك ازدحام شديد في المواصلات ..و الطرق متوقفه وشبه جامدة .. بسبب تلك المظاهرات .. وأصبحنا نذهب إلى كليتنا قي 3 ساعات ..ونعود منها في 4 ساعات . نعم نشعر بإرهاق غيرعادي.. لكننا لم نتوقف عن العمل ولن نتوقف عن العمل.. وبدأناه فعلاً من أول يوم دراسة.. من يوم السبت 11 / 10/ 2014م .. تنظيم مواعيد .. إلقاء محاضرات ..إرشاد طلابي .. سيمنار علمي .. وسنستمر في العمل .. من عنده ضمير .. سيضع مصر في عينيه .. ولن تُغلق الجامعات المصرية ..كما يُنادي البعض من الشعب الذي لا يريد أن يعمل ..وبعض من النخب ورجالات الإعلام المنافقين ..الذين لا يبحثون إلا عن مصالحهم الشخصية .. وطلابنا في عيوننا لأننا بدونهم لا نساوي شيئاً .. نراعيهم بالعمل والتعليم الجاد .. نعم ننتقد الأوضاع من أجل اصلاح مصر .. لكن لا نسعى لهدم مصر .. ‫#‏ولـ_تحيا_مصر_الأشخاص_زاائلون__ومصر_باقية_‬

(مواقف حياتية ) سلوكيات من الواقع المرير ... بقلم د.شهيرة عبد الهادي

(مواقف حياتية) : سلوكيات من الواقع المرير
-------------------------------------------------
سكان بعض العمارات المصرية .. كل مالك شقة أومالكة شقة .. يهتم جداً بنظافتها ويخليها عروسة .. يُغير دائماً من أثاثها .. ويأتي بالأحدث والأجدد.. يغير من بلاطها وسيرامكيها ومن دهانها وكمان ممكن يعملها خشب.. ثم يضع .. أمام شقته -وآسفة للألفاظ لكني أرصد الواقع المؤلم- مليون شبشب وجزمة .. وأكياس زبالة بتخر مية معفنة ويسيبها على السلم بالأيام .. وكمان يضع صفيحة زبالة فيها مخلفات تانية ..وكراتين فاضية وقطع خشب مستهلكة ..وحتت قماش لزوم مسح الجزم والشباشب .. ويضع كمان مقشة وجردل ومساحة .. وكل الأجهزة القديمة اللي اتخلص منها على السلم وأمام شقته .. ناهيك عن رمي المناديل ورمي أعقاب السجاير وأغلفة البسكويت وبوزو وميزو واللي بالجبنة واللي بالطماطم على السلم و كمان بيبصقوا عليه .. ومش بس كده دا ممكن يحطوا زبالتهم كمان قدام شقتك.. وكمان ينفضوا السجاجيد على السلم .. وكمان يغسلوها ويحطوها على بسطة السلم ويسيبوها تخر مية بالأيام .. كمان بيحطوا زبالتهم في دخلة العمارة  ومكان إيه بقى مكان أحواض الزهور.. وكمان بيسيبوا مخلفات خروف العيد بالأيام والليالي في دخلة العمارة بعد انتهاء العيد بزمان .. ومهما تتكلم معاهم مفيش فايدة.. لا احترام للجار ومشاعره ولا احترام للملكية العامة  .. وآدي يا سيدي بعض السلوكيات لبعض المصريين المسلمين .. مع أن كل الأديان السماوية نهت عن إيذاء الجار والرسول عليه الصلاة والسلام قد أوصى بالجار.. نعمل إيه .. لله الأمر من قبل ومن بعد .. والآخر نقول عاوزين مصر تتقدم ..
----------------------
د.شهيرة عبد الهادي

محمد عبد المطلب - يا اهل المحبه - جودة عالية - HD

(كلمتين بالبلدي) احترت واحتار دليلي ... بقلم د.شهيرة عبد الهادي

 (كلمتين بالبلدي):احترت واحتار دليلي
-------------------------------------
مفيش فايدة .. فئة  ليست صغيرة من  الشعب المصري .. متخصصة في صناعة .. الفرعون .. وتقعد .. تتمحلس .. وتمسح جوخ .. وتنافق رئيسها..لغاية ما تعمل منه فرعون فعلاً .. وده بيحصل على كل المستويات .. بداية  من  خولي  الأنفار  في الغيط ..مروراً.. بكل المناصب .. حتى أكبرها.. وفي نفس الوقت .. كل اللي  عاوز من  الـ " كبارات "  دوول .. يبقى صاحب منصب .. يقعد يتمحلس  للي تحت منه  لغاية ما يآخد المنصب ده.. وأول ما يآخد المنصب ..بيكون عاوز يبقى فرعون فعلاً..و يبدأ يتحكم في خلق الله .. ويتصرف تصرفات صغيرة قوي  .. ويبدأ يتجاهل كل من أوصله لهذا المنصب.. وأهم حاجة عنده أنه  يحافظ على منصبه وكرسيه .. الواقع مؤلم للغاية .. والحياة الواقعية صعبة  ومحزنة للغاية .. تلاقي .. طول ما انت قاعد ..تشوف .. سلوكيات غاية في الضآلة .. ده داخل على صاحب المنصب.. يآخده بالحضن  وهو مبيطقوش  أساساً .. ودي داخلة عليه .. تقول له .. شفتك امبارح في الحلم وكنت لابس أبيض في ابيض  يا بختك .. وده  يشوفه يقول له .. والله واحشني .. وهو كان لسة معاه  من ساعة .. ودي عمَّالة تقول له .. أنا  بابايا  مات  وانت بابا بقى دلوقتي .. ودي عمَّالة تقول له : انا مامتي ماتت  وانت  مامتي  من دلوقتي .. ودي بتقول له ..أنا باقلك كل حاجة قبل ما باقولها لأي حد في بيتي  شوف معزتك عندي بقى يا بويا .. وده يقول له  .. أنا بحبك عشان انت شبه جوز خالتي.. وده يقوله : إسم جدي على إسم عيلة سيادتك العريقة  .. و ..  وده يجيب له  بسكوت .. وده يوصلوا بالعربية .. ودي تديلوا شيكولاته .. وده يديلوا منديل.. مع إنه مش محتاج  يعني .. لأنه مظبط أموره كويس قوي  يعني .. واللي بينافقوه بحاجات  أفظع من ذلك عشان يآخدوا اللي عاوزينه .. وبعد ما يخرج من المنصب .. أو بعد ما يآخدوا منه اللي كانوا عاوزين يآخدوه  منه .. وده بيحصل كتير .. يلعنوا   سلسلفيل جدوده ..ويبدأوا  يشهروا  بيه .. ويقول عليه ما قال مالك في الخمر.. وإنه كان بيستغلنا  وإنه وإنه وإنه .... إلخ  .. وبعد إيه .. بعد ما تكون الدنيا خربت .. وبعدين فيه حاجة غريبة جداً في الفئة دي .. مبيعرفوش يفرَّقوا .. بين الأدب والأخلاق  والذوق والطيبة  في المعاملة  .. و بين النفاق.. ليه بقى  ..  عشان كلهم بينافقوا بعض .. فـ لما يلاقوك .. مؤدب محترم عاوز تعيش في سلام .. يبدأوا ينغصوا عليك عيشتك .. ويتصرفوا تصرفات   غاية في التدني ..  شئ مقزز ويؤدي إلى الشعور بالغثيان   وتصرفات متدنية ..يبدوا .. أنها جينات   في بعضٍ من  الشعب المصري ومن المستحيل تغييرها .. بجد.. احترت واحتار دليلي .. ويبدوأ .. أنه .. فعلاً .. مفيش فايدة ..
----------------------
د.شهيرة عبد الهادي

نعم نعم نعم .. وعن تجربة ...............

إياك حد يلغي صداقتي هههه.. عموماً .. هي ابتسامة مع خبر مع ألم مع قضية فيسبوكية مجتمعية تحتاج الدراسة

طفل يتيم لقيط الأحبة .. من يشتريه ؟................

( مواقف حياتية ) موقف حياتي من الواقع فعلاً يحتاج رأي حضراتكم فيه .... بقلم د.شهيرة عبد الهادي

( مواقف حياتية ) موقف حياتي من الواقع  فعلاً  يحتاج  تفسير حضراتكم ليه ؟ورأي حضراتكم فيه ؟..
-----------------------------------

سكان عمارة واحدة  من المصريين .. كل واحد فيهم ..لما بيسمع راديو التاني بيذيع قرآن .. أو تليفزيون التاني بيذيع قرآن .. أو بيذيع مادة آخرى .. بيروح يشتكي لبقية السكان .. إن صوت الراديو عالي.. وإن صوت التليفزيون عالي.. وعاوز  يعمل خنانقة مع جاره بأي طريقة .. وهم فعلاً .. اتخانقوا مع بعض كلهم بالتتابع ..  جالهم واحد في الشارع قدامهم .. قام ببناء عمارة  كده   في شهر  زي الموضوع اللي  بيحصل  في جميع أنحاء مصر منذ قيام ثورة يناير ..والعمارة فيها من تحت محلات خاصة بيه  شخصياً .. هو من ساعة ما العمارة  خلصت .. بقى ليل نهار .. بيشغَّل القرآن بصوت عالي جداً جداً جداً.. لدرجة إن صوته بيوصل  إلى داخل كل حجرات شقق هؤلاء السكان البعيدة خالص خالص خالص جوة  في شققهم .. وفي الأدوار العليا كمان .. وكمان بيسيب القرآن بصوته العالي ده شغَّال  .. طول  الليل والنهار  .. وكمان بيسيبه شغَّال  ليلاً  طول الليل ..بعد ما بيقفل المحلات في الليل خالص ..  يعني  بيقفل  محلاته ..والقرآن شغَّال حتى صباح اليوم التالي وهكذا كل يوم وليلة .. ليه بقى  السكان دول .. مبيشتكوش من الراجل ده  ؟.. ليه مراحوش اتخانقوا معاه زي ما بيتخانقوا مع بعض ؟.. والا مثلاً هو له ظهر في الحتة وهو من كبارات الحتة ؟ ..  وعشان كده خايفين منه ؟..طيب مش ده عيب بردوو ؟ .. أنهم يمسكوا في خناق بعد !! ..  وما بيحفظوش على بعض !!.. ويبضايقوا في بعض  علطول !!.. وميقدروش يتكلموا مع  الراجل ده ؟ .. ولا إيه بالظبط ؟ .. ما تفسير حضراتكم بجد للموقف ده  ؟ .. ونسمى اللي بيعملوه  ده في بعض  إيه ؟ .. ونسمي موقفهم ده إيه ؟ .. مع العلم بأن الموضوع ده بقالوا  سنة .. من ساعة  هو  ما خلَّص بناء العمارة بتاعته ؟؟!!.. وآدي  يا سيدي عينة من سلوكيات بعض المصريين !! ..اللي  لو بصينالها  ممكن  نلاقي  أن  فيه تشابه ..أو أنها صورة مصغرة للي حصل في مصر  من أيام الثورة ولغاية دلوقتي    !!..
----------------------------------
د.شهيرة عبد الهادي

للأسف .. تلك .. قد افتقدناها ...

إنه المُنافق ...

كل عام دراسي جامعي جديد وحضراتكم بألف خير .. بقلم د.شهيرة عبد الهادي

كل عام دراسي جامعي جديد وحضراتكم بألف خير
---------------------------------------------------------
غداً السبت 11 / 10 / 2014م أول أيام العام الجامعي الدراسي الجديد في مصرنا الغالية .. كل عام وحضراتكم بألف خير.. أساتذتي وأستاذاتي ..زملائي وزميلاتي ..طلابي وطالباتي ..إخواني وأخواتي .. الموظفين والموظفات .. والمسؤولين عن الأمن والمسؤولات ..ولمن لا نستغنى عنهم أبداً.. كل العاملين والعاملات بالكلية .. وكل شعب مصر .. وأقول لطلابي وطالباتي: أنتم في العين والقلب أنتم زهور قلبي .. اللهم اجعله عام دراسي سعيد مجيد وبالخير جديد .. اللهم احفظ مصر.. اللهم احفظ جامعات مصر.. اللهم احفظ كل مؤسسات مصر.. مُتطَّهرة طاهرة من الفساد والمفسدين ..مليئة بالنبلاء وأولاد الأكرمين ..
---------------------------
د.شهيرة عبد الهادي.

نعم بالعدل والحق تستقيم الأمم ....

أمس اتصلت بالأمل ... أحمد مطر

عليك أنت .. تغيير .. طريقة تفكيرك ..

ما أنت عليه .. والمكان الذي أنت فيه .. هو نتاج  تفكيرك ..
لكي تغير ما أنت عليه .. والمكان  الذي أنت فيه ..
عليك أنت .. تغيير .. طريقة تفكيرك ..

وهذا يتطلب مقومات معينة في الشخصية .............

الإمام الشافعي ...........

وليس للقلبِ غذاءٌ.. سوى.. استشعار معاني كلمة أحُبك .. بقلم د.شهيرة عبد الهادي

وليس للقلبِ  غذاءٌ  .. 
سوى .. استشعار ..
معاني .. 
كلمة .. أحبك ..
--------------------
د.شهيرة عبد الهادي

ألف مبروك يا أحلى بنات ... بقلم د.شهيرة عبد الهادي

    المجموعة الرائعة دي :إتخرَّجت: السنادي:2014م:من أجمل الدفعات اللي شفتها:كلهم تقريباً متفوقات مؤدبات :وإنشاء الله فيه منهم: حيكونوا: معيدات في الكلية:يعني عضو هيئة تدريس في الجامعة مستقبلاً: ألف مبروك يا أحلى بنات
    ======================
    قِف بالممالكِ وانظر دولة المالِ
    ====================
    قِف بِالمَمالِكِ وَاِنظُر دَولَةَ المالِ ... وَاِذكُر رِجالاً أَدالوها بِإِجمالِ..
    وَاِنقُل رُكابَ القَوافي في جَوانِبِها ... لا في جَوانِبِ رَسمِ المَنزِلِ البالي..
    ما هَيكَلُ الهَرَمِ الجيزِيِّ مِن ذَهَبٍ ... في العَينِ أَزيَنَ مِن بُنيانِها الحالي..
    عَلا بِها الحِرصُ أَركاناً وَأَخرَجَها ....... عَلى مِثالٍ مِنَ الدُنيا وَمِنوالِ..
    فيها الشَقاءُ لِقَومٍ وَالنَعيمُ لَهُم ...... وَبُؤسُ ساعٍ وَنُعمى قاعِدٍ سالي..
    وَالمالُ مُذ كانَ تِمثالٌ يُطافُ بِهِ ...... وَالناسُ مُذ خُلِقوا عُبّادُ تِمثالِ..
    إِذا جَفا الدورَ فَاِنعَ النازِلينَ بِها ....... أَوِ المَمالِكَ فَاِندُبها كَأَطلالِ..
    يا طالِباً لِمَعالي المُلكِ مُجتَهِداً ...... خُذها مِنَ العِلمِ أَو خُذها مِنَ المالِ..
    بِالعِلمِ وَالمالِ يَبني الناسُ مُلكَهُمُ ... لمَ يُبنَ مُلكٌ عَلى جَهلٍ وَإِقلالِ..
    سَراةَ مِصرَ عَهِدناكُم إِذا بُسِطَت ... يَدُ الدُعاءِ سِراعاً غَيرَ بُخّالِ..
    تَبَيَّنَ الصِدقُ مِن بَينِ الأُمورِ لَكُمُ ... فَاِمضوا إِلى الماءِ لا تُلووا عَلى الآلِ..
    لا يَذهَبِ الدَهرُ بَينَ التُرَّهاتِ بِكُم ... وَبَينَ زَهرٍ مِنَ الأَحلامِ قَتّالِ..
    هاتوا الرِجالَ وَهاتوا المالَ وَاِحتَشِدوا ...رَأياً لِرَأيٍ وَمِثقالاً لِمِثقالِ..
    هَذا هُوَ الحَجَرُ الدُرِّيُّ بَينَكُمُ ........ فَاِبنوا بِناءَ قُرَيشٍ بَيتَها العالي..
    دارٌ إِذا نَزَلَت فيها وَدائِعُكُم ....... أَودَعتُمُ الحَبَّ أَرضاً ذاتَ إِغلالِ..
    آمالُ مِصرَ إِلَيها طالَما طَمَحَت ..... هَل تَبخَلونَ عَلى مِصرَ بِآمالِ..
    فَاِبنوا عَلى بَرَكاتِ اللَهِ وَاِغتَنِموا ... ... ما هَيَّأَ اللَهُ مِن حَظٍّ وَإِقبالِ ..
    -----------------
    أمير الشعراء : أحمد شوقي

أنا مصرية وافتخر ... بقلم د.شهيرة عبد الهادي

أنا مصرية وافتخر..
-------------------
أنا ..
منصورية ؟..
اسكندرانية ؟ ..
صعيدية ؟..
لأ ..
أنا  مصرية..
دا كل حتة من مصر..
موجودة فيا ..
مين زيك انت ..
يا مصرية ..
يا لولاية  منثورة ..
في الدنيا ديه ..
دا انت طول عمرك ..
آية ومضحية ..
ربيتي جيل ورا جيل..
بـ أريحية ..
مين زيك  انت..
يا مصرية  ..
يا نسمة عصرية ..
يا جَمَعة مغربية ..
يا إشراقة صبحية ..
دا انت ..
بتتمني رضا ..
كل مصري ومصرية ..
عشان..
تعيشي بيهم مدّفية ..
وعشان كده ..
باقول واقول ..
انا مصرية ..
وافتخر ان انا مصرية ..
-------------
د.شهيرة عبد الهادي
7 /7 / 2013 مـ

( كلمتين بالبلدي ): خبر هام مر مرور الكرام .. بقلم د.شهيرة عبد الهادي

فيه خبر كده مر مرور الكرام .. قالوه : على قناة القاهرة والناس اليوم الخميس 9/ 10 / 2014م على لسان المذيعة جيسيكا عازر.. وهو .." أن كتابة حيثيات الحكم على مبارك .. سوف يُكلِّف الدولة 600 ألف جنيه حيث أن الحيثيات في 2000 ورقة والورقة بتتكلف 100 جنيه.. لأنها حتتكتب بـ 3 لغات .. لأن كل دول العالم اللي فيها فلوس مبارك.. لازم تطلب الحيثيات دي .. عشان ترجع الفلوس لمصر .." وإلى هنا انتهى الخبر
بجد مش عارفة أقول إيه .. غير إني أقول .. طيب وتكاليف نقله بالطيارة رايح جاي وأكله وشربه ولبسه وعلاجة في مستشفى 5 نجوم لمدة 4 سنين هو وأولاده ونسيت كمان صبغة الشعر.. كل ده كان قليل .. بصراحة مش عارفة اتكلم .. يلا ممكن فعلاً عشان يبطلوا حجج الدول دي وهنا يكون الكلام منطقي ..طيب وهل ده معناه أنه فيه إدانة لمبارك ؟
‫#‏أنا_حاتجنن_من_اللي_بيحصل_في_مصر_‬

التوحيد على أرض مصر قديم جداً .. مقال للدكتور مصطفى محمود

مقال رائع ويجب على كل مصري ومصرية قراءته ليعلموا قدر بلادهم..ولكي يعلمون أن لهم تاريخ مُشرِّف ..فيه  علَّم قدماء المصريين  أجدادنا .. الدنيا  أشياء كثيرة  إن لم يكن قد علَّموهم كل شئ..حيث كانت تجاربهم هي أولى التجارب على مستوى العالم ..وعلى أرضهم كانت البدايات الأولى للتوحيد.. وأيضاً في حضارتهم  القديمة وعلى أرضهم .. كانت الحروب  بسبب كهنة المعابد الذين حرَّفوا  الدين .. ومن أرض أجدادنا  الفراعنة  انتشر  البشر   وتخلَّصوا من  ظلم ناتج عن أيديولوجيات  غير سوية  إلى أراضٍ جديدة ليُعمِّروها .. إن تاريخ أجدادنا  تاريخ كلخ حضارة وعمل وجد واجتهاد .. وإن شاء الله ستبقى مصر إلى الأبد  بفضل الله ثم بفضل عمل وإنتاج أبنائها .. ولذلك علينا أن نسأل أنفسنا السؤال الآتي : ماذا فعلنا نحن في تاريخنا الحديث الآن ؟
----------------------------------
 التوحيد على أرض مصر قديم جداً .

ليس كما يظن البعض أنه بدأ بإخناتون و إنما قبل إخناتون و قبل امنحوتب و قبل مينا .
الرسالات بدأت على أرض مصر منذ اثنتى عشر ألف و خمسمائة سنة .
هكذا يقول المؤرخ مانيتون .

بدأت بأوزوريس ( وهو النبى إدريس ) عليه السلام .. الذي جاء إلى مصر بالتوحيد .. وكان اول من علم المصريين الكتابة بالقلم و لبس المخيط ومباديء الفلك والتنجيم وضبط الفصول والزراعة والتقويم الشمسي .. وعلّمهم أن هناك خالقاً واحداً وأن من يموت منهم سوف يُبعَث ثم يقف بين يديه ليُحاسَب ثم يصير إلى خلود في نعيم أو في عذاب حسب أعماله .. وكعادة الشعوب القديمة تحول ازوريس بعد موته إلى أسطورة وأصبح آلها ونسجت حول سيرته الملاحم والأغانى والأناشيد .

والمهندس سيد كريم فى كتابه المثير ( عقيدة التوحيد ) يرى أكثر من هذا .

إنه يعتقد أن الآلهة أتوم .. وأزوريس .. ونو .. هم آدم .. وإدريس .. ونوح .. فما قيل عن إدريس هو نفس ما قيل عن ازوريس ... فإدريس في التاريخ - كما قلت - هو الذي علّم الناس الكتابة بالقلم ولبس المخيط ومباديء الفلك والتنجيم وضبط الفصول والزراعة والتقويم الشمسي .. كما أن الإله نو .. قد وُصِفَ بأنه إله الماء والفيضان ومُنقِذ البشرية .. وأتوم أو آدم هو أول من نزل الأرض في مبدأ الخلق .

وهو يقول أن أوزير قد يكون هو ( عزير ) النبي الذي جاء ذكره في القرآن وفي التوراة وهو الذي أماته الله مائة عام ثم بعثه فكان المعجزة التي تحولّت إلى أسطورة.... ثم كالعادة تحول إلى إله .
.
ولسيد كريم نظرية خاصة فى التعددية الواضحة فى ألهة الفراعنة الذين بلغ عددهم فى إحصائية العالم بروجش ألفين وثمنمائة إله ... إن هذا العدد فى الأصل ليس ألهة وإنما أسماء وصفات وأفعال لإله الواحد... ويدلل على ذلك بأن كلمة إله فى الهيروغليفية (نتر) معناها اليد القوية وهى صفة وليست شخصاً .
والدليل الآخر والأهم هو ما جاء فى وصف هذا الإله الخالق فى متون كتاب الموتى وفى بردية تحوت وفى بردية ختيا وفى نشيد إخناتون
ونكتفى بهذه الفقرات التى تعبر بأفصح من أى دليل : فى البدء كانت الكلمة والكلمة مصدرها الإله ، إله واحد هو كل شئ كان وكل شئ كائن وكل شئ سيكون ..محال على من يفنى أن يكشف النقاب عن سر ما لا يفنى .. عرشه فى السماء وظله على الأرض .
فوق المحسوسات ومحيط بكل شئ.
موجود بغير ولادة ..أبدى بلا موت.
ويقول الإله فى كتاب الموتى
خلقت الكائنات وأودعت فى كل منها صفة من صفاتى
خلقت كل شئ وحدى ولم يكن بجوارى احد .
بكمتى خلقت ما أريد.
خلقت الارض وما تحتها والسموات وما فوقها والمحيطات وما فى اعماقها والجبال وما فى بطونها .
وبردية أخرى تصف هذا الإله الواحد
.
هو فى مخلوقاته وهو يعلوا عليها جمعياً .
هو يرى ببصره كل شئ ولا تراه الأبصار ويسمع كل همسة ولا تدركه الأسماع .

وفى كتاب الموتى نقرأ هذه الصلاة :
أنت الأول فليس قبلك شئ وأنت الآخر فليس بعدك شئ وأنت الظاهر فليس فوقك شئ وانت الباطن فليس دونك شئ .

وفى متون البرديات القديمة تبدأ القصة هكذا .

فى البدأ كان الظلام والعماء والسكون ولا شئ سوى المحيط.

ومن باطن هذا المحيط المظلم خلق الله نفسه بنفسه وخرج ليفيض النور والحركة على الوجود وكان أول ما خلق هم جنود ملائكة التكوين الثمانية خلقهم من انفاسه ليكونوا حملة عرشه فوق الماء .. والعرش كان هو التاسوع لهؤلاء الثمانية المقدسين ( 9 رقم مقدس عند الفراعنة وكذلك 7 لأن الله خلق كل شئ فى ستة أيام ثم استوى على قمة الوجود فى اليوم السابع)

ويصف كتاب الموتى نعيم الجنة بانه تجرى بها أربعة أنهار .. نهر من الماء الزلال ينبع من عين الخلود ونهر من لبن مقدس يتساقط من ثدى نوت ..ونهر من خمر ذهبى يسيل من آشعة الشمس ، ونهر من عسل مصفى ينحدر من حدائق الجنة .
وسماء الجنة صافية تعكس ألوان الطيف وأرضها خصبة مزدهرة وأشجارها دانية القطوف والثمار وحصاها من الأحجار الكريمة .

مثل هذا التراث الدينى القديم منذ اثنتى عشر ألف سنة لا يمكن أن يأتى من فراغ .
ومثل هذه النبرة الصافية للتوحيد الذى لا يشوبه شرك لا يمكن أن تخرج إلا من مشكاة أنبياء نزلوا مصر وساحوا فيها ينشدون هذه الأنغام الملائكية .. ورسلاً لا نعرفهم ولم يأت لهم ذكر فى الكتب السماوية.
ألم يقل الله لنبيه عن الرسل :
( منهم من قصصنا عليك ومنهم من لم نقصص عليك).
فأى غرابة فى هذا .
أوليس التحريف والتبديل والتغيير هو آفة الكهنة فى كل زمان ..وهم الذين حولوا هذا الركب من الرسل إلى آلهة..ونسجوا حولها الأساطير وحولوا الأسماء والصفات الإلهية إلى أرباب بلا عدد ..ليكون لكل رب قرابين ومعابد وضرائب تجبى من السذج والبسطاء ..ثم كالعادة يدخل كل هذا إلى جيب الكهنة .
ثم جاء الفراعنة الذين سخروا الدين لأغراضهم السياسية واستخدموه سلاحاً للسلطة ..كما نرى حال الفرق التى تلعب لعبة السياسة والدين حولنا اليوم بهدف ركوب السلطة.

ومن هذا الصراع جاء هذا التاريخ المختلط الذى نقرأه زاخراً بهذا الكم الهائل من الشرك والتعدد والوثنية ، وهذه المعارك التى خاضها بعض الملوك الشرفاء بهدف انتشال العقيدة والعودة بها وبالبلاد إلى التوحيد مثل مينا وامنحوتب واخناتون ..وبعد كل انتفاضة يعود الكهنة فينتصرون بمؤامراتهم .. ولا يجد الموحدون مخرجاً إلا الهرب والهجرة والفرار بأنفسهم وهذا ما تحكيه البرديات عن.. السابى ..الذين فروا إلى الجزيرة العربية بعد قتل اخناتون هرباً من الاضطهاد والسابى هم الذين جاء ذكرهم فى القرآن باسم الصابئة { الذين آمنوا والذين هادوا والصابئين والنصارى } فجعلهم اللع مع الناجين يوم القيامة وكذلك قبيلة بنو عبد مناف ..فهؤلاء مهاجرين من منف . ومثلهم قبائل جرهم الذين لجأت إليهم أم إسماعيل.

لقد كانت مصر دائماً أرض توحيد ..وكانت مهد كل الديانات .

ولذلك أطلق عليها الفارعنة اسم جب تاه ( (egypt بالهيروغليفية أى أرض الله.
وهى عندنا كنانة الله فى أرضه ..وهى المحروسة وأهلها فى رباط إلى أن تقوم الساعة .
وجنودها كما قال النبى عليه الصلاة والسلام هم خير أجناد الأرض .
وفى عين شمس ومنذ اثنتى عشر ألف سنة قامت أول جامعة وأول أكاديمية علمية هى جامعة أون.
وفى هذه الجامعة درس أفلاطون وسولون وأرسطو. وفى بردياتها المفقودة كانت أسرار علوم الأطلانطيس ..وأسرار بناء الهرم الأكبر وكيف استطاع علماء ذلك الزمان رفع الحجر الجرانيتى بوزن 75 طناً ليكون سقف غرفة الملكة فى الهرم ..بدون أوناش وبدون تكمولوجيا فقط بالتلاوات وتركيز الهمة واستخدام القوة المغناطيسية الذاتية لإلغاء الجاذبية الأرضية ..وفيها البرديات التى اندثرت عن أسرار الحروف والأرقام وفيها فنون الطلاسم والسحر ..والكثير مما أخذه اليهود وفى كتابهم ..الكبالاه.
ومن طرائف ما جاء فى إحدى البرديات عن الرقم 9 أنه إذا ضرب فى الأرقام 987654321 مجتمعة ( وهى ترمز للملائكة الثمانية وتاسوع العرش الذى يحملونه ) لجاءت النتيجة 01 11 11 11 11 وهى صورة رقمية للملائكة الثمانية والإله الواحد الذى يحملون عرشه.
وفى هذه البرديات أن الانسان الذى خلقه الله على صورته له هو الآخر تاسوع ، فالروح يكون لها استواءعرشى فى الشهر السابع من حياة الجنين تحمها عناصر الحياة الثمانية فى الإنسان وهى القلب والقرين والعقل والظل والطاقة والجسم الأثيرى والجسم المادى والاسم.
ومن أجمل ما قيل عن الآخرة فى كتاب الموتى .
أن الآخرة هى الميزان الذى تعتدل به الدنيا فلا يمكن الموت نهاية كل شئ ، فلابد من بعث وحساب ليكون لكل شئ معنى وللدنيا غاية وللميزان اعتدال .
ولا نهاية لما تحويه هذه البرديات القديمة من علوم وأسرار .
ولا يلزم أن يكون كل ما جاء فيها صواباً .. وإنما هو عرضة لكل ما أصاب هذه الأزمنة القديمة من تحريف وتشويه وحذف وإضافة .
لكن جوهر القضية سليم أن مصر كانت دائماً أرض التوحيد وان التوحيد بها قديم قبل اخانتون وان جميع الأنبياء مروا من هنا وأن أول ما جاءت لا إله إلا الله .. جاءت من هذه الأرض .. وأن التعددية الوثنية كانت صناعة الكهنة وحرفة السياسة وانها لم تكن قط أصلاً من أصول العقيدة المصرية
وعشرات المسلات التى تشير كالإصبع إلى السماء فى كافة أرجاء مصر وبطول وادى النيل تشهد على ذلك الواحد فى السماء الذى تعلقت به القلوب والأبصار إنها مآذن التوحيد ومصاعد الدعاء والتسبيح فى ذلك العصر البعيد
وتراث التاسوع والثالوث والابن الإله الذى يقتل ويبعث ( أوزوريس وإيزيس وحورس) الذى دخل فى اللاهوت الحالى وامتزج بالفكر الدينى يخرج من كهنوت ذلك العصر القديم فالحاضر أخذ معه الماضى بكل ما فيه من حقائق وأباطيل كما يأخذ الإبن ملامحه من أجداده
ونجد فى ذلك التاريخ المصرى القديم كل شئ نجد مرحلة الإقطاع ونجد الثورة الشيوعية الأولى التى أتت فى نهاية الأسرة السادسة عام 2280 قبل الميلاد وطاردت رجال الدين والمثقفين فى منف وأدت إلى الإنهيار الحضارى الأول وإلى هجرة الألوف من العلماء والمفكرين إلى الجزيرة العربية وبابل وفلسطين هاربين من الإضطهاد .. والذين استوطنوا منهم الجزيرة العربية عرفوا بقبيلة بنى مناف نسبة إلى منف وقد أطلقوا على مكة اسم بكة .. وبكة بالهيروغليفية معناها حصن الأمان .. وقد وردت باسم بكة بنصها فى القرآن .
ولم يكن غريباص أن يعيد التاريخ نفسه بدخول الفكر الشيوعى مرة أخرى مصر على يد عبد الناصر ايؤدى إلى القرارات الإشتراكية سنة 1960 وإلى الإنهيار الإقتصادى وإلى هزيمة 1967 وإلى هجرة المثقفين وإلى عشرين سنة من النظام القمعى الدكتاتورى ومن قبل دخلت شيوعية القرامطة بغداد وهدمت الكعبة وقتلت الحجيج وسرقت الحجر الأسود ، وفعلوا ما فعله الخمير الحمر فى كمبوديا اليوم ، وما زال التاريخ يعيد نفسه فى الصين وفى بولندا وفى تشيكوسلوفاكيا وهتاف الطلبة فى بكين فى ميدان تيانان من و هم يغنون أغانى الحرية والدبابات الشيوعية تحصدهم .. أسمعه الآن وكأنى أقرأ بردية مصرية قديمة عن مواكب الظلم والظلام التى لا تتوقف و التى تعيد نفسها مرة بعد مرة عبر التاريخ .. وفى كل مرة يتخذا لظلم لنفسه أيديولوجية وكهنوتاً وكهنة ولكنه هو دائماً وإن اختلفت الأسماء .
ولهذا كان اخناتون على حق وكان عبقرياً حينما قال فى مقدمته عن رسالة العقيدة :
هذه رسالة الإله كما أرادها الإله . فالله يريد أن يخاطب الناس بنفسه بدون وساطة من أحد وبدون كهنوت . كما يقول نبينا عليه الصلاة والسلام : استفت قلبك
الحلال بين والحرام بين .
وكما نقول نحن .. صوت الفطرة .. وصوت الضمير فما أكثر ما فعل الكهنوت بالناس من مفاسد ، وما اكثر ما اضلتهم الأيديولوجيات ، ولو أنهم انصتوا إلى صوت الفطرة فى داخلهم ، ولو انهم استمعوا إلى صوت الضمير ..ذلك السفير الإلهى الذى لا يخطئ ..لما ضلوا ولما أضلوا .
ويستمر النشيد الإخناتونى البديع فى تلك النبرة التوحيدية الصافية .
ونعود فنقرأ هذا النشيد فى مزامير داود .. وأحياناً نصادف نفس الألفاظ ونفس العبارات .. ونفس المعانى .
ولا غرابة.
فقد أخذ الكل من نبع واحد .
من الله الواحد الذى خلق الكون وحده ولم يشرك معه أحدا.
الله الذى يبصر كل شئ ولا تراه الأبصار ، ويسمع كل شئ ولا تدركه الأسماع ، لأنه الواحد الذى ليس كمثله شئ .

منقول من صفحة Dr. Mostafa Mahmoud

كتاب / عالم الأسرار

(كلمتين بالبلدي) :يا ترى العيب في مين بقى ؟! ... بقلم د.شهيرة عبد الهادي

(كلمتين بالبلدي): يا ترى العيب في مين بقى ؟!
---------------------------------------------------------
الدولة قالت :إن نهاية أجازة عيد الأضحى المبارك مع أجازة 6 اكتوبر مع الجمعة مع كل حاجة..كانت.. يوم الثلاثاء 7 / 10/ 2014م.. يعني الدراسة في المدارس والعمل بكل المؤسسات في البلد.. حيبدأ يوم الأربعاء 8 / 10 / 2014م.. أمس" الأربعاء" الأولاد في الشارع بتاعي اللي فيه مدارس ابتدائي..ماشيين في الشارع بيقولوا:" هيه بكرة الخميس أجازة يا ولاد" ..وأكيد هم مقالوش ده من دماغهم يعني .. فصبرت لغاية النهارده الخميس.. وسألت المقربين لي اللي عندهم ولاد في المدارس..عرفت أن في بعض المدارس.. المدرسين أساساً مرحوش اليومين دول المدرسة " الأربعاء والخميس" .. وفي بعض المدارس كثير من التلاميذ مراحوش اليومين دول..يا ترى.. العيب في مين بقى ؟.. في الدولة ؟ ..ولا في المدرسين ؟ ..ولا في مدراء المدارس ؟.. ولا في التلاميذ ؟..ولا في أولياء الأمور ؟..وبعدين نقول عاوزين نرفع مستوى التعليم في مصر ؟؟؟!!!
--------------------------
د.شهيرة عبد الهادي

موسيقى بحيره البجع ..... حينما تريد الجمال والهدوء والاسترخاء

أشهر معزوفة عالمية.... روووووووووووووووووووووعة

والسؤال المطروح ... هل إختيار شريك العمر هو من فنون التسويق فعلاً ؟؟؟

دروس في التسويق:
وقف الأستاذ الجامعي يشرح للطلبة مقدمة عن فنون التسويق الحديث

1- افترض أنك في حفل ورأيت فتاة جميلة وجذابة، ثم ذهبت إليها وقلت لها "أنا رجل غني جداً، هل تتزوجيني" ....... هذا ما يسمى بالتسويق المباشر

2- افترض أنك في حفل مع أصحابك ورأيت فتاة جميلة وجذابة، ثم ذهب إليها أحد أصدقائك وأشار إليك وقال لها "أنه رجل غني جداً، هل تتزوجينه" ....... هذا ما يسمى بالدعاية والإعلان

3- افترض أنك في حفل ورأيت فتاة جميلة وجذابة، ثم ذهبت إليها وأخذت رقم تليفونها وبعد أن رجعت منزلك اتصلت بها وقلت لها "أنا رجل غني جداً، هل تتزوجيني" ....... هذا ما يسمى بالتسويق غير المباشر

4- افترض أنك في حفل ورأيت فتاة جميلة وجذابة، ثم ذهبت إليها وأنت تضبط رابطة عنقك ثم أتيت لها بمشروب وجلبت لها حقيبتها من الأرض بعد أن اوقعتها هي متعمدة ثم فتحت لها باب سيارتها وعرضت عليها ان توصلها بنفسك ثم قلت لها "على كل حال أنا رجل غني جداً، هل تتزوجيني" ....... هذا ما يسمى بالعلاقات العامة

5- افترض أنك في حفل ورأيت فتاة جميلة وجذابة، ووجدتها هي تأتي إليك وتقول "أنت رجل غني جداً، هل تتزوجني" ........ هذا ما يسمى بالطلب الفعال المفاجئ

6- افترض أنك في حفل ورأيت فتاة جميلة وجذابة، ثم ذهبت إليها وقلت لها "أنا رجل غني جداً، هل تتزوجيني" ففاجأتك بصفعة قوية جميلة على وجهك ....... هذا ما يسمى بالتغذية العكسية - رد فعل المستهلك

7- افترض أنك في حفل ورأيت فتاة جميلة وجذابة، ثم ذهبت إليها وقلت لها "أنا رجل غني جداً، هل تتزوجيني" فنادت على زوجها وعرفتك به ....... هذا ما يسمى بالفجوة بين العرض والطلب

8- افترض أنك في حفل ورأيت فتاة جميلة وجذابة، وبينما أنت في طريقك لها فوجئت برجل آخر يتقدم إليها ويقول "أنا رجل غني جداً، هل تتزوجيني" ....... هذا ما يسمى بالمنافس الذي أخذ حصتك من السوق

9- افترض أنك في حفل ورأيت فتاة جميلة وجذابة، ثم ذهبت إليها وقبل أن تقول "أنا رجل غني جداً، هل تتزوجيني" فوجئت بزوجتك تأتي ....... هذا ما يسمى بعوارض اقتحام الأسواق الجديدة

والسؤال المطروح ... هل إختيار شريك العمر هو من فنون التسويق فعلاً ؟؟؟

(كلمتين بالبلدي) : وعملوا من الرقص الشرقي قضية قومية ... بقلم د.شهيرة عبد الهادي

كلمتين بالبلدي):وعملوا من الرقص الشرقي قضية قومية
------------------------------------------------------
وانا باقلب في التليفزيون بالصدفة .. لقيت .. الدكتور جابر عصفور .. اليوم الأربعاء 8 / 10 / 2014م ..على قناة القاهرة والناس.. في بروموا أو ترايلر برنامج القاهرة 360 .. مع أسامة كمال .. بيقول بالحرف الواحد :" أن فيه بحوث ومقالات إتكتبت عن رقص تحية كاريوكا وجماله .. وأن إدوار إسماعيل كتب مقال رائع عن رقص سامية جمال وأنه لوحة فنية تشكيلية مثل الباليه .. يا أخي إقرأ مقال إدوار سعيد عن رقص سامية جمال .. مش عشان .. اللي مبيفهمش الرقص الشرقي .. واللي هو ممكن يكون مش سوي .. وبيرفض الرقص الشرقي .. نقوم نرفضه ..واحنا كنا بنروح السينما زمان عشان نشوف رقص سامية جمال .. هي الراقصة الشرقية زمان كان فيها فحش؟.. أبداً " .. ولغاية هنا خلص كلام دكتور جابر عصفور .. وفي موضع آخر لنفس البروموا بينادي بثقافة المناعة وليس ثقافة المنع طبقاً لحرية الإبداع ..
وطبعاً أكيد ده كان بمناسبة برنامج الراقصة اللي اتذاع على القاهرة والناس غصب عن عين الكل ..
بيعجبني قوي مثقفين مصر لما يتكلموا عن الرقص الشرقي ويعملوا منه" قضية قومية ".. في بلد فيها بعض خريجي الجامعات المصرية مبيعرفش يقرأ ويكتب كويس..
-------------------------------
د.شهيرة عبد الهادي

قصيدة ترتيب سور القرآن الكريم

   

منظومة ترتيب سور القــرأن الكـريم
ـــــــــــــــــــــــــــــ
1 - بِالْحَمْدِ نَبدَأُ كُـلَّ فِعْلٍ طَيِّـــــــبٍ .. ثُـــــمَّ الصَّــلَاةُ عَلَى بْنِ عَبْدِ مَنَــافِ
2 - بَقَـرٌ لِعِمْـــرَانَ وَبَعْضُ نِسَائِــــــــهِ.. وَمَوَائِـــــدُ الْأَنْــــــــعَامِ بِالْأَعــــــْرَافِ
3 - يَا رَبِّ أَنْفِلْــــنِي بَتَوْبَـــةِ يُونُــــــــسٍ ..هُـودٍ وَيُوسُفْ طَـــــاهِرُ الْأَطْــــــرَافِ
4 - بِالـرَّعْدِ إِبْـرَاهـيمُ طَـافَ بِحِجْـــــرِه.. وَالنَّحْـــــلُ أَسْـرَى لِلْكُهُــوفِ يُـــوَافِ
5 - وَبِمَرْيَــمٍ أكْــرِمْ وَطَـــــهَ بَعْدَهَــــــــا ..والْأَنبِيَــــــــاءِ الخُلَّـصِ الْأَشْــــــــرَافِ
6 - للحَجِّ يَـرْنُـو الْمُؤْمِنُــــونَ لِنُــــــورِهِ ..بِالفُرقـــــانِ وَالْأَشْعَـارِ فِي إِلْحَـــــافِ
7 - وَالنَّمْـلُ تَقْصُصُ وَالْعَنَاكِـبُ حَوْلَهَــــا ..وَالـــرُّومُ يَا لُقْمَـــانُ رَهْنَ تِـــــــــلَافِ
8 - لَمْ يَسْجُدِ الْأَحْـزَابُ مِنْ سَبَإٍ.. وَلَـــم يَحْنُو الْجِبَـاهَ لِفَاطِــــرِ الْأَسْــــــــلَافِ
9 - يَسُ صَافَــــــاتُ وَصٌ وَالزُّمَــــــــرْ.. يـَا غَافِـــراً فَصَّلْـــتَ لِـي أَوْصَـــــــافِ
10 - فَتَشَاوَرُوا فِي زِينَـــةٍ مِنْ زُخْـــرُفٍ.. بِدُخَانِهِمْ وَجَثَوْا عَلَـى الْأَحْقَـــــــــافِ
11 - وَمُحَمَّدٌ بَالْفَتْـــحِ جَـــاءَ مُبَشِّــــــرا.. فِـي حُجْـرَةٍ أوحــىَ إليـهِ بِقَــــــــافِ
12 - بِالذَّارِيـَــاتِ الطُّــورُ أَشْرَقَ نَجْمُــه.. قَمَرٌ مِنَ الرَّحْمَـــــنِ لَيْسَ بِخَـــــــافِ
13 - وَقَــعَ الْحَدِيدُ بِبَأْسِـــهِ فَتَجَاَدَلـــــوا.. فىِ الحَشْـرِ يَمْتَحِنُ الْأَنَـاَمَ مُكَـــــافِ
14 - بالصَّفْ صُفَّ الْمُسْلِمونَ لِجُمْعَةٍ ..وَأَخُو النِّفَــــــاقِ لِغُبْنِهِ مُتَجَــــــــــافِ
15 - قَدْ طَلَّـقَ الْأُخْـــرَى فَحَـرَّمَ رَبُّــــــه ..مُلْكَ الْجِنَـــانِ عَلَيْهِ دُونَ خِـــــــــلاَفِ
16 - قَلـمٌ يَحِقُ لَهُ العُـــرُوجُ إلى العُـــــلاَ.. يَا نُـــوحُ إِنَّ الْجِـــــنَّ غَيْرَ خَــــــــوَافِ
17 - وَتَزَمَّلَـــــتْ وَتَدَثَّـــــرَتْ لِقِيَامَـــــــةٍ ..وَالأنْـسُ أَرْسَلَ صَيْحَةَ إسْتِعْطَــــــافِ
18 - نَبَـــــــأٌ عَظِـــــيمٌ زَادَ فِيــــهِ نِــزَاعُـهُم.. عَبَسُــوا لَــهُ مُتَكَــوِّرُ الْأَعْطَــــــــــافِ
19 - وَتَفَطَّــرَتْ أَجْسَــامُهُمْ مِـنْ هَوْلِـــــهِ.. قَدْ طَفَّفُوا الْمِكْيَـــــالَ فِى إِسْــــرَافِ
20 - وَانْشَقـــتِ الأَبـْـــرَاجُ بَعْدَ طَــــوَارِقٍ.. سَبِّــحْ فَــإِنَّ الْغَاشِيَـــــاتِ تُـــــــوَافِ
21 - وَالفَجْـرُ أَشرَقَ فِي الْبِلَادِ وَشَمْسُـنَا.. غَربَتْ فَحَـلَّ اللَّيْــلُ ذُو الأَطْيَـــــــــافِ
22 - أَضْحَى الضُّحَى فَاشْرَحْ فُؤَادَكَ.. دَائِماً بِالتِّــينِ وَاقْـــرَأ ذَاكَ قَـــــدْرٌ كَـــــــافِ
23 - بِالْبَيِّنَـــــاتِ تَـزَلْزَلَـــــتْ عَادِيَّـــــــــةٌ.. بِقَـــــوَارِعٍ أَلْهَتْ عَـنِ الْأَعْطَــــــــــافِ
24 - وَالْعَصْـــرُ وَلَّى وَهُــوَ يَـهْـمِزُ فِـــيـْلَــه ..لِقُرَيْــــشٍ فِي صَخَــبٍ وَفِى إِسْفَـافِ
25 - مَـنْ يَمْنَـعِ الْمَاعُـــونَ يَنْحَــرُ نَفْسَــهُ.. وَالكُفْــرُ وَلَّـى بَعْدَ نَصْــــرٍ شَـــــــــافِ
26 - تَـبَّــتْ يَــــدَا مَنْ لَا يُـوَحِّـدْ رَبَّــــــــه.. فَلَقَ الصَّبَـــــاحَ وَجَادَ بِالأَلْطَـــــــــــافِ
27 - عُذْ بِالْإِلَــــهِ مِنَ الْوَسَـــــاوِسِ وَادْعُه ..يَغْفـِرْ لِنَاظِـــــمِ هَـذِهِ الأَصْـــــــــــدَافِ
28 - ثُـمَّ الصَّـــــلَاةُ عَلَـى النَّــــــبِيِ وَآلِــه وَالْآلِ وَالْأَصْحَــــــابِ وَالْأَسْــــــــــلَافِ
==================

محمود محمد إبراهيم

موضوع للمناقشة ........... بقلم د.شهيرة عبد الهادي

موضوع للمناقشة
==========
هل النشأة السيئة تؤثر على العلم بالسلب ؟
وهل العلم لا يُهذب النشأة السيئة ؟
وهل تؤمن بالمقولة الآتية بناء على ما سبق :
" لذا لا تعلموا أولاد السَِّفْلة .. ولا تولوهم عليكم "
طيب : ما رأيكم في هذه المقولة: "أن التعليم حق للجميع  كالماء والهواء" ؟
طيب: وما رأيكم في أننا نريد العلم والتعليم للجميع حتى لما يُطلق عليهم " أولاد الشوارع" ؟ مع تحفظي على هذا التعبير وإنني أفضل التعبير " أطفال بلا مأوى "
وبالتالي .. هل هنا تناقض بين المقولتين ؟
ثم : أليست .. هذه .. هي حكمة الله سبحانه وتعالى .. في أن يكون هؤلاء فقراء وهؤلاء أطفال بلا مأوى وهؤلاء أشرار وهؤلاء أصابهم سوء الخلق ؟.. وووو..
أعلم أنها قضية ستتدخل فيها جوانب شرعية واجتماعية وفكرية وفلسفية .. ولكنني وبأمانة أعرض ما يدور في ذهني وببساطة حتى أجد إجابة فقط ..
-------------------------
د.شهيرة عبد الهادي